ରଣପୁର ବିଜ୍ଞାପିତ ଅଚଂଳରେ ଥିବା ସମସ୍ୟାର ସମାଧାନ ପାଇଁ  : ସରକାରଙ୍କୁ ୧୪ ଦଫା ଦାବୀପତ୍ର ପ୍ରଦାନ କଲେ – ରଣପୁର ଜନ ସାଧରଣ

୧୮ ଫେବୃଆରୀ ୨୦୨୪ (ଓଡିଶା ତାଜ଼ା ନ୍ୟୁଜ) ରଣପୁର :-> ବିଜ୍ଞାପିତ ଅଚଂଳ ପରିଷଦର ବାସିନ୍ଦା , ସରକାରଙ୍କୁ ୧୪ ଦଫା ଦାବି ପ୍ରଦାନ କଲେ ରଣପୁର ଜନ ସାଧରଣ

୧୪ ଦଫା ଦାବି

୧- ବାର୍ଦ୍ଧକ୍ୟ, ବିଧବା ଓ ବିକଳାଙ୍ଗ ଭତା ଟ.୫୦୦.୦୦ଙ୍କା ରୁ ଟ.୧୫୦୦.୦୦ଙ୍କା କୁ ବୃଦ୍ଧିକରାଯାଉ ।

୨-ମହିଳା ସୟଂ ସହାୟକ ଗୋଷ୍ଠୀଙ୍କୁ ଆତ୍ମନିର୍ଭର ପାଇଁ ଟ.୫,୦୦,୦୦୦.୦୦ଙ୍କା ପର୍ଯ୍ୟନ୍ତ ବିନା ସୁଧରେ ଋଣ ଦେବା ପାଇଁ ସରକାର ଘୋଷଣା କରିଥିଲେ ମଧ୍ୟ ରଣପୁର ଅଚଂଳରେ ଥିବା ୟୁକୋ.ବ୍ୟାଙ୍କ, ଭାରତୀୟ ଷ୍ଟେଟ୍ ବ୍ୟାଙ୍କ ଋଣରେ ସୁଧ ନେଉଛନ୍ତି । ତାହାର ତଦନ୍ତ କରି ବିନା ସୁଧରେ ମହିଳା ସ୍ଵୟଂ ସହାୟକ ଗୋଷ୍ଠୀଙ୍କୁ ମିଳିବା ପାଇଁ ଦାବୀ ଜଣାଉଅଛୁ ।

୩-ମୁକ୍ତା ଯୋଜନାରେ ମହିଳା ମାନଙ୍କୁ ଆତ୍ମନିର୍ଭରଶୀଳହେବା ପାଇଁ ଯୋଜନାର ଲକ୍ଷ୍ୟ ଥିବାବେଳେ, ରଣପୁର ବିଜ୍ଞାପିତ ଅଚଂଳ ପରିଷଦରେ ମୁକ୍ତା ଯୋଜନାରେ ପ୍ରତ୍ୟେକ ଉନ୍ନୟନ ମୂଳକ କାର୍ଯ୍ୟ ରଣପୁର ବିଜ୍ଞାପିତ ଅଚଂଳ ପରିଷଦର କନିଷ୍ଠ ଯନ୍ତ୍ରୀ ଙ୍କ ନାମରେ କାର୍ଯ୍ୟାଦେଶ କରି ଠିକାଦାର କାମ କରୁଛନ୍ତି । କେବଳ ତଦାରଖ କାମ ମହିଳା ସ୍ଵୟଂ ସହାୟଜ ଗୋଷ୍ଠୀକୁ ଦିଆଯାଇଛି । ଏହାର ବିଧ‌ିବଧ ତଦନ୍ତ ଓ କାଯ୍ୟାନୁଷ୍ଠାନ ଗ୍ରହଣ କରିବାର ଦାବୀ ଉପସ୍ଥାପନ କରୁଅଛୁ ।

