୨୫ଜୁଲାଇ,୨୦୨୩ ( ଓଡ଼ିଶା ତାଜା ନ୍ୟୁଜ୍ ) ନୟାଗଡ଼ ଜିଲ୍ଲା :- ନୂଆଗାଁ ବ୍ଲକ ଅନ୍ତର୍ଗତ ସୋରଡ଼ା ଛକ ଠାରୁ ଜଗନ୍ନାଥ ପ୍ରସାଦ ଗ୍ରାମକୁ ଯାଇଥିବା ରାସ୍ତାର ବେଲପା ନଦୀର ଏକ ବ୍ରିଜ ନିର୍ମାଣ ବିଳମ୍ୱ ହେତୁ ସୋରଡ଼ା ପଞ୍ଚାୟତର ଲୋକମାନେ ଆଜି ୫୭ ନଂ ଜାତୀୟ ରାଜପଥ ସୋରଡ଼ା ଛକ ଠାରେ ରାସ୍ତା ଅବରୋଧ କରିଛନ୍ତି । ଯାହା ଫଳରେ ଉଭୟ ପାର୍ଶ୍ଵରେ ଶହ ଶହ ଗାଡ଼ି ଛିଡ଼ା ହେବା ଫଳରେ ଯାତାୟତରେ ଲୋକମାନେ ନାହିଁ ନଥିବା ଅସୁବିଧାର ସମ୍ମୁଖୀନ ହେଉଛନ୍ତି । ସୂଚନା ଥାଉକି ଦୀର୍ଘ ଏହି ବ୍ରିଜ ୩ ତିନିବର୍ଷ ହେଲା ମନ୍ଥର ଗତିରେ ଚାଲିଥିବା ହେତୁ ଏହି ୩ ବର୍ଷ ଭିତରେ ୩ ଥର ରାସ୍ତା ଅବରୋଧ କରିଥିଲେ ମଧ୍ୟ ବିଭାଗୀୟ ଅଧିକାରୀ ଏବଂ ଠିକାଦାରଙ୍କ ମନମୁଖୀ କାର୍ଯ୍ୟ ଯୋଗୁଁ ବ୍ରିଜ ନିର୍ମାଣ ବିଳମ୍ୱ ହେଉଥିବା ଜନସାଧରଣ ସୂଚନା ଦେଇଛନ୍ତି।
ଘଟଣାସ୍ଥଳରେ ନୟାଗଡ଼ ଏସଡିପିଓ ସ୍ନେହାଶିଷ ସାହୁ, ନୂଆଗାଁ ତହସିଲଦାର ହେମନ୍ତ କୁମାର ନାୟକ ଏବଂ ସ୍ଥାନୀୟ ପୋଲିସ ପହଞ୍ଚି ଲୋକମାନଙ୍କୁ ବୁଝାସୁଝା କରିବା ସହ ୩ ଦିନ ଭିତରେ ଡାଇବର୍ସ ରାସ୍ତା ନିର୍ମାଣ କରାଯିବା ନେଇ ପ୍ରତିଶ୍ରୁତି ଦେବା ପରେ ୫୭ ନମ୍ବର ଜାତୀୟ ରାଜପଥ ଅବରୋଧ ରୁ ଶତାଧିକ ଜନସାଧାରଣ ଉଠିଥିଲେ । ଏଠାରେ ସାମାନ୍ୟ ବ୍ରିଜ ନିର୍ମାଣ ପାଇଁ ପ୍ରଶାସନ କଣ ବ୍ରିଜ ନିର୍ମାଣ କାର୍ଯ୍ୟ ଶେଷ କରୁନାହିଁ ତାହା ସମସ୍ତ ମନରେ ଉଙ୍କି ମାରୁଛି । ଠିକାଦାରଙ୍କ ମନମୁଖୀ କାର୍ଯ୍ୟ ଯୋଗୁଁ ଶହ ଶହ ଜନସାଧାରଣ ଦୁଃଖ ଦୁର୍ଦ୍ଦଶାରେ ଯାତାୟତ କରୁଛନ୍ତି । ଏମାନଙ୍କ ଦୁଃଖ କେବେ ସାକାର ହେବ ତାହା ଦେଖିବାକୁ ବାକି ରହିଲା ।
