୧୮ ଅକ୍ଟୋବର ୨୦୨୩ (ଓଡ଼ିଶା ତାଜା ନ୍ୟୁଜ ) କଟକ :-> ମାତ୍ର ଦେଢ଼ ବର୍ଷ ନପୁରୁଣୁ ସ୍ତ୍ରୀ ଙ୍କୁ ମାରି ଡିଜେଲ ଢାଳି ପୋଡ଼ି ଜାଳି ଦେଲା ନୃଶଂସ ସ୍ବାମୀ । ଏଭଳି ହୃଦୟ ବିଦାରକ ଓ ଲୋମ ଟାଙ୍କୁରା ଘଟଣା ଦେଖିବାକୁ ମିଳିଛି କଟକ ଜିଲ୍ଲା ମାହାଙ୍ଗା ବ୍ଲକର ଭଦ୍ରେଶ୍ୱର ଥାନା ଅଂଚଳରେ l ନିଶାସକ୍ତ ସ୍ୱାମୀ ସାଜିଲା ହତ୍ୟାକାରୀ । ଅଗ୍ନିକୁ ସାକ୍ଷୀରଖି ଯାହାକୁ ସାତ ଜନ୍ମପାଇଁ ନିଜର କରିବାକୁ କଥା ଦେଇଥିଲା, ସେହି ନୀରିହା ଝିଅଟିକୁ ବିବାହର ମାତ୍ର ଦେଢ଼ ବର୍ଷ ନପୂରୁଣୁ ହତ୍ୟା କରିଛି ରକ୍ତମୁଖା ସ୍ୱାମୀ l
ଏଭଳି ଅଭାବନୀୟ ଓ ଲୋମ ଟାଙ୍କୁରା ଘଟଣା ଘଟିଛି କଟକ ଜିଲ୍ଲା ମାହାଙ୍ଗା ନିର୍ବାଚନ ମଣ୍ଡଳୀ ଅନ୍ତର୍ଗତ ଭଦ୍ରେଶ୍ବର ଥାନା କୁରୁଜଙ୍ଗା ପଂଚାୟତର ଢିଅମାଳ ଗ୍ରାମରେ । ଏହି ଗାଁ’ର ତ୍ରିଲୋଚନ ଦାସଙ୍କ ଏକମାତ୍ର ପୁଅ ଦେବୀପ୍ରସାଦ ଦାସ ଓରଫ୍ ଦିପୁ ମଞ୍ଚେଶ୍ବର ଥାନା କଳାରାହଙ୍ଗ ଗାଁ’ର ପୂର୍ଣ୍ଣଚନ୍ଦ୍ର ବେହେରା ଙ୍କ ଏକମାତ୍ର ଝିଅ ସୋନାଲି ବେହେରା ଓରଫ ମିକିଙ୍କୁ ଗତ ୨୦୨୨ ମସିହା ମେ ମାସ ୧୩ ତାରିଖରେ ବୈଦିକ ରୀତିରେ ବିବାହ କରିଥିଲା । ବିବାହର ମାତ୍ର ୪ /୫ ମାସ ପର୍ଯ୍ୟନ୍ତ ଦୁହିଁଙ୍କ ଦାମ୍ପତ୍ୟ ଜୀବନ ସୁଖମୟ ଥିଲା।
ହେଲେ ହଠାତ ବଦଳି ଗଲା ସ୍ୱାମୀର ଆଚରଣ l ସ୍ତ୍ରୀ ମିକି ଉପରେ ଆରମ୍ଭ ହେଲା ଶାରୀରିକ ଓ ମାନସିକ ଅତ୍ୟାଚାର। ଅତ୍ୟାଚାର କରୁଥିଲା ସ୍ବାମୀ ଦିପୁ। ଦୀପୁକୁ ସମର୍ଥନ ଦେଉଥିଲେ ପରିବାର ଲୋକେ l ଦିପୁ ଚାକିରିରୁ ଶନିବାର କିମ୍ବା ରବିବାର ଘରକୁ ଆସିଲେ ସ୍ତ୍ରୀ ମିକି ଉପରେ ଆରମ୍ଭ ହୋଇଯାଏ ଜୁଲମ l ମଦ୍ୟପ ସାଙ୍ଗ ମାନଙ୍କ ସହିତ ଅସାମାଜିକ କାର୍ଯ୍ୟରେ ଲିପ୍ତ ଦୀପୁ ନିଶାଶକ୍ତ ଅବସ୍ଥାରେ ସ୍ତ୍ରୀକୁ ଗୋରୁଗାଈ ଭଳି ମାଡ଼ ମାରନ୍ତି ବୋଲି ଥାନା ରେ ଅଭିଯୋଗ କରିଛନ୍ତି ମୃତ ସୋନାଲିର ବାପା ପୂର୍ଣ୍ଣଚନ୍ଦ୍ର ।
