ଓଡିଶା ତାଜା ନ୍ୟୁଜ୍ (୧୪ ଜୁଲାଇ ୨୦୨୦ ମଙ୍ଗଳବାର) କଳାହାଣ୍ଡି :- ଅତୀତରେ ବିଭିନ୍ନ ସମୟରେ କଳାହାଣ୍ଡି ଜିଲ୍ଲାରୁ ରତ୍ନ ପଥର ଚୋରାଚାଲାଣ ହେଉଥିବା ବେଳେ ଏସଟିଏଫ ଟିମ୍ ଓ ଜୁନାଗଡ଼ ପୋଲିସ ପଲାସ ଗ୍ରାମରେ ଚଢାଉ କରି ବିପୁଳ ପରିମାଣର ରତ୍ନ ପଥର ଜବତ କରିଛି । ଏକ ଗୁଇନ୍ଦା ସୂଚନାକୁ ଆଧାର କରି କ୍ରାଇମବ୍ରାଞ୍ଚର ଏସଟିଏଫ ଟିମର ଜଗନ୍ନାଥ ସାହୁ, ଆଶିଷ ଜେନା, ଜୁନାଗଡ଼ ଥାନା ଅଧିକାରୀ ଉତ୍ତମ ସାହୁଙ୍କ ନେତୃତ୍ୱରେ ଗତ ରବିବାର ଦିନ ଜୁନାଗଡ଼ ଥାନା ପଲାସ ଗ୍ରାମର ଜଣେ ଲୋକଙ୍କ ଘରେ ଚଢାଉ ହୋଇଛି । ଏହି ଚଢାଉରେ ୩କୁଇଣ୍ଟାଲ ୨କେଜି ୧୮ଗ୍ରାମ ରତ୍ନ ପଥର ଯାହା ରୁବି ଓ ପନ୍ନା ଜବତ କରାଯାଇଛି ।
ଏହାର ମୂଲ୍ୟ ଲକ୍ଷାଧିକ ଟଙ୍କା ହେବାର ଅନୁମାନ କରାଯାଉଛି । କଳାହାଣ୍ଡି ଅତିରିକ୍ତ ଏସପି ଗୋପୀନାଥ ମଣିପାତ୍ର ଘଟଣାର ତଦନ୍ତ ଆରମ୍ଭ କରିଛିନ୍ତି । ରତ୍ନ ପଥର ରଖିଥିବା ଅଭିଯୋଗରେ ଉକ୍ତ ଗ୍ରାମର ସୁଜିତ ମେହେରଙ୍କ ଠାରୁ ପୋଲିସ ଅଧିକ ପଚରାଉଚରା କରୁଛି । ଏଠାରେ ସୂଚନାଯୋଗ୍ୟ ଜୁନାଗଡ଼ ବ୍ଳକର ଜିଲିଂଦର ବହୁ ଅଞ୍ଚଳର ରତ୍ନ ପଥର ଖଣିକୁ ଓଏମସି ପକ୍ଷରୁ ସିଲ୍ କରାଯାଇଥିଲା । ଏହାର ସଂରକ୍ଷଣ ଦାୟିତ୍ୱରେ ରାଜ୍ୟ ସରକାର ମଧ୍ୟ ରହିଛନ୍ତି । (ରିପୋର୍ଟ – କଳାହାଣ୍ଡି ଜିଲ୍ଲା /ପ୍ରଦୀପ କୁମାର ଗଉଡ )
