ଓଡିଶା ତାଜା ନ୍ୟୁଜ୍ (୨୧ ଜୁଲାଇ ମଙ୍ଗଳବାର ) ହିଞ୍ଜିଳିକାଟୁ :- ମହାମାରୀ କରୋନା ଭୁତାଣୁ ସଂକ୍ରମଣ ସାରା ଦେଶକୁ କବଳିତ କରିଛି । ରାଜ୍ୟର ସର୍ବାଧିକ ସଂକ୍ରମିତ ଗଞ୍ଜାମ ଜିଲ୍ଲାରେ ଚିହ୍ନଟ ହୋଇଛନ୍ତି । ଦିନକୁ ଦିନ ସଂକ୍ରମିତ ଓ ମୃତ୍ୟୁ ସଂଖ୍ୟା ବୃଦ୍ଧି ପାଉଛି । ଏହି ପରିପ୍ରେକ୍ଷୀରେ ହିଞ୍ଜିଳିକାଟୁ ପୌରାଂଚଳ ଓ ବ୍ଳକ ଅଂଚଳରେ କରୋନା ସଂକ୍ରମିତଙ୍କ ସଂଖ୍ୟା ବୃଦ୍ଧି ପାଉଥିବାର ଜଣାପଡ଼ିଛି । କରୋନାୁ ପ୍ରତିହିତ କରିବା ସକାଶେ ଜିଲ୍ଲା ପ୍ରଶାସନ ଓ ସ୍ଥାନୀୟ ପ୍ରସନ ପକ୍ଷରୁ ବହୁ କଟକଣା ଜାରି କରାଯିବା ସହ ଜନସଚେତନତା କାର୍ଯ୍ୟକ୍ରମ କରାଯାଉଛି । କରୋନାର ମୁକାବିଲା ସକାଶେ ଜିଲ୍ଲା ପ୍ରଶାସନର ନିର୍ଦ୍ଦେଶକ୍ରମେ ପୌର ପ୍ରଶାସନ ପକ୍ଷରୁ ସ୍ଥାନୀୟ ପୌରାଂଚଳର ୧୭ଟି ୱାର୍ଡ଼କୁ ରେଡ଼ ଜୋନ ଭାବେ ପରିଗଣିତ କରାଯାଇଛି ।
ପୌରାଂଚଳର ବିଭିନ୍ନ ୱାର୍ଡ଼ ସମେତ ୫୯ ନଂ ଜାତୀୟ ରାଜପଥ ଆରଏମସି ଛକ ଠାରୁ ବଇଁଚବଣିଆ ଛକ ଏବଂ ୩୬ ନଂ ରାଜ୍ୟ ରାଜପଥ ପରିବା ବଜାର ଠାରୁ ହିଞ୍ଜିଳି ମୁଖ୍ୟ ରାସ୍ତାକୁ କଂଟେନମେଂଟ ଜୋନ ଓ ପୌରାଂଚଳର ୩କିମି ପରିଧି ଅଂଚଳକୁ ବଫରଜୋନ ଘୋଷଣା କରାଯାଇଛି । ସେହିପରି ବ୍ଳକ ପ୍ରଶାସନ ପକ୍ଷରୁ ୧୦ଟି ପଂଚାୟତକୁ କଂଟେନମେଂଟ ଓ ୬ ପଂଚାୟତକୁ ବଫରଜୋନ ଘୋଷଣା କରାଯାଇଛି । ସ୍ଥାନୀୟ ପୁଲିସ ପ୍ରଶାସନ ପକ୍ଷରୁ ପୌରାଂଚଳର ମୁଖ୍ୟ ରାସ୍ତାର ଉଭୟ ପ୍ୱାଶ୍ୱର୍କୁ ବାଉଁଶବାଡ଼ ସହାୟତାରେ ସିଲ୍ କରାଯିବା ସହ ଯାନବାହନ ଯାଂଚ କାର୍ଯ୍ୟକ୍ରମକୁ କଡ଼ାକଡ଼ି କରାଯାଉଛି । ହିଞ୍ଜିଳି ଥାନା ଅଂଚଳରେ ୫ଟି ପୁଲିସ ଗାଡ଼ି ସହାୟତାରେ ପେଟ୍ରୋଲିଂ ବ୍ୟବସ୍ଥାକ୍ୁ କଡ଼ାକଡ଼ି କରାଯାଇଛି । କରୋନାର ସମୀକ୍ଷା କରିବା ସକାଶେ ସ୍ଥାନୀୟ ଅଂଚଳକୁ ବିଭିନ୍ନ ସମୟରେ ଜିଲ୍ଲା ପ୍ରଶାସନିକ ଅଧିକାରୀ ପରିଦର୍ଶନ କରୁଥିବାର ଦେଖିବାକୁ ମିଳିଛି ।
