୨୦ ଜାନୁଆରୀ,୨୦୨୪ (ଓଡ଼ିଶା ତାଜା ନ୍ୟୁଜ୍ ) କଟକ :- କୁଖ୍ୟାତ ଅପରାଧୀ ସକିଲ ଅହମ୍ମଦ ଏବଂ ତାର ସହଯୋଗୀ ମାନେ ୧୬ ନମ୍ବର ଜାତୀୟ ରାଜପଥରେ ଥିବା ଏକ ପେଟ୍ରୋଲ ପମ୍ପରୁ ବଡ଼ ଧରଣର ଡ଼କାୟତି କରିବା ପାଇଁ ବୁଧବାର ରାତି ସାଢ଼େ ୭ଟା ସମୟରେ କାଜିପାଟଣା ନିକଟସ୍ଥ ଇନ୍ଦିରା କଲୋନୀ ପଡିଆରେ ବସି ଯୋଜନା କରୁଥିବା ନେଇ କଟକ ସଦର ପୋଲିସ ଖବର ପାଇଥିଲା । ଖବର ପାଇବା ମାତ୍ରେ ଆଇଆଇସି ରଶ୍ମିରଞ୍ଜନ ମହାପାତ୍ର ଙ୍କ ନେତୃତ୍ୱରେ ଥାନର ଅଫିସର ମାନେ ଘଟଣା ସ୍ଥଳରେ ପହଞ୍ଚି ଡ଼କାୟତି କରିବାକୁ ଯୋଜନା କରୁଥିବା ସକିଲ ଏବଂ ତାର ସହଯୋଗୀ ମାନଙ୍କୁ ଗିରଫ କରିବା ରେ ସଫଳ ହୋଇଥିଲେ ବୋଲି ଆୟୋଜିତ ସାମ୍ବାଦିକ ସମ୍ମିଳନୀରେ ଡିସିପି ପିନାକ ମିଶ୍ର ପ୍ରକାଶ କରିଥିଲେ ।
ଧରାପଡିଥିବା ଅଭିଯୁକ୍ତ ମାନେ ହେଲେ କଟକ ସଦର ଥାନା ଭାଣପୁର ପିରବଜାର ଅଞ୍ଚଳର ଯୁବକ ସକିଲ ଅହମ୍ମଦ ମଙ୍ଗଳାବାଗ ଥାନା କେଶରପୁର ରେ ରହୁଥିଲା । ତାଙ୍କର ସହଯୋଗୀ ମାନେ ହେଲେ ଲାଲବାଗ ଥାନା ବକ୍ସିବଜାର ଅଞ୍ଚଳର ମସ୍ତାନ ଓରଫ ଅବଦୁଲ କାଦିର , ଭୁବନେଶ୍ୱର ଭରତପୁର ଥାନା ଅଞ୍ଚଳର ସେକ ନଦିମ ,କଟକ ସିଆରଆରଆଇ ଥାନା ଗତିରାଉତପାଟଣାର ଜଗନ୍ନାଥ ରାଉତ, ଖଣ୍ଡଗିରି ଥାନା ପାତ୍ରପଡା ଅଞ୍ଚଳର ଶେଖର ସାହୁ , ସଦରଥାନା ଭାଣପୁର ପିରବଜାର ସୟଦ ଅବଦୁଲ ସୋଫିଆନ ,ବାରଙ୍ଗ ଥାନା ମଧୁପୁର ଅଞ୍ଚଳର ପଦିଆ ଓରଫ ପ୍ରଦୀପ ସାହୁ ।
ଏମାନଙ୍କ ପାଖରୁ ପୋଲିସ ଦୁଇଟି ଦେଶୀ ପିସ୍ତଲ,୭ଟି ଜୀବନ୍ତ ଗୁଳି, ଗୋଟିଏ ଖେଳନା ବନ୍ଧୁକ, ଦୁଇଟି ଖଣ୍ଡା, ଦୁଇଟି ମହେନ୍ଦ୍ରା ଥର ଜିପ , ଗୋଟିଏ ଆଇ -୨୦-କାର, ୯ଟି ମୋବାଇଲ ଫୋନ ଜବତ କରିଛି ।ଡ଼କାୟତି ଗ୍ୟାଙ୍ଗର ମୁଖ୍ୟ ସକିଲ ନାମରେ କଟକ ରବିଭିନ୍ନ ଥାନାରେ ୪୦ ଟି ମାମଲା ରହିଛି । ସେହିପରି ଅନ୍ୟ ଅଭିଯୁକ୍ତ ନାମରେ ବିଭିନ୍ନ ଥାନାରେ ମାମଲା ରହିଛି । ଅଭିଯୁକ୍ତ ମାନଙ୍କୁ କୋର୍ଟ ଚାଲାଣ କରାଯାଇଛି ।
