ଓଡିଶା ତାଜା ନ୍ୟୁଜ୍ (୨୫ ଜୁନ୍ ଗୁରୁବାର ) ଗଜପତି :- ଗଜପତି ଜିଲ୍ଲାରୁ ଗଞ୍ଜାମ ଜିଲ୍ଲାକୁ ଗଞ୍ଜେଇ ଚାଲାଣ ବେଳେ ବାପ ଓ ପୁଅ ଗଜପତି ପୋଲିସ ହାବୁଡ଼ରେ ପଡିଥିବା ସୁଚନା ମିଳିଛି । ଘଟଣାରୁ ପ୍ରକାଶ,ଗତକାଲି ବିଳମ୍ବିତ ରାତ୍ରରେ ଗଜପତି ଜିଲ୍ଲାର ମୋହନା ବ୍ଲକ ଅନ୍ତର୍ଗତ ମୋହନା ଓ ଅଡବା ଥାନାର ପୋଲିସ ରାତ୍ରକାଳୀନ ପେଟ୍ରୋଲିଂ କରୁଥିବା ବେଳେ ମୋହନା ଓ ଅଡବା ଥାନାର ଅଧିକାରୀ ମାନେ ୨ଟି ଅଟରିକ୍ସ୍ଵା ରେ ଚୋରାରେ ଯାଉଥିବା ୧୫୭ କେଜି ଗଞ୍ଜେଇ ଜବତ କରିବା ସହ ବାପା ଶତ୍ରୁଘନ ନାୟକ(୫୦) ଓ ପୁଅ ଶ୍ରୀକାନ୍ତ ନାୟକ(୨୨) ଙ୍କୁ ଗିରଫ କରି କୋର୍ଟ ଚାଲାଣ କରାଯାଇଥିବା
ଏସଡିପିଓ ଅଶୋକ କୁମାର ମହାନ୍ତି ସାମ୍ବାଦିକ ସମ୍ମିଳନୀ ରେ ପ୍ରକାଶ କରିଛନ୍ତି । ଚୋରା ଚାଲାଣରେ ବ୍ୟବହୃତ ଅଟୋ ସହ ଗଞ୍ଜେଇ ଜବତ କରିଥିଲେ । ଏହି ଚଢ଼ାଉ ରେ ଅଡବା ଥାନା ଏସଆଇ ଉତ୍କଳ ପ୍ରଧାନଙ୍କ ଅନ୍ୟ ପୋଲିସ କର୍ମଚାରୀ ମାନେ ଚଢ଼ାଉରେ ଭାଗ ନେଇଥିଲେ । ଏ ନେଇ ଅଡବା ଥାନାରେ କେସ ନଂ ୪୮ରେ ମକଦ୍ଦମା ରୁଜୁ ହୋଇଛି । ସମ୍ପୃକ୍ତ ବାପ ପୁଅକୁ ଦୁହିଁଙ୍କୁକୋର୍ଟକୁ ଚାଲାଣ କରାଯାଇଛି । କୋର୍ଟ ଏମାନଙ୍କୁ ଜେଲକୁ ପଠାଇ ଦେଇଥିବା ଜଣାଯାଇଛି । (ରିପୋର୍ଟ – ଗରୁଡ଼ ଧ୍ଵଜ ଚୌଧୁରୀ)