୪- ରଣପୁର ବିଜ୍ଞାପିତ ଅଚଂଳ ପରିଷଦରେ ବହୁ ଯୋଗ୍ୟ ହିତାଧୁକାରୀ ରାସନ କାର୍ଡ ପାଇବାରୁ ବଚିଂତ ହୋଇଛନ୍ତି । ଯୋଗ୍ୟ ହିତାଧୁକାରୀଙ୍କୁ ରାସନ କାର୍ଡ ମିଳୁ ଚିଠି ନଂ-୧୪୦୦ ତା୧୭.୦୯.୨୦୨୧ ରିଖ ୨୩୧ଜଣ ହିତାଧୁକାରୀ ସରକାରୀ ଭାବେ ଯୋଗ୍ୟ ହୋଇଥିବା ବେଳେ ସେମାନେ ବର୍ତମାନ ସୁଦ୍ଧା ବଚିଂତ ଅଛନ୍ତି । ତୁରନ୍ତ ରାସନ କାର୍ଡ ମିଳିବା ପାଇଁ ଦାବୀ ଉପସ୍ଥାପନ କରୁଅଛୁ ।

୫- ରଣପୁର ବିଜ୍ଞାପିତ ଅଚଂଳରେ ଥିବା ବସ୍ତି ଅଚଂଳରେ ଥିବା ସରକାରୀ ଓ ବେସରକାରୀ ଯାଗାରେ ଥିବା ଜନସାଧାରଣଙ୍କୁ ରଣପୁର ବିଜ୍ଞାପିତ ଅଚଂଳ ପରିଷଦ ତରଫରୁ  ଚିହ୍ନଟ ସରିଥିବା ବେଳେ, ବର୍ତମାନସୁଦ୍ଧା ପଟ୍ଟା ନମିଳିବାରୁ ଜନସାଧାରଣ ବହୁମାତ୍ରାରେ ଅସୁବିଧାର ସମ୍ମୁଖୀନ  ହେଉଛନ୍ତି । ଏଣୁ ଆପଣ ତୁରନ୍ତ ହସ୍ତକ୍ଷେପ କରି ତୁରନ୍ତ ପଟ୍ଟା ଦେବାର ବ୍ୟବସ୍ଥା କରିବାର ଦାବୀ ଉପସ୍ଥାପନ କରୁଅଛୁ ।

୬ ରଣପୁର ବିଜ୍ଞାପିତ ଅଚଂଳ ପରିଷଦରେ ସମସ୍ତ ଚାଷୀଙ୍କୁ କାଳିଆ ଯୋଜନା ଓ ନବୀନ  ବିଜୁ ସ୍ଵାସ୍ଥ୍ୟ ଯୋଜନାରେ ଅନ୍ତଭୂକ୍ତ କରିବା ପାଇଁ ଅନୁରୋଧ କରୁଅଛୁ ।

୭- ଧାନ ମଣ୍ଡିରେ ୧ କ୍ଵିଣ୍ଟାଲ ପିଛା ୫କେ.ଜି. ରୁ ୭ କେ.ଜି. ଧାନ କଟା ଯାଉଥବାରୁ ତାହା ବନ୍ଦ କରାଯାଉ ଏବଂ ଅସାଧୁ ମିଲର ବିରୁଦ୍ଧରେ କାଯ୍ୟାନୁଷ୍ଠାନ ନିଆଜିବା ନିମନ୍ତେ ଅନୁରୋଧ କରୁଅଛୁ ।

୮- ରଣପୁର ବିଜ୍ଞାପିତ ଅଚଂଳ ପରିଷଦରେ ପରିମଳ ବ୍ୟବସ୍ଥାଠିକ୍‌ ଭାବରେ କାମ କରୁନାହିଁ । ଡ୍ରେନ୍ ରେ ଫିନାଇଲ, ମଶାତେଲ ବା  ବ୍ଲିଚିଙ୍ଗ୍ ପଡୁନାହିଁ । ମଶା, ମାଛି ବ୍ୟାପି ଲୋକମାନେ ରୋଗରେ ପଡୁଛନ୍ତି । ତୁରନ୍ତ ତଦନ୍ତ ହେଉ ଓ ପରିମଳ ଠିକ୍ ଭାବେ ହେବା ପାଇଁ ଦୃଷ୍ଟି ଦିଆଯାଉ ।

୧୦-ରଣପୁର ଡାକ୍ତରଖାନା ଉପରେ ବହୁ ଲୋକ ନିର୍ଭର କରୁଥିବାବେଳେ, ଏହି ଡାକ୍ତରଖାନାରେ ୨୧ ଜଣ ଡାକ୍ତର ରହିବାର ବ୍ୟବସ୍ଥା ଥିଲାବେଳେ, ମାତ୍ର ୫ଜଣ ଡାକ୍ତରଙ୍କ ଦ୍ବାରା ଏହି ଡାକ୍ତରଖାନା ଚାଲିଛି ଯାହାଫଳରେ ରୋଗୀ ଓ ଜନସାଧାରଣ ବହୁ ଅସୁବିଧାର ସମ୍ମୁଖୀନ ହେଉଛନ୍ତି । ତୁରନ୍ତ ଡାକ୍ତର ନିଯୁକ୍ତି କରାଯାଉ ।

