୭ ଡିସେମ୍ବର ୨୦୨୩ (ଓଡ଼ିଶା ତାଜା ନ୍ୟୁଜ ) କଟକ :-> କଟକ ଜିଲ୍ଲା ବାରଙ୍ଗ ଥାନା ମଧୁପୁର ଗ୍ରାମର ଶାଶୁ ସୁଚିତ୍ରା ସାହୁ ଏବଂ ବୋହୂ ଗୋଟିଏ ଘରେ ଶୋଇଥିଲେ । ସୁଚିତ୍ରା ମୁଣ୍ଡରେ କ୍ଷତଚିହ୍ନ ରହିଥିଲା ବେଳେ ତାଙ୍କର ମୃତ୍ୟୁ ଘଟିଛି । ସୁଚିତ୍ରାଙ୍କ ମୃତ୍ୟୁ କିପରି ହେଲା ,ତାଙ୍କୁ କିଏ ହତ୍ୟା କଲା ଏନେଇ ପରିବାର ଲୋକ ଏବଂ ଗ୍ରାମବାସୀଙ୍କ ମନରେ ସନ୍ଧେହ ସୃଷ୍ଟି କରିଛି ।
ସକାଳୁ ବୋହୂ ଆସି ବାଟଘରେ ଶୋଇଥିବା ଶଶୁରଙ୍କୁ କହିଥିଲା ବୋଉକୁ କିଏ ମାରି ଦେଇଛି l ଶଶୁର ଯାଇ ଦେଖିଲେ ରକ୍ତ ଜୁଡୁବୁଡ ଅବସ୍ଥାରେ ଶୋଇବା ଘର ଖଟ ଉପରେ ସୁଚିତ୍ରାଙ୍କ ମୃତ ଦେହ ପଡିରହିଥିବା ଦେଖି ଥିଲେ ମୃତ ମହିଳାଙ୍କ ସ୍ଵାମୀ ଚର୍ତୁଭୂଜ ସାହୁ l ସକାଳୁ ମା ର ମୃତ୍ୟୁ ଖବର ପାଇବା ପରେ ପୁଅ ଘରେ ପହଁଚିଛି l
ମୃତକ ଙ୍କ ଭାଇ ବାରଙ୍ଗ ଥାନାକୁ ସୂଚନା ଦେବା ପରେ, ପୁଲିସ ସାଇଣ୍ଟିଫିକ ଦଳ ଓ ସନ୍ଧାନି କୁକୁର ସହ ଘଟଣା ସ୍ଥଳରେ ପହଞ୍ଚି ଛାନଭିନ କରିଛି l ମୃତ ଦେହର ଶବ ବ୍ୟବଛେଦ ରିପୋର୍ଟ ଆସିବା ପରେ ଘଟଣା ଜଣା ପଡ଼ିବ । ହତ୍ୟା କାଣ୍ଡର ତଦନ୍ତ ପରେ କିଏ ଏଥିରେ ସଂପୃକ୍ତ ଅଛନ୍ତି ଜଣାପଡିବ ବୋଲି କହିଛନ୍ତି ବାରଙ୍ଗ ଥାନା ଅଧିକାରୀ ଆକାଶ ଚନ୍ଦ୍ର ରଣା l
