ଓଡିଶା ତାଜା ନ୍ୟୁଜ୍ (୧୬ ଜୁଲାଇ ଗୁରୁବାର) କୋରାଇ :- କୋରାଇ ଥାନା ଅନ୍ତର୍ଗତ ତୁଳତୀ ପଂଚାୟତର ମହମ୍ମଦହୋସେନ ପୁର (ବାଲିଆ) ସ୍ଥିତ ବିଲ ମଝିରେ ଥିବା ଏକ ଜୁଆ ଆଡ୍ଡା ଉପରେ ଆଜି ଅପରାହ୍ଣରେ ପୁଲିସ ଚଢାଉ କରିଛି । ଏହି ଜୁଆ ଖେଳରେ ସଂପୃକ୍ତ ଥିବା ୪ଜଣଙ୍କୁ ପୁଲିସ କାବୁ କରିଥିଲା ବେଳେ ପ୍ରାୟ ୧୫ଊର୍ଦ୍ଧ୍ୱ ଫେରାର ହୋଇଯାଇଛନ୍ତି । ଘଟଣାସ୍ଥଳୁ ବ୍ୟବହୃତ ପାଲି, ୩ହଜାରରୁ ଊର୍ଦ୍ଧ୍ୱଟଙ୍କା ଓ ୧୦ଊର୍ଦ୍ଧ୍ୱ ବାଇକ ଜବତ କରିଛିା ପ୍ରକାଶଥାଉକି, କରୋନା କଟକଣା ଦିନରୁ ମହମ୍ମଦ ହୋସେନ ପୁର ଗାଁ ର ବିଲମଝିରେ ଏକ ନିଛାଟିଆ ଚାଳଘରେ ସ୍ଥାନୀୟ ଅଂଚଳରେ କିଛି ଯୁବକ ନିୟମିତ ଭାବେ ଜୁଆ ଖେଳି ଆସୁଥିଲେ । ବିଶେଷସୂତ୍ରରୁ ଖବର ପାଇ କୋରାଇ ଥାନା ଅଧିକାରୀ ରଞ୍ଜିତ ମହାନ୍ତିଙ୍କ ନେତୃତ୍ୱରେ ଏକ ପୁଲିସଟିମ ବୁଧବାର ଅପରାହ୍ଣରେ ସେହି ଜୁଆ ଆଡ୍ଡା ଉପରେ ଆତର୍କିତ ଭାବେ ଚଢାଉ କରିଥିଲେ ।
ଏହି ସମୟରେ କିଛି ଯୁବକ ସେଠାରୁ ଖସି ପାଳଇକୁ ସକ୍ଷମ ହୋଇଥିଲା ବେଳେ ୪ଜଣ ଯୁବକକୁ ପୁଲିସ କାବୁ କରିବାକୁ ସକ୍ଷମ ହୋଇଥିଲା । ପୁଲିସ ସେମାନଙ୍କୁ ଥାନାକୁ ଆଣି ଅଟକ ରଖିରଖିଛି । ଅଟକ ଥିବା ବ୍ୟକ୍ତି ମାନେ ମହମ୍ମଦ ହୋସେନପୁର ଗାଁର ବିଜୟଜେନା(୨୮) ଓ କାର୍ତିକଖଟୁଆ(୪୫) ହୋଇଥିଲା ବେଳେ ବାଲିଆଗ୍ରାମର ଶ୍ରୀଧର ଜେନା(୨୮) ଓ ଆଖନପୁର ଗାଁର ଅମିନ ଖଟୁଆ(୨୦) ବୋଲି ପୁଲିସ ସୂତ୍ରରୁ ଜଣାପଡିଛି । ଏଥି ସହିତ ଜୁଆ ପାଲି (ଗୋଟି ଓ ଝୁଡି), ୩ହଜାରରୁ ଊର୍ଦ୍ଧ୍ୱ ଟଙ୍କା ସମେତ ୧୦ରୁ ଊର୍ଦ୍ଧ୍ୱ ବାଇକ ଜବତ କରି ଥାନାକୁ ଆଣିଥିବା ସୂଚନା ମିଳିଛି । ଆଜିର ଏହି ଚଢାଉରେ ଥାନା ଅଧିକାରି ଙ୍କୁ ଏଏସଆଇ ସଲିଳ ମଲ୍ଲିକ, ମଦନ ମୋହନ ମଲ୍ଲିକ, ପରେଶହାଁ ସଦା, ସୁରେନ୍ଦ୍ର ନାଥ ସ୍ୱାଇଁ ପ୍ରମୁଖ ସହଯୋଗ କରିଥିଲେ । ୪ ଯୁବକଙ୍କୁ ଥାନାରେ ଅଟକ ରଖାଯାଇଥିଲା ବେଳେ ଅନ୍ୟ ଫେରାର ମାନଙ୍କୁ ଧରିବା ପାଇଁ ପୁଲିସ ଯୋଜନା ଜାରି ରଖିଛି । ( ରିପୋର୍ଟ-ରଶ୍ମିରେଖା ମଲ୍ଲିକ )
