ମକର ପର୍ବ ରେ ଚିଲିକା ଭିତରେ ମା କାଳିଜାଇ ଦର୍ଶନ ନିମନ୍ତେ ଦର୍ଶକ ଙ୍କ ଭିଡ଼

ମା ‘କାଳିଜାଇଙ୍କ ପୀଠରେ ମକର ମେଳା

୧୫ ଜାନୁଆରୀ,୨୦୨୪ (ଓଡ଼ିଶା ତାଜା ନ୍ୟୁଜ୍ ) ଚିଲିକା  :-> ବାଲୁଗାଁ,14/01, ଏନଏନଏସ :ପବିତ୍ର ମକର ସଂକ୍ରାନ୍ତି ଅବସରରେ ଚିଲିକାର ଅଧିଷ୍ଠାତ୍ରୀ ଆରାଧ୍ୟଦେବୀ ମା ‘କାଳିଜାଇଙ୍କ ପୀଠରେ ପ୍ରତିବର୍ଷ ଭଳି ଚଳିତବର୍ଷ ଧୁମ ଧାମରେ ପାରମ୍ପରିକ ମକର ମେଳା ଅନୁଷ୍ଠିତ ହୋଇ ଯାଇଛି l ସକାଳୁ ମାଆଙ୍କର ମଙ୍ଗଳ ଆରତୀ,ନୀତିକାନ୍ତ ସଂପର୍ଣ ପରେ ପାରମ୍ପରିକ ରୀତିନୀତି ଅନୁଯାଇ ମଧ୍ୟାହ୍ନରେ କାଳିଜାଈଙ୍କର ମୁଖ୍ୟ ସେବକ ତଥା ପାରିକୁଦ ଯୁବରାଜ ସନ୍ତୋଷ କୁମାର ମାନସିଂହ ଏକ ସୁସଜ୍ଜିତ ଡଙ୍ଗlରେ ପାରିକୁଦ ଗଡ଼ ରାଜପ୍ରସାଦରୁ ବାହାରି ମା ‘ଙ୍କ ପୀଠରେ ପହଞ୍ଚିଥିଲେ l ଏହା ପରେ ରାଜକୀୟ ପରମ୍ପରାନୁକ୍ରମେ ଢୋଲ,ଭେରୀ,ତୁରୀ,ମହୁରୀ କାହାଳୀ ଆଦି ଧ୍ଵନିରେ ତାଙ୍କୁ ମନ୍ଦିର ମଧ୍ୟକୁ ପାଛୋଟି ନିଆଯାଇଥିଲା l ଯୁବରାଜ ମା ‘ଙ୍କପୀଠରେ ପରମ୍ପରା ଅନୁଯାୟୀ ଛେରା,ପହଁରା କରିବା ସହ ପୂଜାର୍ଚ୍ଚନା କରିଥିଲେ l

ଏହି ଅବସରରେ ଉପସ୍ଥିତ ସହସ୍ରାଧିକ ମସ୍ଚ୍ୟଜିଵୀ ମା ‘କାଳିଜାଇଙ୍କ ଆଶୀର୍ବାଦ କାମନା କରି ନିଜ ନିଜ ଡଙ୍ଗାରେ ବିଜୟ ବାନା ଉଡାଇଥିଲେ l ବିପଦ ଆପଦ ବେଳେ ଚିଲିକା ମଧ୍ୟ୍ୟରେ ମା ‘ଏକମାତ୍ର ସlହାଭରସା ବୋଲି ମସ୍ଚ୍ୟଜିବୀଙ୍କ ମଧ୍ୟରେ ଅଗାଢ ବିଶ୍ୱାସ ରହିଛି l ଏହି ମେଳାକୁ ଦେଖିବା ନିମନ୍ତେ ରାଜ୍ୟର ବିଭିନ୍ନ ଜିଲ୍ଲା ତଥା ଜିଲ୍ଲା ବାହାରୁ ହଜାର ହଜାର ପର୍ଯ୍ୟଟକଙ୍କ ସୁଅ ଛୁଟି ଥାଏ l ବିଶେଷକରି ପାରିକୁଦ,ବାଲୁଗାଁ,ବଡ଼କୁଳରୁ ଅଧିକାଂଶ ପର୍ଯ୍ୟଟକମାନେ ଡ଼ଙ୍ଗା ସାହାଯ୍ୟରେ ଦର୍ଶନ ପାଇଁ ଆସିଥାନ୍ତି lବାଲୁଗାଁ,ବଡ଼କୁଳ ଜେଟିରେ ହଜାର ହଜାର ଲୋକଙ୍କର ପ୍ରବଳ ଗହଳି ଦେଖିବାକୁ ମିଳିଥିଲା l ମା କାଳିଜାଈ ମୋଟର ବୋଟ ଆସୋସିଏନ ତରଫରୁ ବ୍ୟାପକ ବ୍ୟବସ୍ଥା ହୋଇଥିଲା l

