ଓଡିଶା ତାଜା ନ୍ୟୁଜ୍ (୩୦ ଜୁନ୍ ମଙ୍ଗଳବାର ) ନୟାଗଡ :- ନୟାଗଡ ଟାଉନ ଥାନାର ତତ୍ପରତା କ୍ରମେ ସହରାଞ୍ଚଳର ବିଭିନ୍ନ ଜାଗାରୁ ବେଶ ଚଞ୍ଚକତାର ସହ ବହୁଦିନ ଧରି ମୋବାଇଲ ଫୋନ ଲୁଟ କରୁଥିବା ଅସାମିକୁ କାବୁ କରି ଗିରଫ କରିବାକୁ ସମର୍ଥ ହୋଇଛି । ଏହି ମୋବାଇଲ ଲୁଟେରା ପ୍ରତି ତୀକ୍ଷ୍ନ ନଜର ରଖିଥିଲେ ଟାଉନଥାନା ଅଧିକାରୀ ଜୟଦ୍ଵୀପ ମହାନ୍ତି । ହଠାତ କୌଣସି ସୂତ୍ରରୁ ଖବର ପାଇ ଏହି ଲୁଟେରାକୁ ନିଜ ସ୍କାନରରେ ରଖିଥିବା ଟାଉନ ଥାନା ଆଇ. ଆଇ.ସି ଶ୍ରୀଯୁକ୍ତ ମହାନ୍ତି ସଦଳବେଳେ ଚଢ଼ାଉ କରି ଧରିବାକୁ ସମର୍ଥ ହୋଇଥିଲେ । ଗିରଫ ମୋବଇଲ ଫୋନ ଲୁଟେରାର ଘର ସଦର ଥାନା ଅନ୍ତର୍ଗତ ବାଲୁଗାଁ ଗ୍ରାମରେ । ଉକ୍ତ ଲୁଟେରା ଠାରୁ ଚୋରି ହୋଇଥିବା ୧୩ଟି ମୋବାଇଲ ଫୋନ ଟାଉନ ଥାନା ଉଦ୍ଧାର କରିଥିବା ବେଳେ
ତା ନାଁରେ ୟୁ/ଏସ 457 / 380 ରେ ପୁଲିସ କେଶ ନଂ 93/20 ରେ ମାମଲା ରୁଜୁ ହୋଇଛି । ଉକ୍ତ ଲୁଟେରା ବାଲୁଗାଁ ଗ୍ରାମର ନାରଣ ସେଠିଙ୍କ ପୁଅ ବକୁଳ ସେଠି ବୋଲି ଜଣାପଡିଛି । ତେବେ ନୟାଗଡ ଟାଉନରେ ମୋବାଇଲ ଚୋରିକରି ଆତଙ୍କ ସୃଷ୍ଟି କରୁଥବା ଲୁଟେରାକୁ ଟାଉନଥାନା ପୁଲିସ ଧରିବାରେ ସଫଳ ହୋଇଥିବାରୁ ସାଧାରଣରେ ଆନନ୍ଦ ପ୍ରକାଶ ପାଇଛି । ଏଥିରେ ଅନ୍ୟ ମାନଙ୍କ ମଧ୍ୟରେ ଏସ.ଆଇ ଧର୍ମେନ୍ଦ୍ର ସିଆଲ, ସ୍ମୁତିରଞ୍ଜନ ମହାନ୍ତି ଙ୍କ ସମେତ ଅନ୍ୟ ପୁଲିସ କର୍ମଚାରୀ ଲୁଟେରା କୁ କାବୁ କରିବାରେ ସହଯୋଗ କରିଥିଲେ । ଏପରିକି ଯେଉଁ ମାନଙ୍କର ମୋବାଇଲ ଚୋରି ହୋଇଛି ସେମାନେ ଉପଯୁକ୍ତ ପ୍ରମାଣ ଦେଖାଇ ସେମାନଙ୍କର ମୋବାଇଲ ନେଇ ପାରିବେ ବୋଲି ଟାଉନ ଥାନା ଅଧିକାରୀ ଜୟଦ୍ଵୀପ ମହାନ୍ତି ସୂଚନା ଦେଇଛନ୍ତି । (ରିପୋର୍ଟ – ରାମକୃଷ୍ଣ ରଥ )
