ଶିକ୍ଷକଙ୍କ ସହ ଅଭିଭାବକମାନେ ମଧ୍ୟ ବିଦ୍ୟାଳୟ ପରିଚାଳନା ଦାୟିତ୍ଵ ବୁଝିବା ଜରୁରୀ

ତାଳଗଡ଼ିଆ ଆଶ୍ରମ ବିଦ୍ୟାଳୟରେ ଅଭିଭାବକ ଅଂଶିଦାର କାର୍ଯ୍ୟକ୍ରମ  

୧୬ସେପ୍ଟେମ୍ବର ୨୦୨୩ (ଓଡ଼ିଶା ତାଜା ନ୍ୟୁଜ ) କୋରାଇ  :-> ଶିକ୍ଷାଧ୍ୟୟନ ଲାଗି ବିଦ୍ୟାଳୟରେ ପିଲାଙ୍କୁ ଖାଲି ଛାଡିଦେଲେ ହେବନି । ଶାରୀରିକ, ମାନସିକ, ବୌଦ୍ଧିକ ତଥା ପରିଚାଳନ ସମ୍ବନ୍ଧୀୟ ସମସ୍ତ ଦାୟିତ୍ଵ ଶିକ୍ଷକଙ୍କ ସହ ଅଭିଭାବମାନେ ମଧ୍ୟ ନେବା ଜରୁରୀ ବୋଲି କୋରାଇ ବ୍ଲକର କାଚରାସାହି ପଂଚାୟତ ସ୍ନିତ ତାଳଗଡିଆ ଆଶ୍ରମ ବିଦ୍ୟାଳୟରେ ଅନୁଷ୍ଠିତ ଅଭିଭାବକ ଅଂଶିଦାର(ପାପ) କାର୍ଯ୍ୟକ୍ରମରେ ଅତିଥିମାନେ ମତବ୍ୟକ୍ତ କରିଥିଲେ । ଶନିବାର ପୂର୍ବାହ୍ନରେ କାର୍ଯ୍ୟକ୍ରମର ପ୍ରଥମ ଅଧୂବେଶନକୁ ସ୍ଥାନୀୟ ସରପଂଚ ଗୌରିଶଙ୍କର ମହାପାତ୍ର ମୁଖ୍ୟଅତିଥିଭାବେ ଯୋଗଦେଇ ଆନୁଷ୍ଠାନିକଭାବେ ଉଦ୍‌ଘାଟନ କରିଥିଲେ । ବିଦ୍ୟାଳୟର ପ୍ରଧାନଶିକ୍ଷକ ସଞ୍ଜୟ କୁମାର ମଲ୍ଲିକଙ୍କ ସଭାପତିତ୍ବ ଅନୁଷ୍ଠିତ ସଭାକୁ ଫୁଲଝର ଅଶ୍ରମ ବିଦ୍ୟାଳୟର ପ୍ରଧାନଶିକ୍ଷକ ରବୀନ୍ଦ୍ର କୁମାର ସାମଲ ସଂଚାଳନା କରିଥିଲେ ।

ସମ୍ମାନିତ ଅତିଥିଭାବେ କୋରାଇ ବ୍ଲକ ଭାରପ୍ରାପ୍ତ ଡବ୍ଲ୍ୟୁଇଓ ପ୍ରଶାନ୍ତକୁମାର ନାୟକ, ବିଏସଏଓ ସବ୍ୟା ସଚ୍ଚି ମହାପାତ୍ର ଓ ଓ୍ବାର୍ଡସଭ୍ୟ ଅମୂଲ୍ୟ କୁମାର ମଲ୍ଲିକ ପ୍ରମୁଖ ଯୋଗ ଦେଇଥିଲେ । ମୁଖ୍ୟବକ୍ତା ଭାବେ ଇନ୍ଦିରା ଗାନ୍ଧୀ ମହିଳା ଡିଗ୍ରୀ ମହାବିଦ୍ୟାଳୟର ଓଡ଼ିଆ ଅଧ୍ୟାପକ ମଳୟ କୁମାର ମଲ୍ଲିକ ଯୋଗଦେଇ ଶିକ୍ଷା, ଶିକ୍ଷକ ଓ ଶିକ୍ଷାୟତକ ସଂପର୍କରେ ଆଲୋଚନା ପୂର୍ବକ ପରିଚାଳନାରେ ଅଭିଭାବକଙ୍କ ଅଂଶିଦାର ଜରୁରୀ ବୋଲି କହିଥିଲେ । ସହକାରୀ ଶିକ୍ଷକ ସଚ୍ଚିତାନନ୍ଦ ଦାସ ବିଦ୍ୟାଳୟର ଆନୁସଙ୍ଗିକ ସ୍ଥିତବସ୍ଥା ସହ ଏହି ସରକାରୀ ଆଶ୍ରମ ବିଦ୍ୟାଳୟଟି କୋରାଇ ନିର୍ବାଚନ ମଣ୍ଡଳୀରେ ଏକମାତ୍ର ଅନୁସୂଚିତ ଜାତି ଓ ଜନଜାତି ବର୍ଗର ଛାତ୍ରଛାତ୍ରୀଙ୍କ ଲଗି ମାଗଣ ଅନ୍ତେବାସୀ ଶିକ୍ଷା ପାଇଁ ଉଦ୍ଦିଷ୍ଟ ହୋଇଥିଲା

