ଓଡିଶା ତାଜା ନ୍ୟୁଜ୍ (୨୨ ଜୁଲାଇ ବୁଧବାର) ପାରଳଖେମୁଣ୍ଡି :- ବରିଷ୍ଠ ପୋଲିସ ପ୍ରଶାସକ ତପନ କୁମାର ପଟ୍ଟନାୟକ, ଗଜପତି ଜିଲ୍ଲାର ନୂତନ ଏସ୍ପି ଭାବେ ଦାୟିତ୍ଵ ଗ୍ରହଣ କରିଛନ୍ତି । ଅପରାଧ ରୋକିବା ଉପରେ ଗୁରୁତ୍ବ ଦେବା ସହ କରୋନା ଗାଇଡ ଲାଇନ ସଠିକ୍ ଭାବେ ପାଳନ କରିବା ନେଇ ପ୍ରାଥମିକତା ଦେବେ ବୋଲି କହିଛନ୍ତି ଏସ୍ପି । ଏଥି ସହ ଲୋକମାନଙ୍କ ସହ ପୋଲିସର ସୁସମ୍ପର୍କ କିପରି ବଜାୟ ରହିବ ସେଥିପ୍ରତି ଦୃଷ୍ଟି ଦେବେ ବୋଲି କହିଛନ୍ତି । ଦାୟିତ୍ଵ ଗ୍ରହଣ କରିବା ପରେ ତାଙ୍କୁ ସ୍ବାଗତ କରିବାକୁ ଜିଲ୍ଲାର ସମସ୍ତ ପୋଲିସ ଅଧିକାରୀ ଉପସ୍ଥିତ ଥିଲେ ।
ଏହି ଅବସରରେ ପାରଳାଖେମୁଣ୍ଡିର ବୁଦ୍ଧିଜୀବୀ ସମେତ ଗଣ ମାଧ୍ୟମ ର ପ୍ରତିନିଧି ମାନେ ମଧ୍ୟ ତାଙ୍କୁ ସ୍ବାଗତ ଜଣାଇବା ସହ ସମାଜରେ ସବୁ ଠାରୁ ତଳ ସ୍ତରରେ ଥିବା ଜନସାଧାରଣ ଯେପରି ନ୍ୟାୟ ପାଇବେ ବୋଲି ଆଶା ବ୍ୟକ୍ତ କରିଛନ୍ତି । ଦାୟିତ୍ୱ ଗ୍ରହଣ ବେଳେ ଏସଡିପିଓ ପ୍ରକାଶ ଚନ୍ଦ୍ର ଜେନା, ସୁନିଲ କୁମାର ପ୍ରଧାନ, ପାରଳାଖେମୁଣ୍ଡି ଥାନା ଅଧିକାରୀ ବିଵେକା ନନ୍ଦ ସ୍ୱାଇଁ ପ୍ରମୁଖ ସମେତ ବହୁ ଅଧିକାରୀ ଓ କର୍ମଚାରୀ ମାନେ ଉପସ୍ଥିତ ରହି ନୂତନ ଏସପି ଙ୍କୁ ସ୍ଵାଗତ କରିଥିଲେ । (ରିପୋର୍ଟ / ଗରୁଡ଼ ଧ୍ଵଜ ଚୌଧୁରୀ)
