୧୭ ଡିସେମ୍ବର ୨୦୨୩ (ଓଡ଼ିଶା ତାଜାନ୍ୟୁଜ ) ଚାନ୍ଦପୁର :-> ନୟାଗଡ଼ ଜିଲ୍ଲା ଚାନ୍ଦପୁର ରାମପାଦପଡ଼ିଆରେ ସୁପର ସଣ୍ଡେ ସୋସିଆଲ କ୍ଲବ ଆନୁକୁଲ୍ୟରେ ଚାନ୍ଦପୁର ପ୍ରୀମିୟର ଲିଗ୍ ଅନୁଷ୍ଠିତ ହୋଇଯାଇଛି। କାର୍ଯ୍ୟକ୍ରମରେ ନୟାଗଡ଼ ଜିଲ୍ଲା ଯୋଜନା ବୋର୍ଡ ଅଧ୍ୟକ୍ଷ ମାନ୍ୟବର ବିଧାୟକ ଶ୍ରୀଯୁକ୍ତ ସତ୍ୟାନାରାୟଣ ପ୍ରଧାନ ମୁଖ୍ୟ ଅତିଥି ଭାବେ ଯୋଗଦେଇ ଥିବା ବେଳେ ନିମନ୍ତିତ ରହିଥିବା ବେଗୁନିଆ ମାନ୍ୟବର ବିଧାୟକ ଶ୍ରୀଯୁକ୍ତ ରାଜେନ୍ଦ୍ର ସାହୁ କୌଣସି କାରଣରୁ ମଞ୍ଚରେ ଅନୁପସ୍ଥିତ ରହିଥିଲେ। ,
ନୟାଗଡ଼ ଜିଲ୍ଲା ପରିଷଦ ଅଧ୍ୟକ୍ଷ ଶ୍ରୀଯୁକ୍ତ ଦେବାଶିଷ ପଟନାୟକ, ଚାନ୍ଦପୁର ସରପଞ୍ଚ ରଞ୍ଜିତା ସେନାପତି, କନ୍ଧନାୟାଗଡ ସରପଞ୍ଚ ଗୁଲୁବାସ ସୁବୁଦ୍ଧି,ଚାନ୍ଦପୁର ଥାନା ଅଧିକାରୀ ଜଗଦୀଶ କର ପ୍ରମୁଖ ଯୋଗଦେଇଥିଲେ, ଉକ୍ତ କ୍ରୀଡା ଉତ୍ସବ ଗତ ତିନି ତାରିଖ ରେ ମାନ୍ୟବର ବିଧାୟକ ସତ୍ୟ ନାରାୟଣ ପ୍ରଧାନ ଏବଂ ଜଟଣୀ ବିଧାୟକ ସୁରେଶ ରାଉତରାୟ ଙ୍କ ଦ୍ଵାରା ଉଦ୍ଘାଟନ କରାଯାଇଥିଲା l
କାର୍ଯ୍ୟକ୍ରମରେ ସମୁଦାୟ ଆଠ ଟି ଦଳ ଭାଗନେଇ ଥିଲେ l ଫାଇନାଲରେ ଏମ୍ ସି ସି କ୍ଲବ ଟାଙ୍ଗି ଏବଂ ଇସାନେଶ୍ୱୋର ଟାଇଗର ଏମ୍ ସି ସି ମଧ୍ୟରୁ ଏମ୍ ସି ସି କ୍ଲବ ଟାଙ୍ଗି ୫୦ ରନ୍ ଅଧିକ କରି ବିଜୟ ଲାଭ କରିଥିଲେ କାର୍ଯ୍ୟକ୍ରମରେ ରବୀନ୍ଦ୍ର ନାୟକ, ଧୀରେନ୍ଦ୍ର ସାହୁ, ରଶ୍ମିରଂଜନ ସାହୁ ପ୍ରମୁଖ ଯୋଗଦେଇଥିଲେ । କ୍ଲବ ର ସଭାପତି ବିଶ୍ବଜିତ୍ ସାହୁ ଙ୍କ ସମେତ ବିଜୟ କୁମାର ନାୟକ ଓ ସମସ୍ତ କ୍ଲବ ସଦସ୍ୟ ସହଯୋଗ କରିଥିଲେ l କ୍ରିକେଟ କ୍ରୀଡା କୁ ଦର୍ଶକମାନେ ମନଭରି ଉପଭୋଗ କରିଥିଲେ l
