୧୮ ଡିସେମ୍ବର ୨୦୨୩ (ଓଡ଼ିଶା ତାଜାନ୍ୟୁଜ ) ରଣପୁର :-> ନୟାଗଡ଼ ଜିଲ୍ଲା ଅନ୍ତର୍ଗତ ରାଜ ସୁନାଖଳା ସରସ୍ୱତୀ ଶିଶୁ ବିଦ୍ୟାମନ୍ଦିର ର ଅଷ୍ଠ ବିଂଶତମ ବାର୍ଷିକ ଉତ୍ସବ ୨୦୨୩ ଅନୁଷ୍ଠିତ ହୋଯାଇଅଛି । ଉକ୍ତ କାର୍ଯ୍ୟକ୍ରମରେ ମୁଖ୍ୟ ଅତିଥି ଭାବେ ନୟାଗଡ଼ ଜିଲ୍ଲା ଶିକ୍ଷା ଓ ପ୍ରଶିକ୍ଷଣ ପ୍ରତିଷ୍ଠାନ ର ଅଧ୍ୟକ୍ଷ ଶ୍ରୀଯୁକ୍ତ ବିଜୟ କୁମାର ତ୍ରିପାଠି, ମା ସରସ୍ଵତୀ ଙ୍କ ନିକଟରେ ପୁଷ୍ପ ,ଧୂପ, ଦୀପ, ନୈବେଦ୍ୟ ଅର୍ପଣ କରି ଉପସ୍ଥିତ ନିମନ୍ତ୍ରିତ ଅତିଥି ମାନଙ୍କ ସହ ମଞ୍ଚ ଉଦଘାଟନ କରିଥିଲେ ।
ବିଦ୍ୟାଳୟର କୁନି ପିଲା ମାନେ ଉଦଘାଟନୀ ଗୀତିକା ଗାନ କରିଥିଲେ । ମୁଖ୍ୟ ବକ୍ତା ଭାବରେ ନୟାଗଡ଼ ଜିଲ୍ଲା ଶିକ୍ଷା ବିକାଶ ସମିତି ର ପ୍ରମୁଖ ସଭ୍ୟ ଶ୍ରୀଯୁକ୍ତ ହରେକୃଷ୍ଣ ମୁଦୁଲି, ସମ୍ମାନିତ ଅତିଥି ଭାବରେ ବିଦ୍ୟାଳୟର ସଂପାଦକ ଶ୍ରୀଯୁକ୍ତ ସନ୍ତୋଷ କୁମାର ସାଥୁଆ , ପ୍ରଧାନ ଆଚାର୍ଯ୍ୟ ଶ୍ରୀଯୁକ୍ତ ନିରଞ୍ଜନ ତରାସ ଯୋଗଦେଇ ଥିଲେ ।
ସଭାପତି ସରସ୍ୱତୀ ବିଦ୍ୟା ମନ୍ଦିରର ଶ୍ରୀଯୁକ୍ତ ଶ୍ରୀକାନ୍ତ ନାୟକ ସଭାପତିତ୍ବ କରିଥିଲେ ତଥା ବିଦ୍ୟାଳୟର ବାର୍ଷିକ ବିବରଣୀ ପଠନ କରିଥିଲେ । ବିଦ୍ୟାଳୟର ସଂପାଦକ ସନ୍ତୋଷ କୁମାର ସାଥୁଆ ଅତିଥି ପରିଚୟ ପ୍ରଦାନ କରିଥିଲେ । ଉକ୍ତ ଉତ୍ସବରେ ବିଦ୍ୟାଳୟର ସମସ୍ତ ଗୁରୁଜୀ, ଗୁରୂମା, ଛାତ୍ର ଛାତ୍ରୀ, ଅଭିଭାବକ ,
ସ୍ଥାନୀୟ ଜନ ସାଧାରଣ, ଓ ବିଦ୍ୟାଳୟ ର ଅନ୍ୟ କର୍ମୀ ମାନେ ଯୋଗଦେଇ ଉତ୍ସବକୁ ସାଫଲ୍ୟ ମଣ୍ଡିତ କରିଥିଲେ । ସଭାପତିଙ୍କ ବିବରଣୀ ପଠନ ପରେ ମୁଖ୍ୟ ଅତିଥି ଓ ଅନ୍ୟ ଅତିଥି ମାନେ ନିଜ ନିଜର ଅଭିଭାଷଣରେ ପିଲାମାନଙ୍କର ଶିକ୍ଷ୍ୟା ସହିତ ଅନ୍ତନିହିତ ଗୁଣକୁ କିପରି ପ୍ରକାଶିତ କରାଯାଇ ପାରିବ ପ୍ରତିପାଦନ କରିଥିଲେ ।