ଏହି ପରିପ୍ରେକ୍ଷୀରେ ମଙ୍ଗଳବାର ଅପରାହ୍ନରେ ଗଞ୍ଜାମ ଜିଲ୍ଲା ଆରକ୍ଷୀ ଅଧିକ୍ଷକ ବିଜ୍ରେଶ କୁମାର ରାୟ ହିଞ୍ଜିଳି ଗ୍ରସ୍ତରେ ଆସି ପୌରାଂଚଳର ଉଭୟ ପ୍ୱାଶ୍ୱର୍ର୍ାରେ ସିଲ୍ କରାଯାଇ ଯାନବାହନ ଯାଂଚ କାର୍ଯ୍ୟକୁ କିପରି ପାଳନ କରାଯାଉଛି ତଦାରଖ କରିଥିଲେ । ପରେ ହିଞ୍ଜିଳି ଥାନାର ୪ କର୍ମଚାରୀ କରୋନାରେ ସଂକ୍ରମିତ ହୋଇଥିଲେ । ଚିକିତ୍ସା ପରେ ସୁସ୍ଥ ହୋଇ କାର୍ଯ୍ୟରେ ଯୋଗଦାନ କରିଥିବାରୁ ସେମାନଙ୍କୁ ସମ୍ବର୍ଦ୍ଧିିତ କରିବା ସହ ଉତ୍ସାହିତ କରିଥିଲେ । ପ୍ରତ୍ୟହ ଅପରାହ୍ନ ୧ ଘଟିକା ପରେ ଯାତାୟତକୁ ସମ୍ପୁର୍ଣ୍ଣ ବନ୍ଦ କରିବା ସହ ଅବମାନନା କରୁଥିବା ଅମାନିଆଙ୍କପ ପ୍ରତି କଠୋର କାର୍ଯ୍ୟାନୁଷ୍ଠାନ ଗ୍ରହଣ କରିବା ସକାଶେ ଏସପି ରାୟ, ଥାନା ଆଇଆଇସିଙ୍କୁ ନିର୍ଦ୍ଦେଶ ଦେଇଥିଲେ । ବିଭିନ୍ନ ଜରୁରୀ କାର୍ଯ୍ୟ ଦର୍ଶାଇ ଯାତାୟତ କରୁଥିବା ବ୍ୟକ୍ତିିଙ୍କ ନାମ, ଠିକଣା, ମୋବାଇଲ ନମ୍ବର ଓ ଗାଡ଼ିର ରେଜିଷ୍ଟେସନ ନମ୍ବର ଲିପିବଦ୍ଧ କରିବା ସକାଶେ ପରାମର୍ଶ ଦେଇଥିଲେ ।
ମଙ୍ଗଳବାର ଦିନ ବିନା କାରଣରେ ମୋଟର ସାଇକେଲରେ ଘୁରି ବୁଲୁଥିବା ଆରୋହୀଙ୍କ ଠାରୁ ଜୋରିମାନା ଆଦାୟ କରିବା ସହ ୧୫ଟି ମୋଟର ସାଇକେଲକୁ ଜବତ କରାଯାଇଥିଲା । ଚଳିତ ମାସ ୩୧ ତାରିଖ ପର୍ଯ୍ୟନ୍ତ ଯାନବାହନ ଯାଂଚ କାର୍ଯ୍ୟକ୍ରମକୁ କଡ଼ାକଡ଼ି କରିବାକୁ ଏସପି ପରାମର୍ଶ ଦେଇଥିଲେ । ଏସପିଙ୍କ ଗ୍ରସ୍ତ ସମୟରେ ଥାନା ଭାରପ୍ରାପ୍ତ ଅଧିକାରୀ ଅଭିମନ୍ୟୁ ଦାସଙ୍କ ସମେତ ଏସ.ଆଇ.ମମତା ସମାନ୍ତରା, ପ୍ରଦିପ୍ତ ଦାଶ, ବାସୁଦେବ ଭୋଇ,ଏଏସଆଇ ରାଜନ ବିଷୋୟୀ, ପ୍ରକାଶ ବେହେରା, ସୁରଥ ଭୁୟାଁ ଓ ପୁଲିସ ଫୋର୍ସ ଉପସ୍ଥିତ ଥିଲେ । (ହିଞ୍ଜିଳିକାଟୁ/ଶେଷଦେବ ସାହୁ)
