୧୩ ଅକ୍ଟୋବର ୨୦୨୩ (ଓଡ଼ିଶା ତାଜା ନ୍ୟୁଜ ) ଦଶପଲ୍ଲା :-> ଦଶପଲ୍ଲା ବ୍ଲକ କାର୍ଯ୍ୟଳୟ ପରିସରରେ “ଆମ ଓଡ଼ିଶା ,ନବୀନ ଓଡ଼ିଶା “କାର୍ଯ୍ୟକ୍ରମ ମାନ୍ୟବର ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ କରକମଳରେ ନୟାଗଡ଼ ଜିଲ୍ଲା ପାଇଁ “ଆମ ଓଡ଼ିଶା,ନବୀନ ଓଡ଼ିଶା ” କାର୍ଯ୍ୟକ୍ରମ ଉଦ୍ଘାଟନ ହୋଇଯାଇଛି । “ଆମ ଓଡ଼ିଶା ନବୀନ ଓଡ଼ିଶା ” ଯୋଜନାରେ ନୟାଗଡ଼ ଜିଲ୍ଲାର ୪ ଗୋଟି ନିର୍ବାଚନ ମଣ୍ଡଳୀ କୁ ସାମିଲ କରାଯାଇଥିବା ବେଳେ ଏହି ଯୋଜନାରେ ଦଶପଲ୍ଲା ନିର୍ବାଚନ ମଣ୍ଡଳୀ ମଧ୍ୟ ସାମିଲ ହୋଇଥିବା ଜଣାପଡ଼ିଛି । ଅନ୍ୟପକ୍ଷରେ ଦଶପଲ୍ଲା ନିର୍ବାଚନ ମଣ୍ଡଳୀର ୫୦ ଗୋଟି ପଞ୍ଚାୟତ କୁ ୫୦ ଲକ୍ଷ ଲେଖାଏଁ ଅନୁଦାନ ରାଶି ଦେବା ସହ ସମୁଦାୟ ୨୫ କୋଟି ଅର୍ଥ ରାଶିରେ ୮୦୪ ଗୋଟି ପ୍ରକଳ୍ପ କୁ ଅନୁମୋଦନ ଦେଇଥିବା ଜଣାପଡ଼ିଛି ।
ଏହି କାର୍ଯ୍ୟକ୍ରମ ରେ ମୁଖ୍ୟ ଅତିଥି ଭାବରେ ଦଶପଲ୍ଲା ବିଧାୟକ ତଥା ନୟାଗଡ଼ ଜିଲ୍ଲା ବିଜେଡ଼ି ସଭାପତି ଶ୍ରୀ ରମେଶ ଚନ୍ଦ୍ର ବେହେରା ଯୋଗ ଦେଇଥିବାବେଳେ ଅନ୍ୟ ମାନଙ୍କ ମଧ୍ୟରେ ଦଶପଲ୍ଲା ବ୍ଲକ ବିଜେଡ଼ି ସଭାପତି ସୁଦାମ ଚରଣ ନାୟକ,ବ୍ଲକ ଅଧ୍ୟକ୍ଷା ସୁନନ୍ଦା ସାହୁ ,ପୂର୍ବତନ ବ୍ଲକ ଅଧ୍ୟକ୍ଷ ଉପେନ୍ଦ୍ର କୁମାର ସାହୁ, ବିଡ଼ିଓ ସଞ୍ଜୟ କୁମାର୍ ଆଚାର୍ଯ୍ୟ ,ତହସିଲ୍ ଦାର ଶ୍ରୀକୁମାର ରଥ,ଜିଲ୍ଲା ପରିଷଦ ସଭ୍ୟ ବସନ୍ତ କୁମାର୍ ପ୍ରଧାନ ,ହରିଶ୍ଚନ୍ଦ୍ର ଜାନୀ,ସତ୍ୟଭାମା ନାୟକ ଙ୍କ ସମେତ ଦଶପଲ୍ଲା ବ୍ଲକ ର ସମସ୍ତ ପଂଚାୟତ ର ଜନ ପ୍ରତିନିଧି ଏବଂ ଦଶପଲ୍ଲା ବ୍ଲକ ରୁ ପ୍ରାୟ ୩୦୦୦ ରୁ ଊର୍ଦ୍ଧ୍ବ ଜନସାଧାରଣ ଏହି କାର୍ଯ୍ୟକ୍ରମରେ ସାମିଲ ହୋଇଥିବା ଜଣାପଡ଼ିଛି ।
ଏହି କାର୍ଯ୍ୟକ୍ରମରେ ଆଭାସି ମାଧ୍ୟମରେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଉକ୍ତ କାର୍ଯ୍ୟକ୍ରମ କୁ ଉଦ୍ଘାଟନ କରିଥିବାବେଳେ ଅନ୍ୟପକ୍ଷରେ ଦଶପଲ୍ଲା ର କିପରି ଅଧିକ ରୁ ଅଧିକ ବିକାଶ ହୋଇପାରିବ ସେହି ସମ୍ପର୍କରେ ଦଶପଲ୍ଲା ବିଧାୟକ ଜନସାଧାରଣ ଏବଂ ଲୋକ ପ୍ରତିନିଧି ଙ୍କ ସହ ପୁଙ୍ଖାନୁପୁଙ୍ଖ ଭାବରେ ଆଲୋଚନା କରିଥିଲେ ।ଏବଂ ଉକ୍ତ କାର୍ଯ୍ୟକ୍ରମ ର ପରିଶେଷରେ ଦଶପଲ୍ଲା ଅଞ୍ଚଳର ସମସ୍ତ ଜନସାଧାରଣ ମାନ୍ୟବର ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଓ ଦଶପଲ୍ଲା ବିଧାୟକ ଙ୍କୁ ଭୂୟସୀ ପ୍ରଶଂସା କରିଥିବା ମଧ୍ୟ ଜଣାପଡ଼ିଛି ।
