୧ ଅଗଷ୍ଟ ,୨୦୨୩ ( ଓଡ଼ିଶା ତାଜା ନ୍ୟୁଜ୍ ) କୋରାଇ :-> ବ୍ୟାସନଗର ସ୍ଥିତ ଇନ୍ଦିରାଗାନ୍ଧି ମହିଳା ଉଚ୍ଚମଧ୍ୟାମିକ ବିଦ୍ୟାଳୟରେ ପ୍ରଥମବର୍ଷର ନବାଗତା ଛାତ୍ରୀମାନଙ୍କୁ ସ୍ବାଗତ ସମ୍ବର୍ଦ୍ଧନା କରାଯାଇଛି । ରାଜ୍ୟ ସରକାରଙ୍କ ଗଣଶିକ୍ଷା ବିଭାଗ ନିର୍ଦ୍ଦେଶ କ୍ରମେ ଅନୁଷ୍ଠାନର ଅଧ୍ୟକ୍ଷା ପଙ୍କଜିନୀ ପାଣିଙ୍କ ସଭାପତିତ୍ବରେ ସଭାକକ୍ଷରେ ଏକ ସମ୍ବର୍ଦ୍ଧନା ସଭା ଅନୁଷ୍ଠିତ ହୋଇଥିଲା । ଶ୍ରୀମତୀ ପାଣି ନିଜ ବଚ୍ଛବ୍ୟରେ ଅନୁଷ୍ଠାନର ନିୟମ, ଚରିତ୍ରଗଠନ ଓ ଅନୁଷ୍ଠାନର କୀର୍ତି ସଂପର୍କରେ ନବାଗତା ଛାତ୍ରୀଙ୍କୁ ବକ୍ତବ୍ୟ ପ୍ରସଙ୍ଗରେ ସୂଚନା ଦେଇଥିଲେ ।
ଏହି ଅବସରରେ ନବାଗତା ଛାତ୍ରୀମାନେ ନିଜନିଜର ପରିଚୟ ଓ ଭବିଷ୍ୟତ ଆଶା ସଂପର୍କରେ କହିଥିଲେ । ଅନୁଷ୍ଠିତ ସଭାକୁ ଅଧ୍ୟାପକ ଚିତରଞ୍ଜନ ବଳ ସଂଚାଳନା କରିଥିଲା ବେଳେ ପ୍ରାଧ୍ୟାପିକା ଲଳିତା ସାହୁ, ଦୀପ୍ତିମୟୀ ରାଉତ, ଇପାଞ୍ଜଳି ନାୟକ, ଦେବଜାନୀ ଦାସ, ଅନିମା ପ୍ରଧାନ, ଅଧ୍ୟାପକ ସୁବସ ଚନ୍ଦ୍ର ସ୍ବାଇଁ, ଗୋବର୍ଦ୍ଧନ, ଜ୍ୟୋତିପ୍ରକାଶ ରାଉତ ପ୍ରମୁଖ ନାବାଗତା ଛାତ୍ରୀଙ୍କୁ ବଢିବ୍ୟ ପ୍ରସଙ୍ଗରେ ଉପଦେଶ ଦେଇଥିଲେ
ସଭା ପ୍ରାରମ୍ଭରେ ଦ୍ବିତୀୟ ବର୍ଷର ଛାତ୍ରୀମାନଙ୍କ ଦ୍ବାରା ସ୍ବାଗତ ସଂଗୀତ ଗାନ କରାଯିବା ପରେ ନାବାଗତାଛାତ୍ରୀଙ୍କୁ ପୁଷ୍ପଗୁଛ ପ୍ରଦାନ କରାଯାଇ ସମ୍ବର୍ଦ୍ଧିତ କରାଯାଇଥିଲା । କାର୍ଯ୍ୟକ୍ରମକୁ ମୁଖ୍ୟକିରାଣୀ’ କଲ୍ୟାଣୀ ପରିଡା, କ୍ଷରୋଦ ରାଉତ, ଶିବପ୍ରସାଦ ଦାସ, ରମେଶ ସ୍ବାଇଁ, ଅଚ୍ୟୁତାନନ୍ଦ ମଲିକ ପ୍ରମୁଖ ସହଯୋଗ କରିଥିଲେ । ଶେଷରେ ଅଧ୍ୟାପକ ଜ୍ୟୋତିପ୍ରକାଶ ରାଉତ ଧନ୍ୟବାଦ ଅର୍ପଣ କରିଥିଲେ ।
