ଓଡିଶା ତାଜା ନ୍ୟୁଜ୍ (୨୨ ଜୁଲାଇ ବୁଧବାର) ନୟାଗଡ :- ଗତ ଜୁଲାଇ 10 ତାରିଖ ରେ ନୟାଗଡ ମୁନିସିପାଲିଟି ଅନ୍ତର୍ଗତ ଶାଷ୍ଠ୍ରୀ ନଗରରୁ ଚୋରି ହୋଇଥବା ଏକ ବୋଲେରୋ କୁ (OD 21 4510) ନୟାଗଡ ଟାଉନ ଥାନା ଅଧିକାରୀଙ୍କ ଜୟଦ୍ଵୀପ ମହାନ୍ତିଙ୍କ ତତ୍ପରତା କ୍ରମେ ଏସ.ଆଇ ଧର୍ମେନ୍ଦ୍ର ଶିଆଳ ଏବଂ ଏସ.ଆଇ ସ୍ମୁତି ରଞ୍ଜନ ମହାନ୍ତିଙ୍କ ସମେତ ଟାଉନ ଥାନାର ଅନ୍ୟ କର୍ମଚାରୀ ମାନେ ଚୋରା ଗାଡିକୁ ଉଦ୍ଧାର ସହ ଚୋର ଧରିବାକୁ ଜାଲ ବିଛାଇ ଥିଲେ ।
ତେବେ ଆଜି ଜଣେ ଚୋର ସହ ଚୋରା ଗାଡ଼ିଟିକୁ ନୟାଗଡ ଟାଉନ ଥାନା କର୍ତ୍ତୃପକ୍ଷ ଉଦ୍ଧାର କରିବା ସହ ଚୋରଟିକୁ ଗିରଫ କରି କୋର୍ଟ ଚାଲାଣ କରି ଥିବା ପ୍ରକାଶ । ତେବେ ଚୋରି ହୋଇଥିବା ଗାଡିଟି ଏକ ନକଲି ନମ୍ବର OD 21 5400 ରେ ଚଳାଚଳ କରୁଥିଲା । ତେବେ ଅନ୍ୟ ଚୋରମାନଙ୍କୁ ଧରିବା ପାଇଁ ଦୁଇ ଏସ. ଆଇ ଙ୍କ ନେତୃତ୍ୱରେ ଟିମ ଗଢ଼ା ଯାଇ ତଦନ୍ତକୁ ଆହୁରି ବ୍ୟାପକ କରାଯାଇଥିବା ଜଣାପଡିଛି । ବୋଲେରୋ ଗାଡ଼ିଟିକୁ ଖୋର୍ଦ୍ଧା ଜିଲ୍ଲା ଅନ୍ତର୍ଗତ ବୋଲଗଡ ବ୍ଲକ ସ୍ଥିତ କେନ୍ଦୁପଲ୍ଲୀ ରୁ ଉଦ୍ଧାର ସହ ଅଭିଯୁକ୍ତ ଏସ. କେ. କାଶୀମଙ୍କ ପୁଅ ଏସ. କେ. ଆଲ୍ଲାମ ଅଲ୍ଲୀ (20) ବୋଲି ଜଣା ପଡିଛି ।
ଏଥିପାଇଁ ଟାଉନ ଥାନାରେ 109/20 ରେ ଏକ ମାମଲା ରୁଜୁ ହୋଇ ୟୁ/ଏସ 379ରେ ତଦନ୍ତ ଚାଲିଛି । ତେବେ ନୟାଗଡ ଟାଉନ ଥାନା ପକ୍ଷରୁ ତତ୍ପରତା ପ୍ରକାଶ ପାଇ ଆସାମୀକୁ ତୁରନ୍ତ ଧରିବାରେ ସଫଳ ହୋଇ ଥିବାରୁ ସାଧାରଣରେ ପୋଲିସ ପ୍ରତି ପ୍ରଂଶସା ପ୍ରକାଶ ପାଇଛି । ତେବେ ଏହି କେଶଟି ନୟାଗଡ ଏସ.ଡି.ପି.ଓ ନିରଞ୍ଜନ ପାଢୀଙ୍କ ପ୍ରତ୍ୟକ୍ଷ ତତ୍ୱାବଧାନରେ ପରିଚାଳନା ହେଉଥିବା ବିଶ୍ୱସ୍ତ ସୂତ୍ରରୁ ପ୍ରକାଶ । (ନୟାଗଡରୁ ବରିଷ୍ଠ ସାମ୍ବାଦିକ ରାମକୃଷ୍ଣ ରଥ)
