ଓଡିଶା ତାଜା ନ୍ୟୁଜ୍ (୨୯ ଜୁନ ସୋମବାର) ନୟାଗଡ ଜିଲ୍ଲା :- ନୟାଗଡ ଠାରେ ଥିବା ପୁଲିସ ଟ୍ରେନିଂ ସ୍କୁଲ ର ନୂତନ ପ୍ରିନସିପାଲ (ଅଧ୍ୟକ୍ଷ) ଭାବେ ଡେପୁଟି କମାଣ୍ଡାଟ ଭବେଶ କୁମାର ନାୟକ ଦାୟିତ୍ୱ ଗ୍ରହଣ କରିବେ ବୋଲି ଜଣା ପଡିଛି । ପ୍ରଶାସନିକ ଦକ୍ଷତା ରଖି ଥିବା ଜଣେ ସାଧୁ ତଥା ସଚୋଟ ଅଧିକାରୀ ଭାବେ ଶ୍ରୀଯୁକ୍ତ ନାୟକଙ୍କ ର ପୁଲିସ ବିଭାଗରେ ଆଗରୁ ସୁନାମ ରହିଛି ।
ବର୍ତ୍ତମାନ ଏହି ସ୍କୁଲ ରେ ଆସିଷ୍ଟାଣ୍ଟ କମାଣ୍ଡାଟ ଭାବେ ଦକ୍ଷତା ର ସହ କାର୍ଯ୍ୟ କରି ସୁନାମ ଅର୍ଜନ କରିଥିବା ଭବେଶ ବାବୁଙ୍କ ଡେପୁଟି କମାଣ୍ଡାଟ ଭାବେ ପଦୋନ୍ନତି ସହ ପି. ଟି. ଏସରେ ନୂତନ ଅଧ୍ୟକ୍ଷ ଭାବେ ନିଯୁକ୍ତିକୁ ଜିଲ୍ଲାରେ ଆନନ୍ଦ ଖେଳାଇ ଦେବା ସହ ସ୍ଥାନୀୟ ବିଧାୟକ ତଥା ରାଜ୍ୟ ମନ୍ତ୍ରୀ ଡା. ଅରୁଣ କୁମାର ସାହୁ ଙ୍କ ନିକଟରେ ଜଣେ ସର୍ବ କାଳୀନ ଅଧ୍ୟକ୍ଷ ନିଯୁକ୍ତି ମିଳିଥିବାରୁ ନୟାଗଡ ବାସି କୃତଜ୍ଞତା ପ୍ରକାଶ କରିଛନ୍ତି । ଏଠାରେ ସୂଚନାଯୋଗ୍ୟ ଏହି ସ୍କୁଲରେ ପୂର୍ବରୁ ନୟାଗଡ଼ ଏସ. ପି ପ୍ରିନସିପାଲ ଭାବେ ଅତିରିକ୍ତ ଦାୟିତ୍ୱ ତୁଲାଉଥିଲେ । (ରିପୋର୍ଟ – ରାମକୃଷ୍ଣ ରଥ )
