ଓଡିଶା ତାଜା ନ୍ୟୁଜ୍ (୨୩ ଜୁଲାଇ ଗୁରୁବାର) ଭୁବନେଶ୍ୱର :- ୨୦୨୦ ଚଳିତ ଆର୍ଥିକ ବର୍ଷ ଶେଷ ସୁଦ୍ଧା ଓଡ଼ିଶା କ୍ଷୁଦ୍ରଶିଳ୍ପ ନିଗମ ତା’ର ବ୍ୟବସାୟକୁ ୧ ହଜାର କୋଟିରେ ପହଞ୍ଚାଇବା ପାଇଁ ଖସଡ଼ା ପ୍ରସ୍ତୁତ କରିଛି । ଏହି ଅଭିବୃଦ୍ଧିରେ ସ୍ଥାନୀୟ ଉଦ୍ୟୋଗୀମାନଙ୍କର ସହାୟତା ଏବଂ ପ୍ରୋତ୍ସାହନକୁ ନିଶ୍ଚିତ କରାଯିବ । ଏହା ପ୍ରକାଶ କରିଛନ୍ତି ଶକ୍ତି, ଶିଳ୍ପ, ଅଣୁ, କ୍ଷୁଦ୍ର ଓ ମଧ୍ୟମ ଉଦ୍ୟୋଗ, ଗୃହ ରାଷ୍ଟ୍ରମନ୍ତ୍ରୀ କ୍ୟା ପ୍ଟେନ୍ ଦିବ୍ୟ ଶଙ୍କର ମିଶ୍ର । ଆଜି କଟକସ୍ଥିତ ନିଗମର କାର୍ଯ୍ୟାଳୟ ପରିଷଦ ଶର୍ନ ରେ ଆସି ମନ୍ତ୍ରୀ କ୍ୟାପ୍ଟେନ୍ ମିଶ୍ର ନିଗମର କାର୍ଯ୍ୟାବଳୀର ସମୀକ୍ଷା କରିଥିଲେ । ଏହି ଅବସର ରେ ଏମ୍ଏସ୍ଏମ୍ଇ ବିଭାଗ ପ୍ରମୁଖ ଶାସନ ସଚିବ ଶ୍ରୀ ସତ୍ୟବ୍ରତ ସାହୁ, ନିଗମର ଅଧ୍ୟକ୍ଷ ଶ୍ରୀ ଚିନ୍ମୟ ସାହୁ ଓ ପରିଚାଳନା ନିର୍ଦ୍ଦେଶକ ଶ୍ରୀ ପ୍ରଦୀପ କୁମାର ସାହାଣୀ ପ୍ରମୁଖ ଉପସ୍ଥିତ ଥିଲେ ।
ଅଧିକାରୀମାନଙ୍କ ମଧ୍ୟରେ ସଂପୂର୍ଣ୍ଣ ସାମାଜିକ ଦୂରତ୍ୱ ରକ୍ଷା କରି ଏହି ବୈଠକର ଆୟୋଜନ କରାଯାଇଥିଲା । ସମୀକ୍ଷା ସମୟରେ ମନ୍ତ୍ରୀ କ୍ୟାପ୍ଟେନ୍ ମିଶ୍ର ନିଗମ ନିକଟ ଅତୀତରେ ନେଇଥିବା ବିଭିନ୍ନ ପଦକ୍ଷେ ପର ଭୂୟସୀ ପ୍ରଶଂସା କରିବା ସହ ଆଗାମୀ ଦିନ ପାଇଁ ପ୍ରସ୍ତୁତ କାର୍ଯ୍ୟକ୍ରମର ରୂପରେଖ ସଂ ପର୍କରେ ଅବଗତ ହୋଇ ସନ୍ତୋଷ ପ୍ରକାଶ କରିଥିଲେ । ନିଗମର ଯୁବ ଅଧ୍ୟକ୍ଷ ନିଗମକୁ ଉଚିତ ନେତୃତ୍ୱ ଦେଇ ପାରିବେ ବୋଲି ସେ ଆଶାବ୍ୟକ୍ତ କରିଥିଲେ । ମନ୍ତ୍ରୀ ନିଗମର ଆର୍ଥିକ ଅଭିବୃଦ୍ଧି ନିମନ୍ତେ ବିଭିନ୍ନ କାର୍ଯ୍ୟକ୍ରମ ତଥା ଅଣୁ, କ୍ଷୁଦ୍ର ଓ ମଧ୍ୟମ ଉଦ୍ୟୋଗଗୁଡ଼ିକ ତିଆରି କରୁଥିବା ଶିଳ୍ପଜାତ ଦ୍ରବ୍ୟକୁ ବିଭିନ୍ନ ସରକାରୀ ବିଭାଗ ତଥା ଉଦ୍ୟୋଗ ଗୁଡ଼ିକର ଚାହିଦା ମୁତାବକ ନିର୍ଦ୍ଧାରିତ ମାନଦଣ୍ଡ ରକ୍ଷା ପୂର୍ବକ ବିତରଣ କରାଯିବ । ବିଶେଷ ଭାବେ ଶକ୍ତି ବିଭାଗ ଆବଶ୍ୟକ କରୁଥିବା ବିଦୁ୍ୟତକରଣ କାର୍ଯ୍ୟ, ସୌରଶକ୍ତି ଉପକରଣ, ସୌର ବିଦ୍ୟୁତ କେନ୍ଦ୍ର, ସୌରଚାଳିତ ବିତରଣ ତଥା ସ୍ଥାପନ କରିବା ପାଇଁ ସମସ୍ତ ପଦକ୍ଷେପ ନେବାକୁ ସେ ପରାମର୍ଶ ଦେଇଥିଲେ ।
ଏଥି ପାଇଁ ଆବଶ୍ୟକ ଯନ୍ତ୍ରପାତି ବିତରଣ ଓ ଏହାର ସଂରକ୍ଷଣ ତଥା ମରାମତି କରିବା ପାଇଁ ରାଜ୍ୟର ବିଭିନ୍ନ ସ୍ଥାନରେ କେନ୍ଦ୍ର ସ୍ଥାପନ କରିବାକୁ ନିର୍ଦ୍ଦେଶ ପ୍ରଦାନ କରାଯାଇଥିଲା । ଏଥି ସହିତ ଟାଟା ଷ୍ଟିଲ୍ ଛଡ଼ର ବ୍ୟାପକ ଚାହିଦା ଥିବା ଦୃଷ୍ଟିରୁ ପଶ୍ଚିମ ଓଡ଼ିଶାରେ ଏହାର ବିକ୍ରୟ କେନ୍ଦ୍ର ସ୍ଥାପନ ସକାଶେ ପ୍ରମୁଖ ସଚିବ ଟାଟା ଷ୍ଟିଲ୍ କର୍ତ୍ତୃପକ୍ଷଙ୍କ ସହ ଯୋଗାେଯୋଗ କରିବାକୁ କୁହାଯାଇଥିଲା । ଏତଦ୍ ବ୍ୟତୀତ ନିଗମର ୧୩ଟି ଶାଖା ବିକ୍ରୟ କେନ୍ଦ୍ରକୁ ବୃଦ୍ଧି କରାଯାଇ ୧୯ କରାଯିବ । ନୂତନ ଶାଖା ବିକ୍ରୟ କେନ୍ଦ୍ର ଜୟ ପୁର, ଝାର ସୁଗୁଡ଼ା, ବ୍ରହ୍ମପୁର, କୋରାପୁଟ, ବୌଦ୍ଧ ଓ ଫୁଲବାଣୀ (କନ୍ଧମାଳ)ଠାରେ ପ୍ରତିଷ୍ଠା ପାଇଁ ବିଧିବଦ୍ଧ ଭାବେ ନିଷ୍ପତ୍ତି ଗ୍ରହଣ କରାଯାଇଥିଲା ।
ଏ ସବୁ ସ୍ଥାନରେ ଶାଖା କେନ୍ଦ୍ର ପ୍ରତିଷ୍ଠା ନିମନ୍ତେ ଆବଶ୍ୟକ ଜମି ଯୋଗାଇ ଦେବାକୁ ଇଡ୍କୋକୁ ଅନୁରୋଧ କରିବାକୁ ପ୍ରମୁଖ ଶାସନ ସଚିବଙ୍କୁ କୁହାଯାଇଥିଲା । ଏହା ଦ୍ୱାରା ପଛୁଆ ଅଞ୍ଚଳରେ ନିଗମର ବ୍ୟବସାୟିକ କାରବାରରେ ଅଭିବୃଦ୍ଧି ଘଟିବ ବୋଲି ଆଶା କରାଯାଉଛି । ଶେଷରେ ନିଗମର ଅଧ୍ୟକ୍ଷ ଶ୍ରୀ ସାହୁ ନିଗମର କର୍ମଚାରୀଙ୍କ ଗୋଟିଏ ଦିନର ଦରମା ୧ ଲକ୍ଷ ୪୮ ହଜାର ଏବଂ ସି.ଏସ୍.ଆର୍ ଫଣ୍ଡରୁ ୩ ଲକ୍ଷ ଟଙ୍କାର ଦୁଇଟି ପୃଥକ ଚେକ୍ ମୁଖ୍ୟମନ୍ତ୍ରୀଙ୍କ ରିଲିଫ ପାଣ୍ଠି ଉଦ୍ଦେଶ୍ୟରେ ମନ୍ତ୍ରୀ କ୍ୟାପ୍ଟେନ୍ ମିଶ୍ରଙ୍କୁ ପ୍ରଦାନ କରିଥିଲେ ।