ବିଦ୍ୟାଳୟ ତରଫରୁ କୁନାମଣୀ ଗରୁମା, ପ୍ରତିମା ଗୁରମା ଙ୍କୁ ଉତ୍ତମ ଶିକ୍ଷୟତ୍ରୀ ଭାବେ ମାନପତ୍ର ପ୍ରଦାନ କରାଯାଇ ସମ୍ମାନିତ କରାଯାଇଥିଲା ଓ ଦଶ ବର୍ଷରୁ ଉର୍ଦ୍ଧ ବାହନ ଚାଳକ ମାନେ ପିଲା ମାନଙ୍କୁ ଅହରହ ବିଦ୍ୟାଳୟ କୁ ନେବା ଆଣିବା ରେ ପ୍ରକ୍ରିୟା ଜାରି ରଖିଥିବା ରୁ ଶ୍ରି ପ୍ରମୋଦ କୁମାର ମହାପାତ୍ର, ସୁକାନ୍ତ କୁମାର ସାହୁ,
ପ୍ରଫୁଲ୍ଲ କୁମାର ପରିଡାଙ୍କୁ ମାନପତ୍ର ସହ ପୁଷ୍ପ ଗୁଚ୍ଛ ଦେଇ ସମ୍ମାନିତ କରାଯାଇଥିଲା । ଶିକ୍ଷକ ସାନନ୍ଦ କୁମାର ସାହୁଙ୍କୁ ଜଣେ ଆଦର୍ଶ ଶିକ୍ଷାବିତ୍ ଭାବେ ପୁଷ୍ପ ଗୁଚ୍ଛ ଓ ଉତ୍ତରୀୟ ଦେଇ ସମ୍ମାନିତ କରାଯାଇଥିଲା । ବିଦ୍ୟାଳୟର ସମସ୍ତ କୃତୀ ଛାତ୍ର ଛାତ୍ରୀମାନଙ୍କୁ ଟ୍ରଫିସହ ପ୍ରମାଣ ପତ୍ର ପ୍ରଦାନ କରାଯାଇଥିଲା ।
ବିଦ୍ୟାଳୟର କୁନି ଛାତ୍ର ଛାତ୍ରୀ ମାନେ ବିଭିନ୍ନ ପ୍ରକାରର ନାଚ ଗୀତ ପରିବେଷଣ କରି ସମସ୍ତଙ୍କୁ ଅମୋଦିତ କରିଥିଲେ । ସର୍ବଶେଷରେ ବିଦ୍ୟାଳୟର ପରିଚାଳନା କମିଟିର ସଦସ୍ୟ ଶ୍ରୀ ମାନସ କୁମାର ସାହୁ ସମସ୍ତ ଅତିଥି, ଉପସ୍ଥିତ ଅଭିଭାବକ, ଛାତ୍ର ଛାତ୍ରୀ, ଗୁରୁଜୀ ଗରୁମା ଓ ଜନସାଧାରଣଙ୍କୁ ଧନ୍ୟବାଦ୍ ଅର୍ପଣ କରିଥିଲେ ।
ପ୍ରାୟ ୧୫୦୦ରୁ ଉର୍ଦ୍ଧ୍ବ ଜନ ସମାଗମ ଦେଖିବାକୁ ମିଳିଥିଲା । ଏହି କାର୍ଯ୍ୟକ୍ରମ ଅପରାହ୍ନ ୪ଟାରୁ ଆରମ୍ଭ ହୋଇ ରାତି ୯ଟା ୩୦ ପର୍ଯ୍ୟନ୍ତ ଚାଲୁରହିଥିଲା । ସିତୁଆ ସନ୍ଧ୍ୟାକୁ ଖାତିର ନକରି ଛାତ୍ର ଛାତ୍ରୀ ମାନେ ସେମାନଙ୍କ କଳା ପ୍ରଦର୍ଶନ ଜାରି ରଖିଥିବା ବେଳେ ଅଭିଭାବକ ଓ ଦର୍ଶକ ମାନେ ମନଭରି ନୃତ୍ୟ,ଗୀତ, ନାଟକ ଉପଭୋଗ କରିଥିଲେ ।
