ଓଡିଶା ତାଜା (୦୨ ଜୁଲାଇ ଗୁରୁବାର ) ବାଲେଶ୍ୱର :- ଚତୁର୍ଥସ୍ତମ୍ଭ କୁହାଯିଉଥିବା ସାମ୍ବାଦିକ ବନ୍ଧୁମାନଙ୍କ ଜୀବନକୁ ନେଇ ପ୍ରଶ୍ନବାଚୀ ? ସାମ୍ବାଦିକ ଅଭିମନ୍ୟୁ ମହାରଣା ଙ୍କ ଉପରେ ଅସାମାଜିକ ଯୁବକଙ୍କ ଆକ୍ରମଣକୁ ବାଲେଶ୍ୱର ଜିଲ୍ଲାର ” ଜୀବନସାଥୀ ସଂଗଠନ “ର ଘୋର ନିନ୍ଦା କରାଯାଇଛି । ନୟାଗଡ଼ ଜିଲ୍ଲା ଅନ୍ତର୍ଗତରଣପୁର ଗ୍ରାମରେ ରହୁଥିବା ସାମ୍ୱାଦିକ ତଥା ଓଡ଼ିଶା ତାଜା ନିୟୁଜ୍ ପୋର୍ଟାଲ ସମ୍ପାଦକ ଅଭିମନ୍ୟୁ ମହାରଣା ଙ୍କ ଘରେ ପଶି ତାଙ୍କ ଉପରେ କେତକ ଅସାମାଜିକ ଯୁବକ ମରଣାତ୍ମକ ଆକ୍ରମଣ କରିଥିଲେ । ଯାହା ଦ୍ଵାରା ଶ୍ରୀ ମହାରଣା ଆହତ ହୋଇ ଥିଲେ । ମହାରଣାବାବୁଙ୍କର ଚିକ୍ତାର ଶୁଣି ତାଙ୍କର ପରିବାର ପହଞ୍ଚି ଯିବାରୁ ଅସାମାଜିକ ବ୍ୟକ୍ତିମାନେ ତାଙ୍କୁ ସେଠାରେ ଛାଡ଼ି ଘଟଣସ୍ଥଳରୁ ସେମାନେ କେଉଁ ଆଡେ଼ ଫେରାର ହୋଇ ଯାଇଥିଲେ ।
ଆକ୍ରମଣ କରିଥିବା ଅସାମାଜିକ ଯୁବକମାନଙ୍କ ବିରୋଧରେ ରଣପୁର ଥାନାରେ ଏତଲା ଦେବା ପରେ ସେମାନଙ୍କ ବିରୋଧରେ ଏକ ମକଦ୍ଦମା ରୁଜୁ କରି ପୋଲିସ ଅଭିଯୁକ୍ତ ମାନଙ୍କୁ ଗିରଫ କରିବା ପାଇଁ ପ୍ରୟାସ ଜାରୀ ରଖିଛି । “ଜୀବନସାଥୀ ସଂଗଠନର” ସଭାପତି ତଥା ଯୁବ ସମାଜ ସେବକ ଦୀପ୍ତିମାନ୍ ପତି ସାମ୍ବାଦିକ ଅଭିମନ୍ୟୁ ମହାରଣାଙ୍କ ଉପରେ ଆକ୍ରମଣକୁ ଘୋର ନିନ୍ଦାକରିବା ସହ ଦୁଃଖ ପ୍ରକାଶ କରିଛନ୍ତି । ଆକ୍ରମଣରେ ସଂପୃକ୍ତ ଥିବା ଅସାମାଜିକ ବ୍ୟକ୍ତି ମାନଙ୍କୁ ତୁରନ୍ତ ଗିରଫ କରି କାୟ୍ଯାନୁଷ୍ଠାନ ନେବାକୁ ଦାବୀ କରିଛନ୍ତି । (ରିପୋର୍ଟ – ଦୀପ୍ତିମାନ୍ ପତି )
