୧୨ଅଗଷ୍ଟ ଶୁକ୍ରବାର 2023 (ଓଡ଼ିଶା ତାଜା ନ୍ୟୁଜ) ନୂଆଗାଁ :-> ସ୍ଵାଧୀନତା ଦିବସ ପାଇଁ ଜିଲ୍ଲା ସ୍ତରୀୟ ବିଭିନ୍ନ ପ୍ରତିଯୋଗିତାରେ ଅଂଶଗ୍ରହଣ କରି ନୂଆଗାଁ ବ୍ଲକ୍ ର ୪ ଜଣ ଛାତ୍ର ଛାତ୍ରୀ କୃତିତ୍ୱ ଅର୍ଜନ କରିଛନ୍ତି।ସଙ୍ଗୀତ ପ୍ରତିଯୋଗିତା ରେ ନୂଆଗାଁ ପ୍ରାଥମିକ ବିଦ୍ୟାଳୟ ର ଛାତ୍ର ସାହିଲ କୁମାର ପରିଡ଼ା ଦ୍ବିତୀୟ ,
ଇଂରାଜୀ ଡିବେଟ୍ ପ୍ରତିଯୋଗିତାରେ ଆର୍ୟନ କୁମାର ପଣ୍ଡା ପ୍ରଥମ , ଉଚ୍ଚ ମାଧ୍ୟମିକ ବିଦ୍ୟାଳୟ ସ୍ତରୀୟ ସଙ୍ଗୀତ ପ୍ରତିଯୋଗିତାରେ ନୂଆଗାଁ ଉଚ୍ଚ ମାଧ୍ୟମିକ ବିଦ୍ୟାଳୟ ର ଛାତ୍ର ଶକ୍ତିମାନ ସ୍ୱାଇଁ ଦ୍ଵିତୀୟ ଏବଂ ଡିବେଟ୍ ପ୍ରତିଯୋଗିତାରେ ଶିବାନୀ ପ୍ରଧାନ ପ୍ରଥମ ସ୍ଥାନ ଲାଭ କରି କୃତିତ୍ୱ ଅର୍ଜନ କରିଛନ୍ତି ।
ଜିଲ୍ଲା ସ୍ତରରେ କୃତିତ୍ୱ ଅର୍ଜନ କରିଥିବା ଛାତ୍ର ଛାତ୍ରୀ ଙ୍କୁ ଦଶପଲ୍ଲା ବିଧାୟକ ରମେଶ ଚନ୍ଦ୍ର ବେହେରା,ବ୍ଲକ୍ ଅଧ୍ୟକ୍ଷା ଲକ୍ଷ୍ମୀପ୍ରିୟା ବେହେରା, ବିଡ଼ିଓ ସଚିଦା ନନ୍ଦ ମିଶ୍ର,ବ୍ଲକ୍ ଶିକ୍ଷା ଅଧିକାରୀ ପ୍ରଶାନ୍ତ କୁମାର ସାହୁ ଶୁଭେଚ୍ଛା ଜଣାଇବା ସହ ଉଜ୍ଜ୍ବଳ ଭବିଷ୍ୟତ କାମନା କରିଛନ୍ତି ।
