୨୯ଜୁଲାଇ,୨୦୨୩ ( ଓଡ଼ିଶା ତାଜା ନ୍ୟୁଜ୍ ) ନୁଆଗଡ :-> ଗ୍ରାମର କୌଣସି ଲୋକ ମୃତ୍ୟୁ ପରେ ଶ୍ମଶାନ ଘାଟ ଯିବାକୁ ରାସ୍ତା ନଥିବାରୁ ଗ୍ରାମବାସୀ ହଟହଟା ହେଉଛନ୍ତି । ସେମାନେ ଧାନକ୍ଷେତ ମଧ୍ୟ ଦେଇ ଶବ ବୋହି ନେଉଛନ୍ତି । ଏଭଳି ଅଭାବନୀୟ ଘଟଣା ଗଜପତି ଜିଲ୍ଲା ନୁଆଗଡ ବ୍ଳକର ଖଜୁରିପଦା ଗାଁରେ ଦେଖିବାକୁ ମିଳିଛି । ଗୁରୁବାର କୌଣସି କାରଣରୁ ଗାଁର ପଦ୍ମାବତୀ ପ୍ରଧାନୀ ନାମକ ଜଣେ ବୃଦ୍ଧାଙ୍କ ମୃତ୍ୟୁ ଘଟିଥିଲା । ଗାଁ ଲୋକେ ତାଙ୍କ ଶବ ଦାହ କରିବାକୁ ଶ୍ମଶାନ ଘାଟକୁ ନେଇଥିଲେ । ତେବେ ସେଠାକୁ ଯିବାପାଇଁ ରାସ୍ତା ନଥିବାରୁ ମୃତ ପଦ୍ମାବତୀଙ୍କ ଶବକୁ ଧାନ କ୍ଷେତ କାଦୁଆ ପଚପଚ ରାସ୍ତାରେ ବୋହି ନେଇଥିଲେ ।
ବର୍ଷା ଦିନରେ ଗ୍ରାମର କେହି ମୃତ୍ୟୁ ବରଣ କଲେ, ଗ୍ରାମବାସୀ ଏଳଭି ଅସୁବିଧାର ବହୁବଷ ଧରି ସମ୍ମୁଖିନ ହୋଇଆସୁଛନ୍ତି । ଲୋକେ ବାଧ୍ୟ ହୋଇ ଶବକୁ ଧରି ଧାନ ବିଲ ଦେଇ ଶ୍ମଶାନକୁ ଯାଆନ୍ତି । ତେବେ ଜମି ମାଲିକରଫସଲ ନଷ୍ଟ ହେବାକୁ ନେଇ ଗଣ୍ଡଗୋଳର ସୂତ୍ରପାତ ବି ଘଟେ । ରାତ୍ର ସମୟରେ ଯଦି ଗାଁର କିଏ ମୃତ୍ୟୁ ବରଣ କରେ, ତେବେ ରାତି ପାଇଲାଯାଏଁ ଅପେକ୍ଷା କରିବାକୁ ପଡିଥାଏ । ଏହି ସମସ୍ୟା ନେଇ ଗ୍ରାମବାସୀ ପ୍ରଶାସନ ନିକଟରେ ଅଭିଯୋଗ କରୁଥିଲେ ମଧ୍ୟ କୌଣସି ସୁଫଳ ମିଳୁନି । ତେଣୁ ଖଜୁରିପଦା ଗ୍ରାମବାସୀ ତୁରନ୍ତ ତାଙ୍କୁ ଗାଁ ଶ୍ମଶାନକୁ ରାସ୍ତାଟିଏ ନିର୍ମାଣ କରିବାକୁ ଦାବି କରିଛନ୍ତି ।
ଏହି ବିଷୟ ନେଇ ଆରାଇ (RI) ଙ୍କୁ ଯୋଗାଯୋଗ କରିବାରୁ ସେ ଗତ ବର୍ଷ ଏହି ଖବର ବିଭିନ୍ନ ଗଣମାଧମରେ ପ୍ରକାଶ ପରେ ସ୍ଥାନୀୟ ତହସିଲି ପ୍ରଶାସନ ଓ ଗ୍ରାମବାସୀ ନେଇ ଏକ ବୈଠକ କରି ତହସିଲି ପ୍ରଶାସନ କହିଥିଲେ ଶ୍ମଶାନ ଯିବା ପାଇଁ ସରକାରୀ ଯାଗା ନାହିଁ ପ୍ରାରିପେଟ ଯାଗା ରହିଛି । ଶ୍ମଶାନ ପାଇଁ ଜମି ମାଳିକ ଜାଗା ଦେଲେ ସେତି ଯାଗା ତହସିଲି ପ୍ରଶାସନ ତରଫରୁ ଯୋଗାଇ ଦିଆଯିବ ସ୍ଥିର ହୋଇଥିଲା । ସେହି ଦିନଠାରୁ ଆଜିସୁଧା ଶ୍ମଶାନ ଯିବାକୁ ରାସ୍ତା ସଫା କରାଯାଇ ନାହିଁ ବୋଲି ଆରଇ (RI) କହିଥିଲେ ।
