ଜାମଦାରେ ଆମ ଓଡ଼ିଶା ନବୀନ ଓଡ଼ିଶା କାର୍ଯ୍ୟକ୍ରମର ଶୁଭାରମ୍ଭ

୦୪ ନଭେମ୍ବର ୨୦୨୩ (ଓଡ଼ିଶା ତାଜା ନ୍ୟୁଜ ) ଜାମଦା :-> ନୂଆ ଓଡ଼ିଶା ସଶକ୍ତ ଓଡ଼ିଶା ଗଠନର ଭିତ୍ତିଭୂମି ସୁଦୃଢ଼ ପାଇଁ ରାଜ୍ୟ ସରକାରଙ୍କ ‘ଆମ ଓଡ଼ିଶା-ନବୀନ ଓଡ଼ିଶା’ ଯୋଜନାକୁ ମୁଖ୍ୟମନ୍ତ୍ରୀ ଶନିବାର ଆଭାସୀ ମାଧ୍ୟମରେ ଜିଲ୍ଲାର ବିଭିନ୍ନ ନିର୍ବାଚନୀ ମଣ୍ଡଳୀରେ ଶୁଭାରମ୍ଭ କରିଛନ୍ତି। ଦୁଇ ହାତ ଟେକି ଉପସ୍ଥିତ ଜନସାଧାରଣ ଓ ମା ମାନେ ଏକ ସ୍ବରରେ କହିଥିଲେ ଜୟ ଜଗନ୍ନାଥ,ଆମ ଓଡ଼ିଶା ନବୀନ ଓଡ଼ିଶା କହି ମୟୂରଭଞ୍ଜ ମାଟିକୁ ପ୍ରକମ୍ପିତ କରିଦେଇଥିଲେ |ସାରା ରାଜ୍ୟରେ ୩୩୯୭କୋଟି ଟଙ୍କା ଖର୍ଚ୍ଚ ହେବାକୁ ଧାର୍ଯ୍ୟ କରାଯାଇଥିବା ବେଳେ ରାଜ୍ୟରେ ୬୭୯୪ଟି ପଞ୍ଚାୟତରେ ୯୦୭୨୩ଟି ପ୍ରକଳ୍ପ କାର୍ଯ୍ୟକ୍ଷମ ହେବ ଏବଂ ଏଥିପାଇଁ ପ୍ରତି ପଞ୍ଚାୟତକୁ ୫୦ଲକ୍ଷ ଟଙ୍କା ପ୍ରଦାନ କରାଯିବ।

