ଓଡିଶା ତାଜା ନ୍ୟୁଜ୍ (୨୫ ଜୁଲାଇ ଶନିବାର) ହିଞ୍ଜିଳିକାଟୁ :- ହିଞ୍ଜିଳି ଥାନା ତଥା ପୌରାଂଚଳ ବଇଁଚବଣିଆ ଛକରେ ବେଆଇନ ଭାବେ ଦେଶୀ ମଦ ଚାଲାଣ କରୁଥିବା ଅଭିଯୋଗରେ ପୁଲିସ ଜଣଙ୍କୁ ଗିରଫ କରିଛି । ଗିରଫ ଜଣକ ପୌରାଂଚଳ ବଇଁଚବଣିଆ ଅଂଚଳର ସିମାଂଚଳ ପ୍ରଧାନ । ଏ ନେଇ ହିଞ୍ଜିଳି ଥାନାରେ ୨୬୦/୨୦ରେ ଏକ ମାମଲା ରୁଜୁ କରି ସଂପୃକ୍ତ ଯୁବକଙ୍କୁ କୋର୍ଟ ଚାଲାଣ କରାଯାଇଥିବା ଥାନା ଅଧିକାରୀ ଅଭିମନ୍ୟୁ ଦାସ କହିଛନ୍ତି ।
ପ୍ରକାଶ ଥାଉକି, ହିଞ୍ଜିଳି ପୁଲିସ ଶୁକ୍ରବାର ସନ୍ଧ୍ୟାରେ ପେଟ୍ରୋଲିଂ କରୁଥିବା ସମୟରେ ଯୁବକ ଜଣକ ଦେଶୀମଦ ଚାଲାଣ କରୁଥିବା ବେଳେ ପୁଲିସ ଗିରଫ କରିଥିଲା । ସଂପୃକ୍ତ ଯୁବକଙ୍କ ଠାରୁ ୬ଶହ ଟି ଦେଶୀମଦ ପାଉଚ୍ ଜବତ କରାଯାଇଥିବା ପୁଲିସ କହିଛି । ( ରିପୋର୍ଟ /ଶେଷଦେବ ସାହୁ)
