ଟ୍ରାକ୍ଟର ଚକ ତଳେ ଚାପି ହୋଇ ଶିଶୁକନ୍ୟା ମୃତ, ଗାଡି ମାଲିକ ଫେରାର

୧୯ ନଭେମ୍ବର ୨୦୨୩ (ଓଡ଼ିଶା ତାଜା ନ୍ୟୁଜ ) ପାଟଣାଗଡ଼ :-> ବଲାଙ୍ଗୀର ଜିଲ୍ଲା ଖପ୍ରାଖୋଲ ଥାନା ଅନ୍ତର୍ଗତ କନ୍ଦେନଝଲା ଗାଁରେ ଏକ ଟ୍ରାକ୍ଟର ଚକତଳେ ଚାପି ହୋଇ ଅଢେଇ ବର୍ଷର ଜଣେ ଶିଶୁ କନ୍ୟାର ମୃତ୍ୟୁ ଘଟିଛି। ମୃତ ଶିଶୁକନ୍ୟା ଜଣଙ୍କ ହେଉଛନ୍ତି ଗାଁର ମାୟାଧର ମାଝିଙ୍କ ଝିଅ ଜ୍ୟୋତ୍ସ୍ନା ମାଝୀ । ସୂଚନା ଅନୁସାରେ ଆଜି ସକାଳ ପ୍ରାୟ 9ଟା ବେଳେ ମାୟାଧର ମାଝିଙ୍କ ଘର ପାଖରେ ଟ୍ରାକ୍ଟର ନଂ ଓଡି0୩ପି ୮୬୭୭କୁ ଡ୍ରାଇଭର ଅମର ମାଝୀ ପଛକୁ ନେଉଥିବା ସମୟରେ ଶିଶୁ କନ୍ୟା ଚକ ତଳେ ଚାପି ହୋଇ ଯାଇଥିଲା l

ଟ୍ରାକ୍ଟର ରେ ଥିବା ଦୁଇ ଜଣ ଶ୍ରମିକ ଡ୍ରାଇଭର କୁ ତାଗିଦ କରିବା ସ୍ବର୍ତ୍ତେ ଡ୍ରାଇଭର ଅମର ମାଝୀ ଟ୍ରାକ୍ଟରକୁ ଶିଶୁ ଉପରେ ଚଢେଇ ଦେଇଥିଲା l ଏବଂ ପରେ ଚକତଳୁ ମୃତ ଶିଶୁ କନ୍ୟାକୁ କାଢି ଟ୍ରାକ୍ଟର ନେଇ ଫେରାର ମାରିବାକୁ ଚେଷ୍ଟା କରିଥିଲା l କିନ୍ତୁ ସ୍ଥାନୀୟ ଲୋକେ ଟ୍ରାକ୍ଟର କୁ ଅଟକାଇ ଥିବା ବେଳେ ଡ୍ରାଇଭର ଫେରାର ମାରିଥିଲା l ଏହି ଘଟଣା ପରେ ଗ୍ରାମରେ ଶୋକାକୁଳ ବାତାବରଣ ଦେଖିବାକୁ ମିଳିଛି ।

ଦୁର୍ଘଟଣା ସମ୍ପର୍କରେ ଖବର ପାଇ ଖପ୍ରାଖୋଲ ପୋଲିସ ଘଟଣାସ୍ଥଳରେ ପହଞ୍ଚି ଟ୍ରାକ୍ଟର ଏବଂ ଶବକୁ ଜବତ କରି ଟ୍ରାକ୍ଟର ଡ୍ରାଇଭର କୁ ଗିରଫ କରିବାରେ ସଫଳ ହୋଇଥିଲେ l ମୃତ ଶିଶୁକନ୍ୟାକୁ ଶବ ବ୍ୟବଚ୍ଛେଦ ପାଇଁ ପଠେଇ ଦେଇଥିବା ବେଳେ ଏନେଇ ଖପ୍ରାଖୋଲ ଥାନା କେସ ନଂ ୨୪୦/୨୦୨୩ ରେ ଏକ ମାମଲା ଋଜୁ କରି ଘଟଣାର ଅଧିକ ତଦନ୍ତ କରୁଥିବା ଖପ୍ରାଖୋଲ ଥାନାଧିକାରୀ ରମାକାନ୍ତ ସାହୁ ସୂଚନା ଦେଇଛନ୍ତି l