ଶାନ୍ତି ଶୃଙ୍ଖଳା ପାଇଁ ପ୍ରଶାସନ ପକ୍ଷରୁ କଡା ସୁରକ୍ଷା ବ୍ୟବସ୍ଥାକୁ କଡାକଡି କରିବା ସହ ଏବଂ ଯାତ୍ରୀଙ୍କ ସୁରକ୍ଷା ନିମନ୍ତେ ଡାକବାଜି ଯନ୍ତ୍ର ଦ୍ୱାରା ଡଙ୍ଗାରେ ବସିବା ପୂର୍ବରୁ ଲାଇଫ ଜ୍ୟାକେଟ ପିନ୍ଧିବା ଏବଂ ଡ଼ଙ୍ଗାର ରେଜିଷ୍ଟ୍ରସନ,ଚାଳକର ଲାଇସେନ୍ସ ଦେଖି ଡ଼ଙ୍ଗାରେ ଯାତାୟତ କରନ୍ତୁ ବୋଲି ଯାତ୍ରୀ ମାନଙ୍କୁ କୁହାଯାଇଥିଲା lଏଥିସହ ବାଲୁଗାଁ ଅଗ୍ନିଶ୍ରମ କର୍ମଚାରୀ କୌଣସି ଅଘଟଣକୁ ଏଡାଇବା ନିମନ୍ତେ ସଜାଗ ରହିଥିଲେ l

ଚିଲିକା ମଧ୍ୟରେ ଯେପରି କୌଣସି ଅଘଟଣ ନ ଘଟେ ସେଥିପାଇଁ ଅଗ୍ନିଶ୍ରମ କର୍ମଚାରୀ ଦିନ ତମାମ ଚିଲିକା ଜଳରାଶିରେ ପାଇଁତରା ମାରୁଥିବାର ଦେଖାଯାଇଥିଲା l ଏତଦ ବ୍ୟତୀତ ବିଭିନ୍ନ ଶିକ୍ଷlନୁଷ୍ଠାନ ଓ ସ୍ବେଛାସେବୀ ଅନୁଷ୍ଠାନ ତରଫରୁ ଶ୍ରଦ୍ଧାଳୁଙ୍କୁ ପାନୀୟଜଳ ଓ ଅନ୍ୟାନ୍ୟ ସେବା ଯୋଗାଇ ଦିଆଯାଇଥିଲା l ସେହିପରି ମକର ମେଳା ଉପଲକ୍ଷେ ମା ମେଘlମ୍ବରୀ ପୀଠ ,ମା ବିରଜାଈ ପୀଠ ,ମା ଡୋମଣୀ ଦେବୀ ପୀଠ ଉତ୍ସବ ମୁଖର ହୋଇ ଉଠିଥିଲା l ଉକ୍ତ ପୀଠରେ ଦିନ ତମାମ ମନୋରଞ୍ଜନ କାର୍ଯ୍ୟକ୍ରମ ଚାଲିଥିଲା l ଏହି କାର୍ଯ୍ୟକ୍ରମକୁ ଶହ ଶହ ଶ୍ରଦ୍ଧାଳୁ ଉପଭୋଗ କରିଥିଲେ l

ପରେ ଜାଇର ପିତା ଓ ନାବିକ ଉଭୟ ବର୍ତ୍ତିଯାଇଥିଲେ , ମାତ୍ର ଜାଇର କୈଣସି ପତ୍ତା ମିଳିନଥିଲା । ଶୁଣିବାକୁ ମିଳେ ଯେ ଏହି ଘଟଣାର କିଛିଦିନ ପରେ ସେହି ବାଟ ଦେଇ ଯାଉଥିବା ନାବିକମାନେ ଜାଇର କାନ୍ଦଣା ଶୁଣିବାକୁ ପାଉଥିଲେ । ତେଣୁ ଧିରେ ଧିରେ ତାଙ୍କୁ ମା କାଳିଙ୍କ ଆଖ୍ୟା ଦେଇ ବିପଦ ସମୟରେ ସ୍ମରଣ କରିବାକୁ ଲାଗିଲେ । ଐତିହାସିକ ତଥ୍ୟ ଅନୁସାରେ ମା କାଳିଜାଇଙ୍କ ମନ୍ଦିର ପ୍ରାୟ ୧୭୧୭ ମସିହାରେ ପାରିକୁଦର ରାଜା ଶ୍ରୀ ଜଗନ୍ନାଥ ମାନସିଂହଙ୍କଦ୍ୱାରା ନିର୍ମାଣ ହୋଇଥିଲା ।

ଏହା ପରଠୁ ମା ସେଠାରେ ଅଧିଷ୍ଠାତ୍ରୀ ଦେବୀ ରୂପେ ପୂଜା ପାଇ ଆସୁଛନ୍ତି ।
ଲକ୍ଷ ଲକ୍ଷ ଲୋକ ଚିଲିକା ହ୍ରଦ ଉପରେ ନିଜ ଜୀବିକା ନିର୍ବାହ ପାଇଁ ନିର୍ଭର କରିଥାନ୍ତି । ମାଛ ଓ ବିଭିନ୍ନ ସାମଗ୍ରୀ ସଂଗ୍ରହ କରିବା ପାଇଁ ପ୍ରତିଦିନ ଚିଲିକା ନୌକା ସାହାଯ୍ୟ ରେ ସଂଗ୍ରହ କରି ପରିବାର ପ୍ରତିପୋଷଣ କରିଥାନ୍ତି l