ମୟୁରଭଞ୍ଜ ଜିଲ୍ଲାର ଯଶିପୁର, କରଞ୍ଜିଆ, ସାରସକଣା ଏବଂ ରାଇରଙ୍ଗପୁର ନିର୍ବାଚନ ମଣ୍ଡଳୀ ପାଇଁ ୯୦କୋଟି ୫ ଲକ୍ଷ ଟଙ୍କା ବ୍ୟୟରେ ୨୪୨୭ଟି ବିଭିନ୍ନ ଉନ୍ନୟନ ମୂଳକ ପ୍ରକଳ୍ପର ଶୁଭାରମ୍ଭ କରାଯାଇଛି | ଏହି ଯୋଜନାରେ ପ୍ରତି ଗାଁରେ ଜଗନ୍ନାଥ ସଂସ୍କୃତି ସହ ଓଡ଼ିଶାର ମୂଳ ସଂସ୍କୃତିର ଭିତ୍ତିଭୂମିର ବିକାଶ କରାଯିବ। ବିଶ୍ୱପ୍ରେମ, ଶାନ୍ତି, ସଦ୍‌‌ଭାବନା, ସମାନତା ଓ ସେବା ହେଉଛି ଜଗନ୍ନାଥ ସଂସ୍କୃତିର ବାର୍ତ୍ତା ବୋଲି ମୁଖ୍ୟମନ୍ତ୍ରୀ ତାଙ୍କ ବାର୍ତ୍ତାରେ ଏହା କହିଛନ୍ତି। ଆମ ଓଡ଼ିଶା ନବୀନ ଓଡ଼ିଶା କାର୍ଯ୍ୟକ୍ରମ ମାଧ୍ୟମରେ ପ୍ରତି ଗାଁରେ ଜଗନ୍ନାଥ ସଂସ୍କୃତିର ସଂରକ୍ଷଣ ଓ ପୂଜାସ୍ଥଳୀ ମାନଙ୍କର ବିକାଶ କରାଯାଇ ସଂସ୍କୃତି ଓ ଐତିହ୍ୟସ୍ଥଳୀ ଗୁଡିକର ସଂରକ୍ଷଣ ଓ ସୁରକ୍ଷା ଜରୁରୀ ବୋଲି ଆଭାସୀ କାର୍ଯ୍ୟକ୍ରମ ମାଧ୍ୟମରେ ମନ୍ତ୍ରୀ ଓ ଜାମଦା ବ୍ଲକ ଅଧ୍ୟକ୍ଷ ଡୁମୁକା ହେମ୍ବ୍ରମ ଏହି କାର୍ଯ୍ୟକ୍ରମ ମାଧ୍ୟମରେ ଜାମଦା ବ୍ଲକର ୧୦ଟି ପଞ୍ଚାୟତକୁ ୫୦ଲକ୍ଷ ଟଂକା ଲେଖାଏଁ ୫କୋଟି ରାଜ୍ୟ ସରକାର ଘୋଷଣା କରିଛନ୍ତି ବୋଲି ବକ୍ତବ୍ୟ ମାଧ୍ୟମରେ ଜଣାଇଥିଲେ |

୫-ଟି ସଚିବ ଭି.କେ.ପାଣ୍ଡିଆନ କାର୍ଯ୍ୟକ୍ରମକୁ ସଂଯୋଜନା କରିବା ଅବସରରେ ସମସ୍ତେ ସ୍ୱଚ୍ଛତା ସହ ଓ ଠିକ୍‌‌ ସମୟରେ ଏହି ଯୋଜନାରେ ହାତକୁ ନିଆଯାଇଥିବା ପ୍ରକଳ୍ପ ଶେଷ କରିବାକୁ ପରାମର୍ଶ ଦେଇଥିବା ବେଳେ ଶେଷରେ ଜିଲାପାଳ ବିନୀତ ଭରଦ୍ବାଜ ଧନ୍ୟବାଦ ଅର୍ପଣ କରିଥିଲେ।ଜାମଦା ବ୍ଲକର ବିଡ଼ିଓ ଦେବାଶିଷ୍ ପଣ୍ଡାଙ୍କ ତତ୍ବାବଧାନରେ ଏହି ଆଭାସୀ କାର୍ଯ୍ୟକ୍ରମ ସୁରୁଖୁରୁରେ ପରିଚାଳିତ ହୋଇଥିଲାବେଳେ ଏପିଡ଼ି ଦେବାଶିଷ୍ ମହାପାତ୍ର ଉପସ୍ଥିତ ରହି ସମସ୍ତ କାର୍ଯ୍ୟକୁ ପର୍ଯ୍ୟବେକ୍ଷଣ କରିଥିଲେ | ଜାମଦା ବ୍ଲକ ୧୭ ନମ୍ବର ଜୋନ୍ ର ଜିଲ୍ଲା ପରିଷଦ ପୂର୍ଣ୍ଣଚନ୍ଦ୍ର ମାର୍ଣ୍ଡି,୧୬ ନମ୍ବର ଜିଲ୍ଲା ପରିଷଦ ବାବୁଲୁ ଟୁଡୁ,ସମାଜସେବୀ ସୁବାଷ ଚନ୍ଦ୍ର ମଣ୍ଡଳ ,ୟୁଏସ୍ଆଇ ସମ୍ପାଦକ ପ୍ରଶ୍ନ କୁମାର ଶତପଥୀ ଉପସ୍ଥିତ ଥାଇ କାର୍ଯ୍ୟକ୍ରମକୁ ଆଗେଇ ନେଇଥିଲେ |