ବହୁ ପ୍ରତିକ୍ଷାରେ ଅନ୍ତ ! ଟନଏଲରଉ ୧୭ ଦିନପରେ ଉଦ୍ଧାର ହେଲେ ଶ୍ରମିକ : ଜୀବନ ଜିତିଲା, ରାଇରଙ୍ଗପୁର ର ରାଜୁ ନାଏକ ଫେରି ପାଇଲା ନୂତନ ଜୀବନ ; ଗାଁ ଓ ପରିବାର ମଧ୍ୟରେ ଖୁସିର ଲହରୀ

୨୮ ନଭେମ୍ବର ୨୦୨୩ (ଓଡ଼ିଶା ତାଜା ନ୍ୟୁଜ ) ରାଇରଙ୍ଗପୁର :-> ଉତ୍ତରାଖଣ୍ଡ ରାଜ୍ୟର ଉତ୍ତରାକାଶୀରେ ନିର୍ମାଣ ଦିନ ଟନେଲରେ ପଶିଥିବା ଶ୍ରମିକ ମାନେ ୧୭ ଦିନ ପରେ ଆଜି ରାତି ରେ ଉଦ୍ଧାର ହେଲେ । ୪୧ ଶ୍ରମିକଙ୍କ ମଧ୍ୟରୁ ମୟୂରଭଞ୍ଜ ଜିଲ୍ଲାର ଵହଳଦା ବ୍ଳକର ଝରାଡିହି ପଞ୍ଚାୟତର କୁଲଡ଼ିହା ଗ୍ରାମର ମୁଚିରାମ ନାଏକଙ୍କ ପୁଅ ରାଜୁ ନାଏକ ପରିବାର ପ୍ରତିପୋଷଣ ପାଇଁ ଦାଦନ ଖଟିବାକୁ ଯାଇ ଟନେଲ ଟ୍ରାଜେଡି ରେ ଫଶି ଯାଇଥିଲେ । ସରକାରଙ୍କ ବ୍ୟାପକ ଉଦ୍ୟମ ଯୋଗୁଁ ବିଳମ୍ବରେ ହେଲେବି ୧୭ ଦିନ ପରେ ସଂପୂର୍ଣ୍ଣ ସମସ୍ତ ପଶିଥିବା କର୍ମଚାରୀ , ଶ୍ରମିକମାନେ ସୁରକ୍ଷିତ ଭାବରେ ଉଦ୍ଧାର ହୋଇଛନ୍ତି ।

ରାଜୁ ନାଏକ ସୁରକ୍ଷିତ ହେବା ଖବର ପାଇ ଓ ଟିଭିରେ ଦେଖି ତାଙ୍କ ପରିବାରର ବିପଦ ,ମାଆ,କକା ପିଣ୍ଟୁ ନାଏକ, ଅଭିମନ୍ୟୁ ନାଏକ,,ଖୁଡି,ଭାଇ ବିଜୁ ନାଏକ,ଭଉଣୀ ଦୀପା ନାଏକ, ସାଙ୍ଗସାଥୀ, ଗ୍ରାମବାସୀ, ମୟୂରଭଞ୍ଜ ଜିଲ୍ଲା ପ୍ରଶାସନ,ଓଡ଼ିଶା ସରକାର ସମସ୍ତେ ଖୁସି ହୋଇଛନ୍ତି । ସମଗ୍ର କୁଲଡ଼ିହା ଗ୍ରାମରେ ଖୁସିର ଲହରୀ ଛୁଟିଛି ।ରାଜୁ ନାଏକ ଘରେ ୧୭ ଦିନ ହେଲା ଚୁଲି ଜଳୁ ନ ଥିଲା ।ଆଜି ଘର ଲୋକେ ଚୁଲି ଫୁଙ୍କିଲେ ।

ରାଜୁ ନାଏକ ପରିବାର ଲୋକେ କେନ୍ଦ୍ର ସରକାର, ଉତ୍ତରାଖଣ୍ଡ ସରକାର,ଆମ ରାଜ୍ୟ ସରକାର ଯେଉଁ ବଳିଷ୍ଠ ପ୍ରଚେଷ୍ଟା ଜାରି ରଖିଥିଲେ ଯାହାଫଳରେ ସମସ୍ତ ୪୧ ଜଣ କାର୍ଯ୍ୟରତ ଶ୍ରମିକ ସୁରକ୍ଷିତ ଅବସ୍ଥାରେ ଉଦ୍ଧାର ହେଲେ ସେଥିପାଇଁ କୃତଜ୍ଞତା ଜଣାଇଛନ୍ତି ।ରାଜୁ ର ବାପା ମୋଚିରାମ ଗଣମାଧ୍ୟମ କୁ ଅତ୍ଯନ୍ତ ଭାବ ବିହ୍ୱଳ ହୋଇ କହିଛନ୍ତି ସେ ତାଙ୍କ ପୁଅକୁ ଆଉ ଦାଦନ ଖଟିବାକୁ ପଠାଇବେ ନାହିଁ । ରାଜ୍ୟ ସରକାର ଦାଦନ ଶ୍ରମିକଙ୍କ ପାଇଁ କିଛି କର୍ମ ରୋଜଗାର ବ୍ୟବସ୍ଥା କଲେ ସେମାନେ କାମଧନ୍ଦା କରିଏହି ଓଡ଼ିଶାରେ ରହିବେ ।