ଅବକାରୀ ବିଭାଗ ପକ୍ଷରୁ ଚଢାଉ : ୫୭ ଲିଟର ମଦ ଜବତ – ୩ ଜଣ ଗିରଫ

୩୧ ଅକ୍ଟୋବର ୨୦୨୩ (ଓଡ଼ିଶା ତାଜା ନ୍ୟୁଜ ) ଭୁବନ  :-> ଭୁବନ ଏନ୍ ଏ ସି ଅନ୍ତର୍ଗତ ୭ ନମ୍ୱର ୱାର୍ଡ ମୋଚି ସାହି ରେ ଆଜି ଅବକାରୀ ବିଭାଗ ପକ୍ଷରୁ ଚଢାଉ କରାଯାଇ ୫୭ ଲିଟର ବେଆଇନ ଦେଶୀ ମଦ ଜବତ କରାଯିବା ସହିତ ଜଣେ ମହିଳା ଙ୍କ ସହ ୨ ଜଣ ପୁରୁଷ ଙ୍କୁ ଗିରଫ କରାଯାଇଛି। ପାର୍ବଣ କୁ ନିଶାମୁକ୍ତ କରିବାକୁ ଅବକାରୀ କମିଶନର ନରସିଂହ ଭୋଳ, ଓ ଜିଲ୍ଲା ଅବକାରୀ ଅଧିକ୍ଷକ ପ୍ରଦୀପ କୁମାର ପାଣିଗ୍ରାହୀ ନିର୍ଦ୍ଦେଶ ଦେଇଛନ୍ତି ।

ଏଥି ପାଇଁ ଭୁବନ ଅବକାରୀ ବିଭାଗ ପକ୍ଷରୁ ରୀତିମତ ଚଢ଼ାଉ ଚାଲିଛି । ମୋଚି ସାହିର ମିନତୀ ସାହୁ ଙ୍କ ନିକଟରୁ ୨୦ ଲିଟର, ଚୁଗୁଲୀ ସାହୁ ଙ୍କ ନିକଟରୁ ୧୮ ଲିଟର ଏବଂ ନିରୋଦ ସାହୁ ଙ୍କ ନିକଟରୁ ୧୯ ଲିଟର ଦେଶୀ ମଦ ଜବତ କରାଯାଇ ସେମାନଙ୍କୁ ଗିରଫ କରାଯାଇଛି । ଅବକାରୀ ଏସ ଆଇ ସୌରଭ ମିଶ୍ର, ଏ ଏସ ଆଇ ବିଶ୍ଵ ରଞ୍ଜନ ନାଥ ଙ୍କ ନେତୃତ୍ୱ ରେ କନଷ୍ଟେବଳ ଗୋଲାପ ସାହୁ ,ପ୍ରେମାନନ୍ଦ ବେହେରା, ପ୍ରଫୁଲ୍ଲ କୁମାର ସାମଲ ପ୍ରମୁଖ ଏହି ଚଢାଉ ରେ ସାମିଲ ଥିଲେ ।