ବେଳେ ଏଠାରେ ଯାଜପୁର ଜିଲା ସମତେ କେନ୍ଦୁଝର, ଭଦ୍ରକ, ମୟୁରଭଞ୍ଜ ଆଦି ପାଖପାଖ ଜିଲାରୁ ପିଲା ଆସି ଶିକ୍ଷା ଅଧ୍ୟନୟ କରୁଥିବା ବିବରଣୀ ପ୍ରଦାନ କରିଥିଲେ । ଏହି ଅବସରରେ ଉପସ୍ଥିତ ଅଭିଭାବକମାନେ ବିଭିନ୍ନ ମତାମତ ଉପସ୍ଥାପନା କରିଥିଲେ । ମୁଖ୍ୟଅତିଥ୍ ସରପଂଚ ଶ୍ରୀ ମହାପାତ୍ର ଖେଳପଡିଆ, ଶ୍ରେଣୀଗୃହ ଆଦି ସମସ୍ୟା ସମାଧନ ହେବା ସହ ଖୁବଶିଘ୍ର ୫-ଟି ଯୋଜନାରେ ବିଦ୍ୟାଳୟ ସାମିଲ ହେବା ନେଇ କହିଥିଲେ । ବରିଷ୍ଠ ଶିକ୍ଷୟିତ୍ରୀ ପ୍ରମିଳା ସାହୁ ଧନ୍ୟବାଦ ଅର୍ପଣ କରିଥିଲେ ।

ଦ୍ଵିତୀୟ ଅଧ୍ୟବେଶସନ ପ୍ରଧାନଶିକ୍ଷକଙ୍କ ଶ୍ରୀ ମଲ୍ଲିଙ୍କ ସଭାପତିତ୍ବରେ ମୁଖ୍ୟଅତିଥିଭାବେ କୋରାଇ ବ୍ଲକ ସିଡିପିଓ ସକୁନ୍ତଳା ନାୟକ ଯୋଗଦେଇଥିଲେ । ସମ୍ମାନିତ ଅତିଥିଭାବେ ପିଓ ସଂଯୁକ୍ତା ଘଡାଇ ଓ ଡିସି ସୁରେନ୍ଦ୍ର ବିଗଲ ପ୍ରମୁଖ ଯୋଗଦେଇଥିଲା ବେଳେ ଶିକ୍ଷକ ଧନେଶ୍ବର ମୁର୍ମୁ ଅନ୍ତେବାସୀ ପିଲାମାନଙ୍କ ନିମନ୍ତେ ସରକାରଙ୍କ ବିଭିନ୍ନ ସୁବିଧା ଓ ରହିଥିବା ଯୋଜନା ସଂପର୍କରେ ସୂଚନା ଦେଇଥିଲେ । ଅନ୍ୟତମ ଅତିଥିଭାବେ ବିଏସଏସଓ ଶ୍ରୀ ମହାପାତ୍ର, ୱାର୍ଡସଭ୍ୟ ଶ୍ରୀ ମଲ୍ଲିକ ଓ ଶିକ୍ଷୟତ୍ରି ତପସ୍ବିନୀ ମଲ୍ଲିକ ଯୋଗଦେଇ ‘ ଆମେ ଜାଣିବା ଆମେ ଜିଣିବା’ ସଂପର୍କରେ ବକ୍ତବ୍ୟ ରଖିଥିଲେ ।

ଏହି ଅବସରରେ ମା ଟ୍ରନ ସ୍ଵର୍ଷଲତା ବେହେରାଙ୍କ ତତ୍ବାବଧନାରେ ଛାତ୍ରଛାତ୍ରୀଙ୍କ ଦ୍ଵାର ସାଂସ୍କୃତିକ କାର୍ଯ୍ୟକ୍ରମ ଜନିତ ନାଚ, ଗୀତ ଆଦି ପ୍ରତିଯୋଗିତା ହୋଇଥିଲା ବେଳେ କୃତି ପ୍ରତିଯୋଗୀଙ୍କୁ ଅତିଥିଙ୍କ ଦ୍ବାରା ପୁରସ୍କୃତ କରାଯାଇଥିଲ । କାର୍ଯ୍ୟକ୍ରମକୁ ବିଦ୍ୟାଳୟର ସମସ୍ତ ଶିକ୍ଷକ/ଶିକ୍ଷୟିତ୍ରୀ ଓ କର୍ମଚାରୀ ପରିଚାଳନାରେ ସହଯୋଗ କରିଥିଲା ବେଳେ ସହକାରୀ ଶିକ୍ଷକ ସଚ୍ଚିତାନନ୍ଦ ଦାସ ଧନ୍ୟବାଦ ଅର୍ପଣ କରିଥଲେ ।