ଓଡିଶା ତାଜା ନ୍ୟୁଜ୍ (୧୧ ଜୁଲାଇ ୨୦୨୦ ଶନିବାର) କଟକ, ମାହାଙ୍ଗା :- କଟକ ଜିଲ୍ଲା ମାହାଙ୍ଗା ବ୍ଲକ ଗୌଡପଡା ଡାକ ବଙ୍ଗଳା କୁ ଲାଗିଥିବା ସର୍ବୋଦୟ ସେବା ସମିତି ଖଦି ମିଲ ର ବିରଜା ଭବନ ଏକ ମହଲା କୋଠାରୁ ଜଣେ ଯୁବକ ଙ୍କ ଝୁଲନ୍ତା ମୃତ ଦେହ ପୋଲିସ ଉଦ୍ଧାରକରି ତଦନ୍ତ ଚଳାଇଛି । ପରିପାର୍ଶ୍ଵିକ ଅବସ୍ଥାରୁ ତାଙ୍କୁ ମାରି ଟାଙ୍ଗି ଦିଆଯାଇଥିବା ଚର୍ଚ୍ଚା ହେଉଛି ।
ମୃତ ବ୍ୟକ୍ତି ଜଣକ ସାଲେପୁର ବ୍ଲକ ଶିଶୁଆ ରାଘବ ପୁର ର କେଶବ ସାହୁ 48 ବୋଲି ଜଣାପଡିଛି । ସେ ତାଙ୍କ ସ୍ତ୍ରୀ ଓ ଦୁଇ ପୁଅ ଝିଅ ସହ ଏହି ସେବା ସମିତି ଗୃହରେ ଦୀର୍ଘ ଦିନ ହେଲା ରହିଆସୁଥିଲେ । ଗତ ଦୁଇଦିନ ହେଲା ସ୍ୱାମୀ ସ୍ତ୍ରୀ ଙ୍କ ମଧ୍ୟରେ କଳି ଝଗଡା ହେବା ସହ ମାମଲା ଯାଇ ଥାନାରେ ପହଞ୍ଚିଥିଲା । ଗତକାଲି ସନ୍ଧ୍ୟାରେ ଘଟଣାର ଆପୋଷ ସମାଧାନ କରାଯିବା ସହ ସ୍ୱାମୀ ସ୍ତ୍ରୀ ଅଲଗା ଅଲଗା ରହିବା ପାଇଁ ନିଷ୍ପତି ହୋଇଥିଲା । ରାତିରେ ଉଭୟ ଥାନାରୁ ଆସି ସେଇଠାରେ ରହିଥିଲେ ।
ଆଜି ସକାଳୁ କେଶବଙ୍କ ମୃତ ଦେହ ଏକ ତାର ସାହାଯ୍ୟରେ ଝୁଲୁଥିବା ଅବସ୍ଥାରେ ପାଇ ପୋଲିସ କୁ ଖବର ଦେଇଥିଲେ, ମୃତ କେଶବଙ୍କ ଗୋଡ଼ ତଳେ ଲାଗିଥିବାବେଳେ ଆଣ୍ଠୁ ଏକ ଟୁଲ ଉପରେ ଲାଗିଥିବାରୁ ମୃତ୍ୟକୁ ନେଇ ଏହା ଏକ ହତ୍ୟାକାଣ୍ଡ ବୋଲି ସାଧାରଣରେ ଶୁଣିବାକୁ ମିଳିଛି । ଅପାର ପକ୍ଷରେ ଏହା ଏକ ଆତ୍ମହତ୍ୟା ଘଟଣା ବୋଲି ମୃତ କେଶବଙ୍କ ସ୍ତ୍ରୀ କହିଛନ୍ତି । ( ରିପୋର୍ଟ – ଲଷ୍ମୀଧର ଖୁଣ୍ଟିଆ )
