ଓଡିଶା ତାଜା ନ୍ୟୁଜ୍ (୧୫ଜୁଲାଇ୨୦୨୦,ବୁଧବାର ) ରଣପୁର :- ଦାମୀ କାର ବିଏମ୍ଡବ୍ଲ୍ୟୁରେ ବୁଲୁଥିବା ସିରିଏଲ କିଲର ମାନେ କଥାକଥାକେ ଛୁରାମାଡ଼ କରୁଥିଲେ ତ ଆଉ କେଉଁଠି ସିଧା ମର୍ଡର କରିଦେଉଥିଲେ ଏହି ଭଳି ସିରିଏଲ କିଲର ମାନେ ଭୁବନେଶ୍ୱରରେ ଦାମୀ କାରରେ ଆସି ଯୁବକଙ୍କୁ ଗୋଡେଇ ଗୋଡେଇ ହାଣିବା ଘଟଣା ନୂଆପଲ୍ଳୀ ଥାନା ଅଂଚଳରେ ଏକ ଆତଙ୍କ ଖେଳାଇ ଦେଇଥିଲା । ଆହତ ଯୁବକମାନେ ହେଲେ ଗଞ୍ଜାମ ଜିଲ୍ଲାର ଅଭିନାଶ ପ୍ରଧାନ ଓ ତାଙ୍କ ସାଙ୍ଗ ମହିତ କୁମାର ପଣ୍ଡା । ଅଭିନାଶ ଖଣ୍ଡଗିରି ଥାନା ପାତ୍ରପଡା ଉଦୟଗିରି ବିହାରରେ ରୁହନ୍ତି । ଇସ୍କନ ମନ୍ଦିର ପାଖ ପେଟ୍ରୋଲ ପମ୍ପ ପଛପାର୍ଶ୍ୱ ଗ୍ୟାରେଜକୁ ଏକ ହୁଣ୍ଡାଇ କାର୍ (ଓଡି୦୨ଏଇ-୯୭୪୭) ଧରି ସଜାଡିବା ପାଇଁ ଯାଇଥିଲେ । ମରାମତିରେ ବିଳମ୍ବ ଘଟିବାରୁ ସାଙ୍ଗ ମୋହିତ କୁମାର ପଣ୍ଡାଙ୍କ ସହ ଚା’ ପିଇବାକୁ ଯାଇଥିଲେ । ଚା ପିଇ ଗଳି ଭିତରେ ଦୁହେଁ ଫେରୁଥିବା ବେଳେ ଏକ ଟର୍ଣ୍ଣିଂ ଠାରେ ଅବିନାଶ ଗାଡ଼ିର ହର୍ଣ୍ଣ ମାରିଥିଲେ ।
ସାମ୍ନାରୁ ଆସୁଥିବା ବିଏମଡବ୍ଲ୍ୟୁ ଗାଡି (ଏଚ୍ଆର-୨୬ବିଜି ୧୧୪୫) ରେ ବସିଥିବା ୪ ଯୁବକ ଗାଡି଼ରୁ ଓହ୍ଲାଇ କାହିଁକି ହର୍ଣ୍ଣ ମାରିଲୁ ବୋଲି ପଚାରିଥିଲେ । ଟର୍ଣ୍ଣିଂ ଥିବାରୁ ହର୍ଣ୍ଣ ମାରିଥିବା ନେଇ ଉତ୍ତର ରଖିବାରୁ ୪ ଯୁବକ ରାଗି ଯାଇଥିଲେ । ଜଣେ କାର୍ ଭିତରୁ ଛୁରୀ ଆଣି ଅବିନାଶଙ୍କୁ ଆକ୍ରମଣ କରିଥିଲା । ଅନ୍ୟ ଦୁଇଜଣ ମୋହିତ୍ଙ୍କୁ ଗୋଡ଼ାଇ ଗୋଡ଼ାଇ ପିଟିଥିଲେ । ସ୍ଥାନୀୟ ଲୋକ ଓ ଗ୍ୟାରେଜର କର୍ମଚାରୀ ସେଠାକୁ ଆସିବାରୁ ଆକ୍ରମଣକାରୀ ମାନେ ବିଏମ୍ଡବ୍ଲ୍ୟୁରେ ବସି ଘଟଣାସ୍ଥଳରୁ ଛୁ ମାରିଥିଲେ । ଦୁର୍ବୃତ ମାନେ ଅଭିନାଶ ଙ୍କ ମୁହଁ , ପିଠି ଓ ମୁଣ୍ଡକୁ ଛୁରୀରେ ଆକ୍ରମଣ କରିବା ଫଳରେ ତାଙ୍କ ଅବସ୍ଥା ଗୁରୁତର ହେବାରୁ ତାଙ୍କୁ ରାଜଧାନୀର ଏକ ଘରୋଇ ହସ୍ପିଟାଲରେ ଭର୍ତି କରାଯାଇଥିଲା ଅଭିନାଶଙ୍କ ସାଙ୍ଗ ମହିତ ଆହତ ହୋଇଥିଲେ । ସ୍ଥାନୀୟ ଲୋକମାନେ ଦୁହିଁଙ୍କୁ ହସ୍ପିଟାଲକୁ ନେବା ସହ ନୂଆପଲ୍ଲୀ ଥାନାକୁ ଖବର ଦେଇଥିଲେ । ଦୁର୍ବୃତମାନେ ଅଭିନାଶଙ୍କ ଗାଡିକୁ ଭଙ୍ଗାରୁଜା କରିବା ସହ ଘଟଣା ସ୍ଥଳରୁ ଚମ୍ପଟ ମାରିଥିଲେ । ଏନେଇ ଅଭିନାଶ ଓ ତାଙ୍କ ସାଙ୍ଗ ନୂଆପଲ୍ଲୀ ଥାନାରେ ଅଭିଯୋଗ କରିବା ପରେ ପୁଲିସ ଏକ ମାମଲା ରୁଜୁ କରି ଅପରାଧୀ ମାନଙ୍କୁ ଧରିବା ପାଇଁ ଚଢ଼ଉ ଜାରି ରଖିଥିଲା । ଅନ୍ୟ ପଟେ ସେହି ୪ ଜଣ ଦୃବ୍ରୁର୍ତ୍ତ ଖୋର୍ଦ୍ଧା ବାଇପାସ ରେ ପାଢ଼ୀ ବାରରେ ପହଞ୍ଚି ସେଠାରେ କାର ପାର୍କିଂକୁ ନେଇ ବାର୍ ସିକ୍ୟୁରିଟି ଗାର୍ଡଙ୍କ ସହ ଯୁକ୍ତିତର୍କ କରିଥିଲେ ।
କିଛି ସମୟ ପରେ ପୁଣି ଉକ୍ତ ବାର୍କୁ ଫେରି ବାର୍ ପାଚେରୀରେ ବସିଥିବା ଅମୀୟ ଓ ଅନ୍ୟ ଜଣେ କର୍ମଚାରୀ ସୁନୀଲଙ୍କ ଉପରେ ତିନି ଯୁବକ ଝପଟି ପଡିଥିଲେ । ମଦ ବାର ରେ ଝଗଡା କରି ବାର କର୍ମଚାରୀ ଅମୀୟ ବାରିକଙ୍କୁ ମର୍ଡର କରିଥିଲେ । ୪ ପଟୁ ତାଙ୍କୁ ଛୁରା ମାଡ଼ କରିଥିଲେ । ତାଙ୍କ ଶରୀରର ୧୫ରୁ ଅଧିକ ଜାଗାରେ ଚୋଟ ବାଜିଥିଲା । ସୂଚନାନୁସାରେ ଖୋର୍ଦ୍ଧା ପୁଲିସ୍ ୨୪୩/୨୦ରେ ଏକ ମାମଲା ରୁଜୁ କରିଥିଲା । ଏଭଳି ଦୃବ୍ରୁତ୍ତ କାଣ୍ଡ ଘଟାଇ ବିଏମଡବ୍ଲୁ୍ ହୋଣ୍ଡା ସିଟି ଗାଡି (ଏଚ୍ଆର-୨୬ବିଜି ୧୧୪୫) ରେ ନୟାଗଡ଼ ମୁହାଁ ହୋଇଥିବା ବେଳେ ପୁର୍ବରୁ ଜଙ୍କିଆ ପୋଲିସ ଙ୍କ ଠାରୁ ଖବର ପାଇ ରଣପୁର ପୋଲିସ ଜଗନ୍ନାଥ ରୋଡ଼ରେ ଛକି ବସିଥିଲେ ପରେ ଅପରାଧୀ ମାନେ ଭୁବନେଶ୍ୱର, ଖୋର୍ଦ୍ଧା, ପୋଲିସ ଙ୍କ ଠୁ ଖସି ପଳେଇ ଆସୁଥିବା ବେଳେ ରାତି ୧୨ ଟା ସମୟରେ ନ୍ୟୁ ଜଗନ୍ନାଥ ରାସ୍ତାରେ ରଣପୁର ପୋଲିସ ୪ ଦୃବୁତ୍ତ ମାନଙ୍କ ସହ ବିଏମଡବ୍ଲ୍ୟୁ ଗାଡି (ଏଚ୍ଆର-୨୬ବିଜି ୧୧୪୫) ଜବତ କରି ଭୁବନେଶ୍ୱର ପୋଲିସ୍ ଜିମା ରେ ଦେଇଛନ୍ତି । ଏହି ଦୃବୃତ ମାନଙ୍କୁ ଧରିବାରେ ରଣପୁର ଥାନା ଅଧିକାରୀ ଯଥା ସମ୍ଭବ ପ୍ରୟାସ କରି ସଫଳତା ହାସଲ କରିଛନ୍ତି ।
