୯ ଅଗଷ୍ଟ ୨୦୨୩ ( ଓଡ଼ିଶା ତାଜାନ୍ୟୁଜ୍ ) କୋରାଇ :-> ବ୍ୟାସନଗର ସ୍ଥିତ ଇନ୍ଦିରା ଗାନ୍ଧୀ ମହିଳା ଡ଼ିଗ୍ରୀ ମହାବିଦ୍ୟାଳୟର ଜାତୀୟ ସେବା ଯୋଜନା ପକ୍ଷରୁ ଆଜି (ବୁଧବାର) ଅଗଷ୍ଟ୯ କ୍ରାନ୍ତି ଦିବସ ପାଳିତ ହୋଇଯାଇଛି । ଜାତୀୟ ସେବା ଯୋଜନାର ସଂଯୋଜିକା ଅଧ୍ୟାପିକା ସୁଚିସ୍ମିତା ବେହେରାଙ୍କ ସଂଯୋଜନାରେ ଅନୁଷ୍ଠିତ ସଭାରେ ମହାବିଦ୍ୟାଳୟର ଅଧ୍ୟକ୍ଷ ରତ୍ନାକର ଜେନା ଅଧ୍ୟକ୍ଷତା କରିଥିଲେ । ସ୍ଵାଧୀନତା ଲାଗି ମହାତ୍ମା ଗାନ୍ଧୀ ଭାରତ ଛାଡ଼ ଆନ୍ଦୋଳନ ଡକାରା ଦେଇ ୧୯୪୨ ମସିହାରେ ଅଗଷ୍ଟ୯ରେ କ୍ରାନ୍ତି ଦିବସ ମୁମ୍ବାଇର ଗୋୱାଲିଆ ଟ୍ୟାଙ୍କ ମଇଦାନ(ଅଗଷ୍ଟ କ୍ରାନ୍ତି ମଇଦାନ)ଠାରେ ଅନୁଷ୍ଠିତ ହୋଇଥିଲା । ଏହି ଦିବସ ଅରୁଣା ଆସଫ ଅଲ୍ଲୀ, ଜୟପ୍ରକାଶ ନାରାୟଣ, ଏସଏମ ଯୋଶୀ, ରାମ ମନୋହର ଲୋହିଆଙ୍କ ନେତୃତ୍ବରେ ହୋଇଥିଲା ।
‘କାମ ବା ମର’ ବୈପ୍ଳବିକ ବାର୍ତାରେ ଉଦ୍ବୁଦ୍ଧ ହୋଇ ହଜାର ହଜାର ସଂଖ୍ୟାରେ ଦେଶବାସୀ ସାମଲି ହୋଇ ହରତାଳ ଓ ଶୋଭାଯାତ୍ରା କରିଥିଲେ । ଯାହା ଦେଶ ସ୍ଵାଧୀନତା ପାଇଁ ପଥ ପଦର୍ଶକ ହୋଇଥିଲା ବୋଲି ଅଧ୍ୟକ୍ଷ ଶ୍ରୀ ଜେନା ଅଭିଭାଷଣରେ କହିଥିଲେ । ଅନୁଷ୍ଠିତ ସଭାରେ ଅଧ୍ୟାପକ ମଳୟ କୁମାର ମଲ୍ଲିକ, ସନ୍ତୋଷ କୁମାର ଜେନା, ପଦ୍ମଭୁଷଣ ରାଉତରାୟଙ୍କ ସମେତ ବପିତ୍ର ମୋହନ ଜେନା, ପ୍ରଶାନ୍ତ କୁମାର ଦାସ ପ୍ରମୁଖ ଯୋଗଦେଇଥିଲେ ।
ଅନୁଷ୍ଠିତ କାର୍ଯ୍ୟକ୍ରମରେ ବୈଶାଖୀ ମହାନ୍ତି, ଅଲିଭା ରାଉତ, ଗାୟତ୍ରୀ ବିଶ୍ଵାସ, ପ୍ରୀତିପ୍ରିୟଦର୍ଶିନୀ ପ୍ରଧାନ, ଦୀପାଲି ରାୟ, ସନ୍ଧ୍ୟାରାଣୀ ବେହେରା, ଟିକିଲି ବେହେରା, ଶୁଭଶ୍ରୀ ଶୁଭଲକ୍ଷ୍ମୀ ସାହୁ, ଲକ୍ଷ୍ମୀପ୍ରିୟା ପାଢୀ, ଗାୟତ୍ରୀ ସାହୁ, ଲୋଭନା ପ୍ରିୟଦର୍ଶିନୀ ସିଂହ, ଦେବସ୍ମିତା ବେହେରା, ସୁପ୍ରଭା ସାହୁ, ଲିପୁନି ଜେନା, ସନ୍ତୋଷ ମାଝୀ, ଦେବସ୍ମିତା ଭଞ୍ଜ, ମନୋରମା ବହେରା, ପ୍ରିୟଙ୍କାପ୍ରିୟଦର୍ଶିନୀ ଜେନା ପ୍ରମୁଖ ଜାତୀୟ ସେବା ଯୋଜନାର ସ୍ୱେଚ୍ଛାସେବୀ ଛାତ୍ରୀମାନେ ଯୋଗଦେଇ ବକ୍ତବ୍ୟ ରଖିଥିଲେ । ପ୍ରାରମ୍ଭରେ ‘ଭରାତ ମାତା’ର ତୈଳଚିତ୍ରରେ ପୁଷ୍ପାର୍ଘ୍ୟ ପ୍ରଦାନ କରଯାଇଥିଲା ବେଳେ ଛାତ୍ରୀମାନଙ୍କ ଦ୍ୱାରା ଦେଶାତ୍ମ ବୋଧକ ସଂଗୀତ ଗାନ କରାଯାଇଥିଲା । ଶେଷରେ ସ୍ୱେଚ୍ଛାସେବୀ ଛାତ୍ରୀ ପ୍ରଣତି ବେହେରା ଧନ୍ୟବାଦ ଅର୍ପଣ କରିଥିଲେ ।
