୨୫ଜୁଲାଇ,୨୦୨୩ ( ଓଡ଼ିଶା ତାଜା ନ୍ୟୁଜ୍ ) ଆର,ଉଦୟଗିରି :- ଗଞ୍ଜମ ଜିଲ୍ଲା ସାନଖେମୁଣ୍ଡି ବ୍ଳକ ଆଡପଡା ଗ୍ରାମର ରାମଚନ୍ଦ୍ର ସାହୁ (୭୬) ଏବଂ ଭଞ୍ଜନଗର କୁଲାଡ ଗ୍ରାମର ସୁରେଖା ସାହୁ (୪୬)ଙ୍କ ବିବାହ ଏବେ ଚଚ୍ଚାର ବିଷୟ ପାଲଟିଛି । ରାମଚନ୍ଦ୍ର ଆଡପଡା ଗ୍ରାମର ମୂଳ ବାସିନ୍ଦା । ସେ ପୂର୍ବରୁ ବିବାହ କରିଥିଲେ । ତାଙ୍କର ଦୁଇ ଝିଅଙ୍କ ବିବାହ ପରେ ପ୍ରଥମ ସ୍ତ୍ରୀଙ୍କ ମୃତ୍ୟୁ ହୋଇଯାଇଥିଲା । ଫଳରେ ଏକାକୀ ହୋଇଯାଇଥିଲେ ରାମଚନ୍ଦ୍ର । ଦୀର୍ଘ ୫୦ ବର୍ଷ ଧରି ମୋହନା ବ୍ଳକ ଶିଙ୍କୁଳିପଦର ପଞ୍ଚାୟତ ତଲାସିଂ ଗ୍ରାମରେ ରହିଆସୁଛନ୍ତି । ଏକାକୀ ନିଃସଙ୍ଗ ଜୀବନ ବିତାଇବା ସହିତ ତଲାସିଂ ଗ୍ରାମରେ ଛୋଟ ବ୍ୟବସାୟ କରି ରହିଆସୁଥିଲେ ।
ଗତ ୭ବର୍ଷ ତଳେ ଏକ ଭୋଜିରେ ସୁରେଖାଙ୍କ ସହ ତାଙ୍କର ଦେଖାହୋଇଥିଲା । ପ୍ରଥମ ଦେଖାରେ ଦୁହେଁ ଦୁହିଁଙ୍କୁ ଭଲ ପାଇ ବସିଥିଲେ । ସୁରାଖା ଅବିବାହିତ ଥିଲେ । ଫୋନ୍ ମାଧ୍ୟମରେ କଥାବାତ୍ତା ହେବା ସହ ଦେଖାସାକ୍ଷତ ମଧ୍ୟ କରୁଥିଲେ । ତେବେ ପରିଣତ ବୟସରେ ସୁରେଖାଙ୍କୁ ବିବାହ ପ୍ରସ୍ତାବରେ ଏକମତ ହୋଇଥିଲେ ସୁରେଖା ଏବଂ ରାମଚନ୍ଦ୍ର ଗତ ୧୯ ତାରିଖରେ ଭଞ୍ଜନଗର କୋର୍ଟରେ ବିବାହ ହୋଇଥିଲା । ପରେ ତଲାସିଂ ଗ୍ରାମର ଗଣେଶ ମନ୍ଦିରରେ ଦୈବିକ ରୀତିରେ ବିବାହ କରିଥିଲେ । ଜୀବନର ଶେଷ ନିଶ୍ବାସ ପର୍ଯ୍ୟନ୍ତ ସ୍ବାମୀଙ୍କ ପାଖରେ ରହିବେ ବୋଲି ସୁରେଖା କହିଛନ୍ତି ।
