୨୭ ନଭେମ୍ବର ୨୦୨୩ (ଓଡ଼ିଶା ତାଜା ନ୍ୟୁଜ ) କେନ୍ଦ୍ରାପଡ଼ା :-> କେନ୍ଦ୍ରାପଡ଼ା ଜିଲ୍ଲା ଅନ୍ତର୍ଗତ ଚାରିଗାଁ ପୋଲସାହି ସ୍ଥିତ ଶ୍ରୀ ଶ୍ରୀ ଜଗନ୍ନାଥ ସପ୍ତା ଅନୁଷ୍ଠାନ ଓ ବାସୁଦେବଜୀୟୁ ଯୁବକ ସଂଘ ପକ୍ଷରୁ ଆଧ୍ୟାତ୍ମିକ ପରିବେଶରେ କାର୍ତ୍ତିକ ସପ୍ତାହ ପାଳନ କରାଯାଇଛି । କାର୍ତ୍ତିକ ମାସର ଶେଷ ସପ୍ତାହରେ ଚାରିଗାଁର ଆରାଧ୍ୟ ଦେବତା ମହାପ୍ରଭୁ ଶ୍ରୀଜଗନ୍ନାଥଙ୍କ ମନ୍ଦିରରୁ ମହାପ୍ରଭୁ ଜଗନ୍ନାଥ ,
ମା ସୁଭଦ୍ରା ଏବଂ ବଡ଼ଠାକୁର ଶ୍ରୀ ବଳଦେବଙ୍କ ପ୍ରତିକୃତି ମାନଙ୍କୁ ଆମନ୍ତ୍ରଣ କରି ପଟୁଆରରେ ଅଣାଯାଇ ସପ୍ତାଗାଦିରେ ସପ୍ତାହ ବ୍ୟାପୀ ଶ୍ରୀମଦ୍ ଭାଗବତ ପାରାୟଣ କରାଯିବା ସହ ଦରିଦ୍ର ନାରାୟଣ ସେବା ଏବଂ ପ୍ରତ୍ଯେହ ସନ୍ଧ୍ୟାରେ ଭଜନ କୀର୍ତ୍ତନ ପରିବେଷଣ କରାଯାଇଥିଲା ।
ପବିତ୍ର କାର୍ତ୍ତିକ ପୂର୍ଣ୍ଣିମା ଅବସରରେ କମ୍ଭୁନାଥ ପରିଡ଼ାଙ୍କ ଶ୍ରୀକ୍ଷେତ୍ର ସଂଗୀତ ଭଜନ ସଂନ୍ଧ୍ଯା ଅନୁଷ୍ଠାନ ଭଜନ ପରିବେଷଣ କରିଥିଲେ । ଏହି କାର୍ଯ୍ୟକ୍ରମକୁ ଗ୍ରାମବାସୀ ଏବଂ ଯୁବକ ସଂଘର କର୍ମକର୍ତ୍ତା ଅତ୍ୟନ୍ତ ନିଷ୍ଠା ସହକାରେ ପାଳନ କରିଥିଲେ ।
