୨୩ଜୁଲାଇ,୨୦୨୩ ( ଓଡ଼ିଶା ତାଜା ନ୍ୟୁଜ୍ ) ହିଞ୍ଜିଳିକାଟୁ :- ଆଞ୍ଚଳିକ ବାଲ୍ମୀକି ଦାସ କୁଳ ମହାସଂଘ,ପୂର୍ବଖଣ୍ଡ ତାଲୁକା, ହିଞ୍ଜିଳିକାଟୁ ପକ୍ଷରୁ ରବିବାର ଏକ ସମ୍ବର୍ଦ୍ଧନା କାର୍ଯ୍ୟକ୍ରମ ଅନୁଷ୍ଠିତ ହୋଇଥିଲା।ସଭାପତି ପ୍ରଭାକର ଦାସଙ୍କ ଅଧ୍ୟକ୍ଷତାରେ ପୋୖରାଞ୍ଚଳ ପାଟଣା ସାହି ସ୍ଥିତ କୁଳ କାର୍ଯ୍ୟାଳୟ ଗୃହ ପରିସରରେ ଆୟୋଜିତ କାର୍ଯ୍ୟକ୍ରମରେ ନବ ନିଯୁକ୍ତ ବିଜେଡି ରାଜ୍ୟ ସାଧାରଣ ସମ୍ପାଦକ ଶିବରାମ ଗୌଡ଼ଙ୍କ ସମେତ ରାଜ୍ୟ ସାଧାରଣ ସମ୍ପାଦକ ଦେବାନନ୍ଦ ମହାପାତ୍ର,ଗ୍ରୀଟ ଅଧ୍ୟକ୍ଷ ପବିତ୍ର ମୋହନ ପାଣିଗ୍ରାହୀ ଓ ବିଜେପି ପାରିଷଦ ଯୁଧିଷ୍ଠିର ଦାସ ପ୍ରମୁଖଙ୍କୁ କାର୍ଯ୍ୟକାର୍ତ୍ତା ମାନେ ପୁଷ୍ପମାଲ୍ୟ ଓ ଉତ୍ତରୀୟ ପ୍ରଦାନ କରି ସମ୍ବର୍ଦ୍ଧିତ କରିଥିଲେ ।
ଏହି ଅବସରରେ ରାଜ୍ୟ ସରକାରଙ୍କ ପକ୍ଷରୁ କାର୍ଯ୍ୟକାରୀ ହେଉଥିବା ବିଭିନ୍ନ ସାମାଜିକ ଓ ବିକାଶ ଯୋଜନାକୁ ସଚେତନ କରିବା ସହ ଦାସକୁଳ ସମ୍ପ୍ରଦାୟର ଯୋଗ୍ୟ ହିତାଧିକାରୀଙ୍କୁ ସାମିଲ କରିବା ପାଇଁ ଅତିଥିମାନେ ପ୍ରକାଶ କରିଥିଲେ।ଆଗାମୀ ଦିନରେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ବିକାଶ ପ୍ରକ୍ରିୟାରେ ଅଂଶ ଗ୍ରହଣ କରି ସଂଗଠନକୁ ଅଧିକ ସୁଦୃଢ କରିବା ସହ ବାଲ୍ମୀକି ଦାସକୁଳ ମହାସଂଘର ବିଭିନ୍ନ ଆବଶ୍ୟକତା ପୂରଣ ଦିଗରେ ସହଯୋଗ କରିବା ପାଇଁ ସହମତି ପ୍ରକାଶ କରିଥିଲେ।ମୁଖ୍ୟମନ୍ତ୍ରୀଙ୍କ ଦୀର୍ଘାୟୁ ନିରାମୟ ଜୀବନର ସଫଳତା ଓ ଦୀର୍ଘ ବର୍ଷ ଧରି ରାଜ୍ୟ ଶାସନ ଭାର ଗ୍ରହଣ କରିବା ଅବସରରେ ଶୁଭ କାମନା କରିଥିଲେ।କୁଳ ସମ୍ପାଦକ ମିଥୁନ ଦାସ,ସ୍ୱରାଜ୍ୟ ଦାସ, ସାଗର ଦାସ ଓ ଅମୂଲ୍ୟ ଦାସଙ୍କ ସମେତ ବହୁ ମହିଳା ଓ କୁଳ ଭାଇ ଉପସ୍ଥିତ ଥିଲେ ।
