ଓଡିଶା ତାଜା ନ୍ୟୁଜ୍ (୨୬ ଜୁଲାଇ ରବିବାର) କଳାହାଣ୍ଡି :- କଳାହାଣ୍ଡି ଜିଲ୍ଲା ନର୍ଲା ଭବାନୀପାଟଣା ରାସ୍ତାର ଗୋହିରାପଦର ଗାଁ ନିକଟରେ ଏକ ବୋଲେରୋ ଓ ବାଇକ ମଧ୍ୟରେ ମୁହାଁମୁହିଁ ଧକ୍କା ହେବାରୁ ବାଇକ ଆରୋହୀଂକ ମୃତ୍ୟୁ ହୋଇଛି । ଖବର ନେବାରୁ ଜଣାଯାଏ ବୋଲେର ଗାଡି ନମ୍ବର ଓଆର୦୮ଡି୬୩୨୧ ଓ ବାଇକ ନମ୍ବର (ଓଡି୦୮ଜେ୫୭୫୫) ମଧ୍ୟରେ ମୁହାଁମୁହିଁ ଧକ୍କା ଯୋଗୁଁ ବାଇକ ଆରୋହୀ ଗୋହିରାପଦର ଗାଁର ଶଶି ସାହୁ (୬୦) ଙ୍କ ର ମୃତ୍ୟୁ ଘଟିଛି ।
ବୋଲେରୋ ଗାଡ଼ିରେ ଥିବା ୬ ଜଣ ଯାତ୍ରୀ ଗୁରୁତର ଆହତ ହୋଇଥିଲେ । ଦୁର୍ଘଟଣା ପରେ ଉତ୍ତ୍ୟକ୍ତ ଲୋକେ ରାସ୍ତା ଉପରେ ଶବ ରଖି ରାସ୍ତା ଅବରୋଧ କରିଥିଲେ । ଖବରପାଇ ନର୍ଲା ତହସିଲଦାର ମାନସ ରଞ୍ଜନ ତ୍ରିପାଠୀ, ନର୍ଲା ଥାନା ଅଧିକାରୀ ଡିଏସପି ଗାୟତ୍ରୀ ପଧାନ , ଶାନ୍ତପୁର ସରପଞ୍ଚ ଟିକେଧର ସାହୁ ଘଟଣା ସ୍ଥଳରେ ପହଞ୍ଚି ଲୋକଙ୍କୁ ବୁଝାସୁଝା କରିଥିଲେ । ମୃତ ବ୍ୟକ୍ତିଙ୍କ ନାମରେ ନର୍ଲା ଥାନା ରେ କେସ ନଂ ୧୨୫/୨୦୨୦ରେ ଏକ ଅପମୃତ୍ୟୁ ମାମଲା ରୁଜ୍ଜୁ କରାଯାଇ ଥିବା ଥାନା ଅଧିକାରୀ ଡିଏସପି ଗାୟତ୍ରୀ ପଧାନ ସୂଚନା ଦେଇଛନ୍ତି । (ରିପୋର୍ଟ – ପ୍ରଦୀପ କୁମାର ଗଉଡ)
