ରାଇରଙ୍ଗପୁର ବାଳିକା ଉଚ୍ଚ ବିଦ୍ୟାଳୟରେ ବ୍ଳକ୍ ସ୍ତରୀୟ ବିଜ୍ଞାନ ମେଳା ଅନୁଷ୍ଠିତ ହୋଇଯାଇଛି

୨୨ ନଭେମ୍ବର ୨୦୨୩ (ଓଡ଼ିଶା ତାଜା ନ୍ୟୁଜ ) ରାଇରଙ୍ଗପୁର :-> ମୟୂରଭଞ୍ଜ ଜିଲ୍ଲା ପୌରପରିଷଦ ଅନ୍ତର୍ଗତ ରାଇରଙ୍ଗପୁର ଉଚ୍ଚ ବାଳିକା ବିଦ୍ୟାଳୟ ପରିସରରେ ଆୟୋଜିତ ହୋଇଥିଲା ଶିଶୁ ବିଜ୍ଞାନ ମେଳା । ଏହି ବିଜ୍ଞାନ ମେଳାରେ ମୋଟ ୭୬ ଟି ପ୍ରକଳ୍ପ ଆସିଥିଲା । ସେଥିରୁ ପାଞ୍ଚ ଗୋଟି ପ୍ରକଳ୍ପ ଶ୍ରେଷ୍ଠ ପ୍ରକଳ୍ପ ଭାବେ ମନୋନୀତ କରାଯାଇଥିଲା । ପ୍ରତ୍ୟେକ ପ୍ରକଳ୍ପ ର ପ୍ରଥମ ସ୍ଥାନ ଅଧିକାର କରିବାଥିବା ବିଜ୍ଞାନ ପ୍ରକଳ୍ପ ଗୁଡିକ ଆଗାମୀ ଜିଲ୍ଲାସ୍ତରୀୟ ବିଜ୍ଞାନ ମେଳାରେ ସାମିଲ ହେବେ ।

ଆଜି ବାଳିକା ବିଦ୍ୟାଳୟ ପରିସରରେ ଆୟୋଜିତ ବିଜ୍ଞାନ ମେଳାକୁ ରାଇରଙ୍ଗପୁର ଗୋଷ୍ଠୀ ଉନ୍ନୟନ ଅଧିକାରୀ ନାରାୟଣୀ ପ୍ରଦର୍ଶନୀ ପଣ୍ଡା ମୁଖ୍ଯ ଅତିଥି ଭାବେ ଯୋଗଦେଇ ଦିଜ୍ଞାନ ମେଳାକୁ ଉଦଘାଟନ କରିଥିଲେ । ସଭା କାର୍ଯ୍ୟକ୍ରମ ପରେ ରାଇରଙ୍ଗପୁର ବି ଡି ଓ ବିଜ୍ଞାନ ମେଳା ପରିଦର୍ଶନ କରିଥିଲେ । ବିଶିଷ୍ଟ ବିଜ୍ଞାନ ଜଜେସ୍ ମାନଙ୍କ ଦ୍ବାରା କୃତିତ୍ବ ପ୍ରତ୍ନତାତ୍ତ୍ବିକ ପ୍ରକଳ୍ପର ଛାତ୍ର ଛାତ୍ରୀ ମାନଙ୍କର ପ୍ରକଳ୍ପ ଗୁଡିକ ମନୋନୀତ କରାଯାଇଥିଲା ।

ଅପରାହ୍ନ ରେ କୃତି ପ୍ରକଳ୍ପ ଧାରୀ ଛାତ୍ର ଛାତ୍ରୀଙ୍କୁ ପୁରଷ୍କୃତ କରାଯାଇଥିଲା । ଅପରାହ୍ନ ଅଧିବେଶନ ରେ ମୁଖ୍ଯ ଅତିଥି ଭାବେ ରାଇରଙ୍ଗପୁର ବି ଇ ଓ ବୈଦନାଥ ମହାନ୍ତି , ସମ୍ମାନୀତ ଅତିଥି ଭାବେ ତିରିଂ ଗୋଷ୍ଟି ଶିକ୍ଷା ଅଧିକାରୀ ଯୋଗେଶ୍ବର ଜେନା। , ରାଇରଙ୍ଗପୁର ଉଚ୍ଚ ବିଦ୍ୟାଳୟର ପ୍ରଧାନ ଶିକ୍ଷକ ବିଜୟ ରଞ୍ଜନ ନାଏକ , ବହଳଦା ଉଚ୍ଚ ବିଦ୍ୟାଳୟର ପ୍ରଧାନ ଶିକ୍ଷକ ମନୋରଞ୍ଜନ ଗିରି ,

