୨୬ ଡିସେମ୍ବର ୨୦୨୩ (ଓଡ଼ିଶା ତାଜାନ୍ୟୁଜ ) ଚିଲିକା :-> ଆସନ୍ତା ନଵଵର୍ଷ ୨୦୨୪ ଜାନୁଆରୀ ୧୭ ତାରିଖରେ ଶ୍ରୀ ମନ୍ଦିର ପରିକ୍ରମା ପ୍ରକଳ୍ପ ର ଶୁଭ ପ୍ରତିଷ୍ଠା ଓ ଲୋକାର୍ପଣ ପାଇଁ ଓଡ଼ିଶା ସମେତ ସମଗ୍ର ଭାରତବର୍ଷ ର ମୋଟ ୭୧୨ ଟି ବିଭିନ୍ନ ପ୍ରତିଷ୍ଠିତ ପୀଠ କୁ ଆମନ୍ତ୍ରଣ ପାଇଁ ପୁରୀ, ଶ୍ରୀ ମନ୍ଦିର ପ୍ରଶାସନ ତଥା କାର୍ଯ୍ୟଗ୍ରାହୀ କମିଟି ପକ୍ଷରୁ ଆମନ୍ତ୍ରଣ ପାଇଁ ସ୍ଥିର ହୋଇଛି।
ଏଥିପାଇଁ ଗଜପତି ମହାରାଜା ଓ ଶ୍ରୀ ମନ୍ଦିର ପ୍ରଶାସନ ତରଫରୁ ଶ୍ରୀ ଜଗନ୍ନାଥ ଙ୍କୁ ପ୍ରଥମ ଗୁଆ ନିମନ୍ତ୍ରଣ ପରେ ମଙ୍ଗଳବାର ଏଥିପାଇଁ ଏକ ପ୍ରତନିଧି ଦଳ ଭୁବନେଶ୍ୱର ର ଶ୍ରୀ ଲିଙ୍ଗରାଜ ମହାପ୍ରଭୁଙ୍କ ଠାରେ ଯଥା ବିଧି ଆମନ୍ତ୍ରଣ ପ୍ରଦାନ କରି ଅପରାହ୍ନ ରେ ଚିଲିକା ବ୍ଲକର ନଇରୀର ଗ°ଗ ଜମୁନା ଘାଟରୁ ଚିଲିକା ଜଳ ପରିବେଷ୍ଟିତ ଶ୍ରୀ ଜଗନ୍ନାଥ ଲୀଳା କ୍ଷେତ୍ର କାଙ୍କଣଶିଖରୀ ପୀଠ କୁ ପରବର୍ତ୍ତୀ ଆମନ୍ତ୍ରଣ ନିମନ୍ତେ ଆଗମନ କରିଥିଲେ।
ଏହି ପ୍ରତିନିଧି ଦଳ ରେ ପୁରୀ ଶ୍ରୀମନ୍ଦିର ପ୍ରଶାସନ ତରଫରୁ ଶ୍ରୀ ମନ୍ଦିର ଵଡୁ ନିଯୋଗ। ସଭାପତି ବିଶ୍ବନାଥ ସାମନ୍ତରାୟ, ବୈଦ୍ୟନାଥ ମହାସୁଆର ଏବଂ ପ୍ରଶାସନିକ ଅଧିକାରୀ ସୁଭ୍ରା°ଶୁ କୁମାର ମହାରଣା ଆମନ୍ତ୍ରଣ କାରୀ ଭାବେ ଯୋଗ ଦେଇ ଥିଲେ। ଚିଲିକା ବ୍ଲକ ବିଡିଓ ଡଃ ଜଗଦୀଶ ଷଡ଼ଙ୍ଗୀ,
ଶ୍ରୀ ଜଗନ୍ନାଥ ଲୀଳା କ୍ଷେତ୍ର ଟ୍ରଷ୍ଟ ପକ୍ଷରୁ ଦେବେନ୍ଦ୍ରନାଥ ଦାସ ଡଃ ଶ୍ୟାମ ସୁନ୍ଦର ଦାସ ଙ୍କ ସହ କାଙ୍କଣଶିଖରୀ ପୀଠ ପକ୍ଷରୁ ସଭାପତି ଡ଼ଃ ସୁଶାନ୍ତ କୁମାର ସାହୁ, ସ°ପାଦକ ପ୍ରଦୋଷ କୁମାର ଦାସ, ବରିଷ୍ଠ ସେବକ ହାଡୁଵନ୍ଧୁ ପଟ୍ଟନାୟକ, ଲଳିତ ମୋହନ ପଟ୍ଟନାୟକ, ବାବାଜୀ ପଦ୍ମପାଦ ଦାସ ଉପସ୍ଥିତ ରହି ଅତିଥି ମାନଙ୍କୁ ଉତ୍ତରୀୟ ଦେଇ ସମ୍ବର୍ଦ୍ଧନା ଜ୍ଞାପନ କରିଥିଲେ।
ସାଥିରେ ମିଶନ ଶକ୍ତିଗ୍ନଡ଼ ମହିଳା ଗୋଷ୍ଠୀ ତଥା ଭକ୍ତ ମହିଳାଙ୍କ ହୁଳହୁଳି, ସ°କୀର୍ତ୍ତନ ମଣ୍ଡଳୀଙ୍କ ସ°କୀର୍ତ୍ତନ ସହିତ ଶ୍ରଦ୍ଧାଳୁମାନଙ୍କର ଭିଡ ମଧ୍ୟରେ କାଙ୍କଣଶିଖରୀ ପୀଠ ପରିକ୍ରମା କରାଯାଇ ଗୁଆ ନିମନ୍ତ୍ରଣ ଗ୍ରହଣ କରି ପୀଠାଧୀଶ ଙ୍କୁ ସମର୍ପଣ ହୋଇଥିଲା । ଏହାପରେ ବିଧି ମୁତାବକ ସମସ୍ତ ଙ୍କ ଉପସ୍ଥିତି ରେ ଶ୍ରୀ ମନ୍ଦିରରୁ ଆସିଥିବା ଆମନ୍ତ୍ରଣ ପତ୍ର ପଠନ କରାଯାଇ ମହାପ୍ରସାଦ ସେବନର ବ୍ୟବସ୍ଥା ହୋଇଥିଲା .