୧୧- ରଣପୁର ବିଜ୍ଞାପିତ ଅଚଂଳ ପରିଷଦରେ କମ ଶୌଚାଳୟ ଥିବାରୁ ଲୋକମାନେ ବହୁତ ହଇରାଣ ହେଉଛନ୍ତି ଆଉ ଅଧିକ ଶୌଚାଳୟ, ମାର୍କେଟ କମ୍ପ୍ଲେକ୍ସ ର୍ନିମାଣ ବ୍ୟବସାୟିକଙ୍କ ସହିତ ଆଲୋଚନା ପୂର୍ବକ ମାର୍କେଟ କମ୍ପ୍ଲେକ୍ସ ର୍ନିମାଣ କରାଯାଉ । ଏହାର ତଦନ୍ତ କରି ଏହି ଦାବୀ କୁ କାର୍ଯ୍ୟ କରାଯିବା ନିମନ୍ତେ ଆଦେଶ ଦିଆଯାଉ ।

୧୨- ରଣପୁର ବିଜ୍ଞାପିତ ଅଚଂଳ ପରିଷଦରେ ବହୁ କାମ ବର୍ଷ ବର୍ଷ ଧରି ଟେଣ୍ଡର ହୋଇ କାମ ହେଉନାହିଁ । ଏହାର ତଦନ୍ତ କରାଯାଇ କାଯ୍ୟାନୁଷ୍ଠାନ ନିଆଯାଉ ।

୧୩-ରଣପୁର ର ପ୍ରସିଦ୍ଧ ଦେବୀ ମା ଉପର ମଣିନାଗ ଙ୍କ ରାସ୍ତା ଅତି ଶୋଚନୀୟ ଅବସ୍ଥାରେ ଅଛି । ଏଠାକୁ ଶହ ଶହ ପର୍ଯ୍ୟଟକ ବୁଲିବାକୁ ଆସୁଛନ୍ତି । ଏଣୁ ତୁରନ୍ତ ଏହାର ରାସ୍ତା ନିର୍ମାଣ ସହ ରାସ୍ତାର ଉଭୟ ପାର୍ଶ୍ଵରେ ସୁରକ୍ଷା କାନ୍ଥ ନିର୍ମାଣ କରିବା ପାଇଁ ଅନୁରୋଧ କରୁଅଛି ।

୧୪- ରଣପୁର କୁ ସବ୍‌-ଡିଭିଜନ୍‌ର ମାନ୍ୟତା ମିଳୁ, ନୟାଗଡ ଜିଲ୍ଲାରେ ରଣପୁର ବ୍ଳକ ସବୁଠାରୁ ବଡ ଅଟେ । ରଣପୁର ରେ ୨ଟି ଥାନା, ୨ଟି ଫାଣ୍ଡି, ୧ଟି ତହସିଲ ଅଫିସ୍‌ ଏବଂ ୧୨ ଗୋଟି ରେଭିନ୍ୟୁ ଅଫିସ୍ ଅଛି । ଏହି ଦୃଷ୍ଟିରୁ ରଣପୁର ସବ୍- ଡିଭିଜନ୍ ହେବା ପାଇଁ ଯୋଗ୍ୟ ଅଟେ । ତତ୍ ସହିତ ରଣପୁର ଏକ ପୁରାତନ ଗଡଜାତ୍ ସ୍ଥାନ ଅଟେ ।

ଏଣୁ ରଣପୁର କୁ ସବ୍‌ ଡିଭିଜନ୍ ମାନ୍ୟତା ପ୍ରଦାନ କରାଯିବା ପାଇଁ ରଣପୁରବାସୀ        ସାଧାରଣରେ ଦାବୀ କରିଛନ୍ତି । ତଦ୍ ସହିତ ସରକାରଙ୍କ ନିକଟରେ ସହୃଦୟତାର ସହିତ ଉପରୋକ୍ତ  ଦାବି ଗୁଡିକର  ସଠିକ୍ ତଦନ୍ତ କରି କର୍ଯ୍ୟକାରୀ କରିବାକୁ ଅନୁରୋଧ  କରିଛନ୍ତି ଜନ ସାଧାରଣ   ।