ରାଇରଙ୍ଗପୁର ବାଳିକା ବିଦ୍ୟାଳୟର ପ୍ରଧାନ ଶିକ୍ଷୟତ୍ରୀ ରିସିପ୍ରଭା ମହାନ୍ତ ପ୍ରମୁଖ ଯୋଗ ଦେଇଥିଲେ । କାର୍ଯ୍ୟକ୍ରମ କୁ ପରିଚାଳନା କରୁଥିଲେ ଏ ବି ଇ ଓ ରାଇରଙ୍ଗପୁର କାର୍ତ୍ତିକ ଚନ୍ଦ୍ର କାରୁଆ , ଏ ବି ଇ ଓ ନମିତା ସେଠି , ଏ ବି ଇ ଓ ହେମା ମାଝୀ ଓ ଚିରିଂ ଏ ବି ଇ ଓ ସୁକଦେବ ତ୍ରିପାଠୀ ପ୍ରମୁଖ କାର୍ଯ୍ୟକ୍ରମ ର ପରିଚାଳନା ଦାୟିତ୍ବ ଭାର ଗ୍ରହଣ କରିଥିଲେ । ବିଜ୍ଞାନ ମେଳା କାର୍ଯ୍ୟକ୍ରମ ର ମଞ୍ଚ କୁ ପରିଚଳନା କରିଥିଲେ ରାଇରଙ୍ଗପୁର ପୌରପରିଷଦ ଉଚ୍ଚ ବିଦ୍ୟାଳୟର ବିଜ୍ଞାନ ଶିକ୍ଷକ ରଂଜନ କୁମାର ନନ୍ଦ ।

ଯେଉଁ ପାଞ୍ଚ ଟି ପ୍ରକଳ୍ପ ଜିଲ୍ଲା ସ୍ତରକୁ ଯିବା ପାଇଁ ମନୋନୀତ ହୋଇଛି ସେଗୁଡିକ ହେଲା ରାଇରଙ୍ଗପୁର ଉଚ୍ଚ ବାଳିକା ବିଦ୍ୟାଳୟର ଉତ୍ତମ ପ୍ରକଳ୍ପ ଟି ହେଉଛି ‘ ଉତ୍ତମ ଗମନାଗମନ ପରିବହନ ” ପ୍ରକଳ୍ପ କାରୀ ଙ୍କ ନାମ ବିଷ୍ଣୁ ପ୍ରିୟା ମଣ୍ଡଳ , ପୁରୁଣାପାଣି ସ୍କୁଲର ରିଆ ମହାନ୍ତ ଙ୍କ ପ୍ରକଳ୍ପ ର ନାମ ହେଲା ‘ଗଣନା କରିବା କୌଶଳ ” ପ୍ରକଳ୍ପ ମନୋନୀତ , ରାଖା ସାହି ଉଚ୍ଚ ବିଦ୍ୟାଳୟର କାପଲ ଦେବ ମହାନ୍ତ ର ପ୍ରକଳ୍ପ ର ବିଷୟ ବସ୍ତୁ ଥିଲା ସ୍ବାସ୍ଥ୍ୟ ,

ଏହି ବିଭାଗ ଉପରେ ପ୍ରସ୍ତୁତ ପ୍ରକଳ୍ପ ହେଲା ଜଳ ବିଶଦ୍ଧି କରଣ ସେହିପରି ରାଇରଙ୍ଗପୁର ଉଚ୍ଚ ବିଦ୍ୟାଳୟର ହରିଶଙ୍କର ପଣ୍ଡା ଙ୍କ ପ୍ରକଳ୍ପ ଟି ହେଲା ପେଟ୍ରୋଲ କେମିତି ତିଆରି କରିବେ ଓ ମୂଷାବଣୀ ସ୍କୁଲ ର ଅଭିଷେକ କୁମ୍ବକାର ପ୍ରକଳ୍ପ ଟି ଥିଲା ଶଳ୍ପ ଖର୍ଚ୍ଚ ରେ କୁତ୍ରିମ ପଦ୍ଧତିରେ ଅଣ୍ଡାରୁ ଛୁଆ ଜନ୍ମ କରାଇବା । ଏହି ପାଞ୍ଚ ଗୋଟି ପ୍ରକଳ୍ପ କୁ ମନୋନୀତ କରି ଜିଲ୍ଲାସ୍ତର ବିଜ୍ଞାନ ମେଳାରେ ସାମିଲ ହେବ ବୋଲି ରାଇରଙ୍ଗପୁର ଏ ବି ଇ ଓ କାର୍ତ୍ତିକ ଚନ୍ଦ୍ର କାରୁଆ ପ୍ରକାଶ କରିଥିଲେ ।