ବେଦାନ୍ତ ଆଲୁମିନିୟମ ଗୁଜୁରାଟ ଅଲକାଲୀସ ଏବଂ କେମିକାଲ୍ସ ଲିମିଟେଡ୍ ସହିତ ଏମଓୟୁ ସ୍ୱାକ୍ଷର କରିଛି

୨ ଜାନୁଆରୀ,୨୦୨୪ (ଓଡ଼ିଶା ତାଜା ନ୍ୟୁଜ୍ ) ଭୁବନେଶ୍ୱର :->  କଷ୍ଟିକ୍‌-କ୍ଲୋରିନ୍ ଏବଂ ଅନ୍ୟାନ୍ୟ ସହଯୋଗୀ ବ୍ୟବସାୟ କ୍ଷେତ୍ରରେ ବିଭିନ୍ନ ବ୍ୟବସାୟ ସୁଯୋଗ ଅନୁସନ୍ଧାନ ପାଇଁ ବେଦାନ୍ତ ଲିମିଟେଡ୍ (ଆଲୁମିନିୟମ୍ ବ୍ୟବସାୟ) ଗୁଜୁରାଟ ଆଲକାଲୀସ ଏବଂ କେମିକାଲ୍ସ ଲିମିଟେଡ୍ (ଜିଏସିଏଲ) ସହିତ ଏକ ବୁଝାମଣାପତ୍ର (ଏମଓୟୁ ) ସ୍ୱାକ୍ଷର କରିଛି ।

ଉଭୟ ବେଦାନ୍ତ ଆଲୁମିନିୟମ ଏବଂ ଜିଏସିଏଲର ବ୍ୟବସାୟରେ ମୂଲ୍ୟ ଯୋଗ କରିବାର ସମ୍ଭାବନାକୁ ଏହି ଏମଓୟୁ ଲକ୍ଷ୍ୟ ରଖିଛି, ସମନ୍ୱୟ ହାସଲ କରିବା ପାଇଁ ସେମାନଙ୍କର କୌଶଳ, ଶକ୍ତି ଏବଂ ସାଧାରଣ ବ୍ୟବସାୟ ଆଗ୍ରହ ଉପରେ ଆଧାର କରି ଏକ ସହଯୋଗୀ ଆଭିମୁଖ୍ୟ ଗ୍ରହଣ କରିଛି ।

ସେହି ଅନୁଯାୟୀ, ଉଭୟ କମ୍ପାନୀ ସହଯୋଗର ସୁଯୋଗକୁ ଅଧିକ ବିସ୍ତୃତ ଭାବରେ ଅନୁସନ୍ଧାନ କରିବାକୁ ଚାହାଁନ୍ତି ଯଦ୍ୱାରା ପାରସ୍ପରିକ ଲାଭଦାୟକ ଢଙ୍ଗରେ ଉତ୍ସଗୁଡିକ ଏକାଠି ହୋଇପାରିବ । ଏହା ମଧ୍ୟ ବେଦାନ୍ତ ଆଲୁମିନିୟମ୍‌ର ଭୂଲମ୍ବ ଏକୀକରଣ ଦିଗରେ ପ୍ରୟାସ ସହିତ ସୁହାଇବ ।

ଏହି ଏମଓୟୁ ସହିତ ଉଭୟ କମ୍ପାନୀ, ମିଳିତ ଉଦ୍ୟୋଗ ପ୍ରକଳ୍ପ ଆକାରରେ କିମ୍ବା ପାରସ୍ପରିକ ଚୁକ୍ତିଭିତିକ ବ୍ୟବସ୍ଥା ମାଧ୍ୟମରେ ବ୍ୟବସାୟିକ ସୁଯୋଗକୁ ମିଳିତ ଭାବରେ ଅନୁସନ୍ଧାନ କରିବାକୁ ସହମତ ହୋଇଛନ୍ତି ।