କଟକ ସଦର ଥାନା ଅଞ୍ଚଳରେ ଗଣେଶ ପୂଜା ଦେଖିବା ପାଇଁ ସନ୍ଧ୍ୟାରେ ଶ୍ରଦ୍ଧାଳୁଙ୍କ ଭିଡ଼ ଜମୁଛି

୨୨ ସେପ୍ଟେମ୍ବର ୨୦୨୩ (ଓଡ଼ିଶା ତାଜା ନ୍ୟୁଜ ) କଟକ  :-> କଟକ ସଦର ଥାନା ଅନ୍ତର୍ଗତ ବିଭିନ୍ନ ସ୍ଥାନରେ ହୋଇଥିବା ଗଣେଶ ମେଢ଼ ଦେଖିବା ପାଇଁ ପ୍ରତ୍ୟେହ ସନ୍ଧ୍ୟାରେ ଶ୍ରଦ୍ଧାଳୁଙ୍କ ଭିଡ଼ ଜମୁଥିବା ଦେଖିବାକୁ ମିଳୁଛି । ଗତ ୧୯ ତାରିଖ ମଙ୍ଗଳବାର ଠାରୁ ବିଭିନ୍ନ ପୂଜା ମଣ୍ଡପରେ ଆରମ୍ଭ ହୋଇଥିବା ଗଣେଶ ପୂଜା ଶନିବାର ପର୍ଯ୍ୟନ୍ତ ଚାଲିବ । ୨୪ ତାରିଖ ରବିବାର ଦିନ ପ୍ରଥମ ପର୍ଯ୍ୟାୟ ଭଷାଣୀ ଉତ୍ସବ ଅନୁଷ୍ଠିତ ହେବ ।

ରଙ୍ଗ ବେରଙ୍ଗର ଆଲୋକ ସାଜସଜ୍ଜା ସାଙ୍ଗକୁ , ମେଲୋଡି କାର୍ଯ୍ୟକ୍ରମ ପୂଜା ମାହାଲୋକୁ ଉତ୍ସବ ମୁଖର କରିପାରିଛି । ନୂଆକାଚରାମାଳ , ପୁରୁଣା କାଚରାମାଳ, ଫୁଲନଖରାର ଓମଫେଡ କଲୋନୀ, ବମ୍ଫକୁଦ, ମୁଗଭଙ୍ଗା, ବାଗଧରାପୁର, ଶାସୋଳ, ନୂଆଗଡ଼, ପ୍ରତାପନଗରୀ, ଭାଣପୁର, ଡାହାଳିଆବାଗ, ପାଇକସାହି, ବାଲିକୁଦା, ଗୋପାଳପୁର, ସୁଭଦ୍ରାପୁର , କାଜିପାଟଣା ,

ଖଣ୍ଡେଏତା, ଖଲର୍ଦ୍ଦା ଆଦି ବିଭିନ୍ନ ସ୍ଥାନରେ ହୋଇଥିବା ଗଣେଶ ମଣ୍ଡପରେ ଗଜାନନଙ୍କୁ ଦେଖିବା ଲାଗି ସନ୍ଧ୍ୟାରୁ ରାତି ଦଶଟା ପର୍ଯ୍ୟନ୍ତ ଭିଡ଼ ଲାଗି ରହୁଛି । ଶାନ୍ତି ଶୃଙ୍ଖଳା ରକ୍ଷା ପାଇଁ ପୂଜା ମଣ୍ଡପରେ କଟକ ସଦର ଥାନା ପକ୍ଷରୁ ପୋଲିସ ଫୋର୍ସ ମୁତୟନ କରାଯାଇଛି । ରବିବାର ଭଷାଣୀ ଉତ୍ସବ ଅନୁଷ୍ଠିତ ହେବ । ଭଷାଣୀ ଦେଖିବା ପାଇଁ ଶ୍ରଦ୍ଧାଳୁଙ୍କ ଭିଡ଼ ଜମିବ ।