ଚମ୍ପୁଆ ନିର୍ବାଚନ ମଣ୍ଡଳୀ କୁ ସରସ ସୁନ୍ଦର କରିବା ଅନବରତ ଲାଗି ରହିଛନ୍ତି ବିଧାୟିକା – ମିନାକ୍ଷୀ ମହାନ୍ତ
୩୧ଅଗଷ୍ଟ ୨୦୨୩ (ଓଡ଼ିଶା ତାଜା ନ୍ୟୁଜ ) ଚମ୍ପୁଆ :-> ସ୍ବାୟତ୍ତ ଶାସନ ଦିବସ ଉପଲକ୍ଷେ ଯୋଡ଼ା ପୌରପରିଷଦର ବିଭିନ୍ନ ଉନ୍ନୟନମୂଳକ କାର୍ଯ୍ୟକ୍ରମ ସମ୍ପାଦନ କରିଛନ୍ତି ଚମ୍ପୁଆ ବିଧାୟିକା ମିନାକ୍ଷୀ ମହାନ୍ତ । ତେବେ ଉନ୍ନୟନମୂଳକ କାର୍ଯ୍ୟକ୍ରମ ଭିତରେ କମାର ଯୋଡାରେ ନିର୍ମିତ ସ୍ମାର୍ଟପାର୍କ ,ଶାସ୍ତ୍ରୀ ନଗର ସ୍ଥିତ ଆଦର୍ଶ ଶ୍ମଶାନ(ସ୍ବର୍ଗ ଦ୍ବାର) ,ଆମ ଜନତା ଶୈଚାଳୟ ,
ପୌର କର୍ମଚାରୀଙ୍କ ବାସଗୃହ ଇତ୍ୟାଦି ଶୁଭ ଉଦ୍ଘାଟନ କରିବା ସହିତ ଏକ ସ୍ମୁତିବନର ଭିତ୍ତିପ୍ରସ୍ତର ସ୍ଥାପନ କରିଥିଲେ । ପରେ କମାର ଯୋଡା ସରକାରୀ ଗୋଷ୍ଠୀ ସ୍ବାସ୍ଥ୍ୟକେନ୍ଦ୍ର ,ମେହେତା ହସ୍ପିଟାଲ୍ ,ଟାଟା ଷ୍ଟିଲ ସ୍ବାସ୍ଥ୍ୟ କେନ୍ଦ୍ର ଏବଂ ବୃଦ୍ଧାଶ୍ରମ ର ଅନ୍ତେବାସୀ ମାନଙ୍କୁ ମୀଷ୍ଟାନ୍ନ ଫଳ ବଣ୍ଟନ କରି ଯୋଡାବାସୀଙ୍କ ମନରେ ଖୁସୀର ଲହରୀ ଖେଳାଇଛନ୍ତି ।
ଚମ୍ପୁଆ ବିଧାୟିକା ଶ୍ରୀମତି ମିନାକ୍ଷୀ ମହାନ୍ତ ଙ୍କ ସହିତ ଉକ୍ତ କାର୍ଯ୍ୟକ୍ରମରେ ଯୋଡା ମ୍ୟୁନିସପାଲିଟି ର ଚେୟାରମ୍ୟାନ ଡ.ଜଗଦୀସ ସାହୁ, ଭାଇସ ଚେୟାରମ୍ୟାନ ସଂନ୍ଧ୍ୟାରାଣୀ ପାତ୍ର, କାର୍ଯ୍ୟ ନିର୍ବାହୀ ଅଧିକାରୀ ଅଭିଷେକ ପଣ୍ଡା ଏବଂ ଯୋଡ଼ା ପୌରପରିଷଦର ସମସ୍ତ କାଉନସିଲର ଓ ଶତାଧିକ କର୍ମୀ ଉପସ୍ଥିତ ରହି କାର୍ଯ୍ୟକ୍ରମକୁ ସାଫଲ୍ୟ ମଣ୍ଡିତ କରିଥିଲେ ।
