ବରିଷ୍ଠ ସାମ୍ବାଦିକ, ସାରସତ୍ଵ ସାଧକ ବିପିନ୍ କାନୁନଗୋ ଙ୍କ ଵିୟୋଗରେ ଗଭୀର ଶୋକର ଛାୟା

୨୯ ନଭେମ୍ବର ୨୦୨୩ (ଓଡ଼ିଶା ତାଜା ନ୍ୟୁଜ ) ରାଇରଙ୍ଗପୁର :-> ବାମନଘାଟୀ ପ୍ରେସ୍ କ୍ଲବ ତରଫରୁ ବରିଷ୍ଠ ସାମ୍ବାଦିକ ଙ୍କ ବିୟଗରେ ଶ୍ରଦ୍ଧାଞ୍ଜଳି ଅର୍ପଣ କରିଥିଲେ । ସ୍ବର୍ଗତ ବିପିନ୍ କାନୁନଗୋ ଜଣେ ମେଳାପୀ ଓ ପରଉପକାରୀ ବ୍ଯକ୍ତି ଥିଲେ । ସେ ଏକାଧାରରେ ଜଣେ ରାଜସ୍ବ ବିଭାଗ ଅଧିକାରୀ ତଥା ବିଶିଷ୍ଟ ସାରସ୍ଵତ ସାଧକ,ମୟୂରଭଞ୍ଜ ଜିଲ୍ଲା ସାମ୍ବାଦିକ ସଂଘ,ରାଇରଙ୍ଗପୁର ପ୍ରେସ୍ କ୍ଲଵର ବରିଷ୍ଠ ସଦସ୍ୟ,ସାଂସ୍କୃତିକ ଅନୁଷ୍ଠାନ ପରିକ୍ରମାର ବରିଷ୍ଠ ଉପଦେଷ୍ଟା ବିପିନ୍ କାନୁନଗୋଙ୍କ ଆଜି ଭୁବନେଶ୍ୱରରେ ଚିକିତ୍ସାଧୀନ ଅବସ୍ଥାରେ ପରଲୋକରେ ରାଇରଙ୍ଗପୁର ସହରରେ ଗଭୀର ଶୋକ ପ୍ରକାଶ ପାଇଛି। ତାଙ୍କ ପରଲୋକ ଖବର ପ୍ରଚାରିତ ହେବା ମାତ୍ରେ ସହରରେ ଜଣାଶୁଣା ମହଲରେ ଗଭୀର ଶୋକ ପ୍ରକାଶ ପାଇଥିଲା ।

ସେ ସତ୍ୟ ସାଇ ସେବା ସମିତି, ଶ୍ରୀ ଜଗନ୍ନାଥ ସଂସ୍କୃତି ଓ ଗବେଷଣା କେନ୍ଦ୍ର,ରାଇରଙ୍ଗପୁର ପ୍ରେସ କ୍ଲବ୍,ପରିକ୍ରମା, ବାମନଘାଟୀ ସାଂସ୍କୃତିକ ପରିଷଦ ତଥା ବିଭିନ୍ନ ଅନୁଷ୍ଠାନ ପକ୍ଷରୁ ଶ୍ରଦ୍ଧାଞ୍ଜଳୀ ଅର୍ପଣ କରାଯିବା ସହ ତାଙ୍କର ଅମର ଆତ୍ମାର ସଦଗତି କାମନା କରାଯାଇଛି । ସବୁଠାରୁ ଅତ୍ୟନ୍ତ ଦୁଃଖଦାୟକ ଖବର ହେଉଛି ଯେ ଗତ ୨୦ତାରିଖ ସୋମବାର ରାତିରେ ତାଙ୍କ ବଡ଼ପୁଅ ବୁବୁ କାନୁନଗୋଙ୍କ ଦେହାନ୍ତ ହୋଇଯାଇଥିଲା। ତାଙ୍କ ବଡ ପୁଅର ଦେହାନ୍ତ ପରେ ଦଶାହକର୍ମ ନସରୁଣୁ ସପ୍ତାହ ପରେ ତାଙ୍କର ଦେହାନ୍ତ ହୋଇଯିବା ଅତ୍ୟନ୍ତ ଦୁଃଖଦାୟକ। ସମାଜର ଵିଭିନ୍ନ ବର୍ଗର ଲୋକେ ତାଙ୍କ ଶୋକସନ୍ତପ୍ତ ପରିବାରବର୍ଗଙ୍କ ପ୍ରତି ଗଭୀର ସମବେଦନା ଜଣାଇଛନ୍ତି।