ଏହି କିଛି ଦିନ ପୂର୍ବରୁ ସ୍ତ୍ରୀ ସୋନାଲି ଏବଂ ସ୍ବାମୀ ଦେବୀପ୍ରସାଦ ଙ୍କ ମଧ୍ୟରେ ପାରିବାରିକ ଅଶାନ୍ତି କାରଣରୁ ମତାନ୍ତର ହୋଇଥିଲା ବେଳେ, ସୋନାଲି ନିରୁପାୟ ହୋଇ ଶାଶୁଘର ଛାଡି ପଳାଇ ଯାଇଥିଲା l ଏ ନେଇ ଥାନାରେ ମଧ୍ୟ ଅଭିଯୋଗ ହୋଇଥିଲା । ଭଦ୍ରେଶ୍ବର ଥାନା ପୋଲିସ ର ହସ୍ତକ୍ଷେପ ଫଳରେ ଉଭୟ ପରିବାର ମଧ୍ୟରେ ଏକ ଆପୋଷ ସମାଧାନ ପରେ,ନିଜ ଶାଶୁଘର ଢିଅମାଳକୁ ଫେରିଥିଲେ ସୋନାଲି। ତେବେ ନୃଶଂସ ସ୍ୱାମୀ ଭିତରେ କୌଣସି ପରିବର୍ତ୍ତନ ଆସିନଥିଲା l ପୁଣି ଆରମ୍ଭ ହେଲା ମାନସିକ ଓ ଶାରୀରିକ ନିର୍ଯାତନା l ମାଡ ଗାଳି ସାଙ୍ଗକୁ ଜୀବନରୁ ମାରିଦେବାକୁ ଷଢଯନ୍ତ୍ର l
ଜଲ୍ହାଦ ସ୍ୱାମୀ ସାଜିଲା ସ୍ତ୍ରୀ ର ହତ୍ୟାକାରୀ l ଡିଜେଲ ଢାଳି ପୋଡି ଦେଲା ସୋନାଲିକୁ l ହୁତ ହୁତ ହୋଇ ଜଳିଗଲା ଗୋଟେ ନବ ବଧୂ l ସବୁଦିନ ପାଇଁ ଆଖି ବୁଜିଦେଲା ବିଚାରୀ ନୀରିହା ଝିଅଟିଏ l ଅନ୍ୟ ପକ୍ଷରେ ସୋନାଲିର ଶାଶୁ ଏହି ଘଟଣାକୁ ଆତ୍ମହତ୍ୟା ବୋଲି କହୁଥିଲା ବେଳେ ତାଙ୍କ ଘରର ପୁରୁଷ ଲୋକମାନେ କାହିଁକି ଫେରାର ଅଛନ୍ତି ସେ ନେଇ ମୁହଁ ଖୋଲୁ ନାହାନ୍ତି l
ଅଭିଯୋଗ ଆଧାରରେ ମୃତ ମହିଳାଙ୍କ ଶବ ବ୍ୟବଛେଦ ପାଇଁ ପଠାଇବା ସହ ଘଟଣାର ତଦନ୍ତ ଆରମ୍ଭ କରିଛି ସ୍ଥାନୀୟ ଭଦ୍ରେଶ୍ୱର ଥାନା ପୋଲିସ l ଅପରାଧୀଙ୍କ ବିରୁଦ୍ଧରେ କଠୋର କାର୍ଯ୍ୟାନୁଷ୍ଠାନ ପାଇଁ ମୃତକର ପରିବାର ପକ୍ଷରୁ ଦାବୀ ହୋଇଛି l
