ଓଡିଶା ତାଜା ନ୍ୟୁଜ୍ (୧୦ ଜୁଲାଇ ଶୁକ୍ରବାର) ଭୋଗରାଈ :- ପୁଣି ଶବକୁ ଅସମ୍ମାନ, ମିଳିଲାନି କାନ୍ଧ। ତେବେ ଶବକୁ କୌଣସି ବାହାର ଲୋକ ଅସମ୍ମାନ କରି ନାହାନ୍ତି, ନିଜ ବାପ ଘର ଲୋକେ କରିଛନ୍ତି ଅସମ୍ମାନ । ଏଭଲି ଅଭାବନିୟ ଘଟଣା ଦେଖୁବାକୁ ମିଳିଛି, ବାଲେଶ୍ୱର ଜିଲ୍ଲା, କମରଦା ଥାନା ଅଞ୍ଚଳରେ। ସୂଚନା ଅନୁଯାୟୀ ମଘ୍ସାତ ତାରିଖ ମଙ୍ଗଳାବାର ମଧ୍ୟାହ୍ନ ପ୍ରାୟ ଗୋଟାଏ ସମୟରେ ଜଳେଶ୍ବରପୁର ସିଏଚସିରେ କମର୍ଦ୍ଦା ଥାନା ଅନ୍ତର୍ଗତ ଚକେଇସ୍ବର୍ରୀ ଗ୍ରାମର ବିଶ୍ବଜିତ ପ୍ରଧାନଙ୍କ ସ୍ତ୍ରୀ ସୁମତୀ (୨୮)ଙ୍କ ମୃତ୍ୟୁ ହୋଇଥିଲା। ଏନେଇ ମୃତ ସୁମତୀଙ୍କ ବାପଘର ଲୋକେ ଖବର ପାଇ ଡାକ୍ତରଖାନାରେ ପହଞ୍ଚିବା ସହ, ତାଙ୍କ ଝିଅକୁ ଶ୍ବଶୁରଘର ଲୋକେ ତଣ୍ଟି ଚିପି ହତ୍ୟା କରିଥିବା ନେଇ କମରଦା ଥାନାରେ ଲିଖିତ ଅଭିଯୋଗ କରିଥିଲେ । ଏନେଇ କମର୍ଦ୍ଦା ପୋଲିସ ୬୫/୨୦ ରେ ହତ୍ୟା ମାମଲା ରୁଜୁ କରି ସ୍ବାମୀ ବିଶ୍ବଜିତ (୩୨) ଓ ଶ୍ବଶୁର ପ୍ରବୀର (୫୬)କୁ ପୁଲିସ ଗିରଫ କରିଥିଲା। ବାପା ଘର ଲୋକଙ୍କ ସହିତ ବନ୍ଧୁ ବାନ୍ଧବ,ଗ୍ରାମବାସୀ ଡାକ୍ତରଖାନାରେ ପହଞ୍ଚି ହଟ୍ଟଗୋଳ କରିବା ସହ ଶବ ବ୍ୟବଚ୍ଛେଦରେ ନିରପେକ୍ଷତା ପାଇଁ ଜଳେଶ୍ୱରପୁର ମେଡିକାଲ ରେ ଶବ ବ୍ୟବଛେଦ ନକରି ବାଲେଶ୍ବର ଜିଲ୍ଲା ମୁଖ୍ୟ ଚିକିତ୍ସାଳୟରେ ଶବ ବ୍ୟବଚ୍ଛେଦ କରାଇବାକୁ ଅଡ଼ି ଧରି ବସିଥିଲେ ।
ଜଳେଶ୍ବର ଏସଡିପିଓ ଅଙ୍କିତା କୁମ୍ଭାର,କମର୍ଦ୍ଦା ଆଇଆଇସି ପାସ୍କେଲ ଏକ୍କା,ଅତିରିକ୍ତ ତହସିଲଦାର ସନ୍ତୋଷ ପାଣିଗ୍ରାହୀ ଘଟଣାସ୍ଥଳରେ ପହଞ୍ଚି ବହୁ ବୁଝାସୁଝା କରି ଥିଲେ ବି ବିଫଳହୋଇଥିଲେ। ବାଧ୍ୟ ହୋଇ ମୃତ୍ୟୁର ୩୦ ଘଣ୍ଟା ପରେ ବୁଧବାର ସନ୍ଧ୍ୟାରେ ଶବ ବ୍ୟବଚ୍ଛେଦ ପାଇଁ ମୃତ ଶରୀରକୁ ବାଲେଶ୍ବର ସ୍ଥାନାନ୍ତର କରିଥିଲେ । ମୃତ ମହିଳାଙ୍କ ସ୍ବାମୀ ଓ ଶ୍ବଶୁର ଥାନାରେ ଥିବା ବେଳେ ପରିବାରର ଅନ୍ୟମାନେ ଫେରାର ହୋଇଯାଇଥିଲେ । ବାପଘର ଲୋକେ ମୃତ ମହିଳାର ଅନ୍ତିମ ସଂସ୍କାର ପର୍ୟ୍ୟନ୍ତ ସମସ୍ତ ଦାୟିତ୍ବ ବହନ କରିବେ କହି ଶବ ବ୍ୟବଚ୍ଛେଦ ପାଇଁ ବାଲେଶ୍ବର ନେଇଥିଲେ । ଗୁରୁବାର ମଧ୍ୟାହ୍ନରେ ଶବ ବ୍ୟବଚ୍ଛେଦ ହେବା ପରେ ଶବ କୁ ମୃତ ସୁମତୀଙ୍କ ଭାଇ ବିଜୟ ରଣଜିତ (୨୬) ଏବଂ କାକା ଗୌତମ ରଣଜିତ(୩୨) ମୃତ ଶରୀରକୁ ରିସିଭ କରି ଆମ୍ବୁଲାନସରେ ଗାଁ କୁ ଆଣିଥିଲେ । ମାତ୍ର କମର୍ଦ୍ଦା ଥାନା ସମ୍ମୁଖ ରାସ୍ତାରେ ପ୍ରାୟ ୩ ଟା ସମୟରେ ଆମ୍ବୁଲାନସ ଛିଡା କରାଇବାକୁ କହି ମୃତ ସୁମତୀର ଭାଇ ଓ କାକା ଗାଡିରୁ ଓହ୍ଲାଇ ପଡିବା ସହ ଶବ ଛାଡି ପଳାଇବାକୁ ଉଦ୍ୟମ କରୁଥିବା ବେଳେ, ଆମ୍ବୁଲାନସ ଡ୍ରାଇଭର କୃଷ୍ଣପ୍ରସାଦ ଗିରି , ଉଭୟଙ୍କୁ ଧରି ଥାନାରେ ଜେମା ଦେବା ସହିତ, ଲିଖିତ ଅଭିଯୋଗ କରିଥିଲେ।କମରଦା ପୋଲିସ ଅଭିଯୋଗ କ୍ରମେ ସୁମତିର ଭାଇ ଓ କକା କୁ ଅଟକ ରଖିଛି।
ସୁମତିର ମୃତକୁ ୬୦ ଘଣ୍ଟା ବିତିଯାଇଥିଲେବି ବାପ ଘର ଲୋକେ, କି ଆତ୍ମୀୟ ସୋଜନ କେହି ବିଶବକୁ କାନ୍ଧ ଦେଇନଥଲେ। ଥାନା ଆଗରେ ଦୀର୍ଘ ସମୟ ଆମ୍ବୁଲାନସ ଭିତରେ ଶବ ପଡି ରହିଥିଲା। ଶେଷରେ କମରଦା ପୋଲିସ ଶବ ସତ୍କାର କରିଥିଲା।ତେବେ ବାପଘରର ଏଭଳି ହୀନ ଚକ୍ରାନ୍ତ ଓ ମନ୍ଦ ଉଦେଶ୍ୟର କାରଣ ସ୍ପଷ୍ଟ ଜଣା ପଡ଼ି ନଥିବା ବେଳେ , ଏଭଳି ଘଟଣାକୁ ସାଧାରଣରେ ନିନ୍ଦା କରାଯାଇଥିବା ବେଳେ,କମରଦା ପୋଲିସକୁ କୃତଜ୍ଞତା ଜଣାଇଛନ୍ତି। (ଦୀପ୍ତିମାନ୍ ପତି /ବାଲେଶ୍ୱର)
