କଟକ – ଭୁବନେଶ୍ୱର ଜାତୀୟ ରାଜପଥର ଗୋପାଳପୁର ଠାରେ ଓଲଟିଲା ଯାତ୍ରୀବାହି ବସ

୧୪ ଫେବୃଆରୀ ୨୦୨୪ (ଓଡିଶା ତାଜ଼ା ନ୍ୟୁଜ) କଟକ :-> ଦୃତ ଗତୀରେ କଟକ ରୁ ଭୁବନେଶ୍ୱର ଅଭିମୁଖେ ଯାଉଥିବା ଚନ୍ଦନ ନାମକ ଏକ ଘରୋଇ ଯାତ୍ରୀ ବାହି ବସ ,ବୁଧବାର ସନ୍ଧ୍ୟାରେ କଟକ – ଭୁବନେଶ୍ୱର ୧୬ ନମ୍ବର ଜାତୀୟ ରାଜ ପଥର ଗୋପାଳପୁର ବ୍ରିଜ ଠାରୁ ଅଳ୍ପ କିଛି ଦୂରରେ ହଠାତ ଡିଭାଇଡ଼ର ଉପରେ ଓଲଟି ପଡିଥିଲା । ବସରେ ଥିବା ଅନ୍ୟୁନ ୪୦ ଯାତ୍ରୀଙ୍କ ମଧ୍ୟରୁ ଅନେକ ଯାତ୍ରୀ ଆହତ ହୋଇଛନ୍ତି । ସେମାନଙ୍କ ମଧ୍ୟରୁ ୮ରୁ ଉର୍ଦ୍ଧ୍ବ ବ୍ୟକ୍ତି ଗୁରୁତର ଆହତ ହୋଇଥିବା ଜଣାପଡିଛି ।

ଏହି ରାସ୍ତାରେ ଯାଉଥିବା ଜନସାଧାରଣ ହଠାତ ସେଠାରେ ଅଟକି ଯାଇ ଦୁର୍ଘଟଣା ଗ୍ରସ୍ତ ବସ ଭିତରୁ ଆହତ ମାନଙ୍କୁ ବାହାର କରିଥିଲେ । ଏହି ଦୁର୍ଘଟଣାର ଖବର ପାଇ କଟକ ସଦର ପୋଲିସ ଏବଂ ଏନ୍ ଏଚ ଟ୍ରାଫିକ ଥାନା ଫୁଲନଖରା ର କର୍ମଚାରୀ ମାନେ ଘଟଣାସ୍ଥଳରେ ପହଂଚି ଥିଲେ । ରାତି ହୋଇ ଯାଇଥିବାରୁ ବସ ଭିତରେ ଫସି ରହିଥିବା ଆହତ ମାନଙ୍କୁ ବହୁ କଷ୍ଟରେ ପଦାକୁ ବାହାର କରିବା ସମ୍ଭବ ହୋଇନଥିଲା ।

କଟକ ରୁ ଦୁଇଟି ଆମ୍ବୁଲାନ୍ସ ଆସି ଦୁର୍ଘଟଣା ସ୍ଥଳରେ ପହଞ୍ଚି ଆହତ ମାନଙ୍କୁ ଉଦ୍ଧାର କରି ଚିକିତ୍ସା ପାଇଁ କଟକ ବଡ଼ ମେଡ଼ିକାଲକୁ ନେଇଥିଲେ । ବେପରୁଆ ଗାଡ଼ି ଚାଳନା ଯୋଗୁଁ ଏପରି ଦୁର୍ଘଟଣା ଘଟିଲା ବୋଲି ସେହି ରାସ୍ତାରେ ଯାଉଥିବା ଯାତ୍ରୀଙ୍କ ଠାରୁ ଶୁଣିବାକୁ ମିଳିଥିଲା । କେତେକ ଜଣ ଯାତ୍ରୀ ଆହତ ହୋଇଛନ୍ତି ସେନେଇ ସଠିକ ତଥ୍ୟ ମିଳି ପାରିନାହିଁ ।