ଓଡିଶା ତାଜା ନ୍ୟୁଜ୍ (୨୩ ଜୁନ୍ ମଙ୍ଗଳବାର) ପାରଳାଖେମୁଣ୍ଡି :- ଦକ୍ଷିଣ-ଓଡିଶା’ର ପ୍ରସିଦ୍ଧ ଉପାନ୍ତ ଶ୍ରୀକ୍ଷେତ୍ର ଗଜପତି ଜିଲ୍ଲା ସଦର-ମହକୁମା ପାରଳାଖେମୁଣ୍ଡି ଠାରେ ଚଳିତ ବର୍ଷ , ତିନି ଠାକୁର’ଙ୍କ ପବିତ୍ର ପହଣ୍ଡି ଓ ଘୋଷଯାତ୍ରା ଧାରା ୧୪୪ ଜାରୀ ସହ ସହ ବିନା ଶ୍ରଦ୍ଧାଳୁ ଭକ୍ତ’ରେ ସମ୍ପନ୍ନ ହୋଇଛି । ଚଳିତ ବର୍ଷ କୋଭିଡ-୧୯ ପରିସ୍ଥିତି’କୁ ଦୃଷ୍ଟି ଆଗରେ ରଖି ଚଳିତ ବର୍ଷ’ର ରଥଯାତ୍ରା ପାଳନ ଅବସର’ରେ ନିର୍ଦ୍ଧିଷ୍ଟ କେତେକ ନୀତିକାନ୍ତି କାର୍ଯ୍ୟକ୍ରମ ନିର୍ଦ୍ଧିଷ୍ଟ କେତେକ ପୂଜକ ତଥା ସେବାୟତ ମାନଙ୍କ ମଧ୍ୟରେ ସମ୍ପନ୍ନ ହୋଇଥିଲା । ଉପାନ୍ତ ଅଞ୍ଚଳ’ର ଏହି ପବିତ୍ର ରଥଯାତ୍ରା ଦେଖିବା ପାଇଁ ପ୍ରତିବର୍ଷ ଲକ୍ଷାଧିକ ସଂଖ୍ୟକ ଶ୍ରଦ୍ଧାଳୁ ଭକ୍ତଙ୍କ ସମାଗମ ହୋଇଥାଏ ।
ଏହାକୁ ଦୃଷ୍ଟିରେ ରଖି କୋଣସି ଶ୍ରଦ୍ଧାଳୁ ଭକ୍ତ ଯେଭଳି ମନ୍ଦିର ପରିବେଶ ଭିତରକୁ ପ୍ରବେଶ ନ କରିବେ ସେଥିପାଇଁ ଜିଲ୍ଲା ପ୍ରଶାସନ ପକ୍ଷରୁ ଗତ ରାତି ଠାରୁ ଧାରା ୧୪୪ ଜାରୀ କରା ଯାଇ ମନ୍ଦିର ପ୍ରବେଶ ପଥ ଗୁଡିକ’ରେ ବାଉଁଶ ବେରିକେଟ କରି ପୋଲିସ ପହରା ଦିଆ ଯାଇଥିଲା । ହେଲେ ମଧ୍ୟ ଆଜି ଭୋର ସକାଳେ ବହୁ ସଂଖ୍ୟାରେ ମହିଳା ଶ୍ରଦ୍ଧାଳୁ ଭକ୍ତ ମାନେ ବାଉଁଶ ବେରିକେଟ ପାଖକୁ ଆସି ମହାପ୍ରଭୁଙ୍କୁ ଦର୍ଶନ କରିବା ପାଇଁ ପ୍ରୟାସ କରି ଏବଂ ଦର୍ଶନ ନ ପାଇଁ ପୂଜକ ହାତରେ ଫୁଲ , ନଡ଼ିଆ କଦଳୀ ଇତ୍ୟାଦି ଭୋଗରାଗ ଧରାଇ ଚାଲି ଯାଇଥିଲେ ।
ଆଜି ସକାଳେ ଓ ପୂର୍ବାହ୍ନ’ରେ ଏହି ଅବସର’ରେ ଶ୍ରୀମନ୍ଦିର’ରେ ମହାପ୍ରଭୁ’ଙ୍କ ଆଳତି , ମଇଲମ , ତଡପ ଲାଗି ,ଅବକାଶ , ଚିତାଲାଗି , ବସ୍ତ୍ରଲାଗି , ପୂଜାର୍ଚ୍ଚନା ପ୍ରଭୃତି ପାରମ୍ପରିକ ନୀତିକାନ୍ତି କାର୍ଯ୍ୟକ୍ରମ ଅନୁଷ୍ଠିତ ହୋଇଥିଲା । ମହାପ୍ରଭୁ’ଙ୍କ ପହଣ୍ଡି କାର୍ଯ୍ୟକ୍ରମ ନିର୍ଦ୍ଧିଷ୍ଟ ୮/୧୦ ଜଣ ପୂଜକ ତଥା ସେବାୟତ ମାନଙ୍କ ଗହଣରେ ଶାନ୍ତିପୂର୍ଣ୍ଣ ଭାବେ ଅନୁଷ୍ଠିତ ହୋଇଥିଲା । ମହାପ୍ରଭୁଙ୍କ ବଡ଼ ବିଗ୍ରହ ପରିବର୍ତ୍ତେ ଛୋଟ ବିଗ୍ରହ’ରେ ପହଣ୍ଡି କରା ଯାଇଥିଲା । ରତ୍ନବେଦୀ’ରୁ ଅନ୍ୟତ୍ର ଠାରେ ଥିବା ସାନ ବେଦୀକୁ ମହାପ୍ରଭୁ’ଙ୍କୁ ଶଙ୍ଖ-ଘଣ୍ଟ ନାଦ’ରେ ପହଣ୍ଡି କରି ନିଆ ଯାଇଥିଲା ।
ବଡଦାଣ୍ଡ’ରେ ତିନି ଜିଉ ଓ ଭକ୍ତ’ଙ୍କ ଅପେକ୍ଷାରେ ନିରବ’ରେ ଦଣ୍ଡାୟମାନ ହୋଇ ରହିଥିଲା ମହାପ୍ରଭୁ’ଙ୍କ ରଥ । ତିନି ଠାକୁର’ଙ୍କ ରଥଯାତ୍ରା ଦିନରେ ଜଗନ୍ନାଥ ମନ୍ଦିର ପରିସର ଓ ବଡଦାଣ୍ଡ ଖାଁ ଖାଁ ଲାଗୁଥିଲା । ଉପ-ଜିଲ୍ଲାପାଳ ସଂଗ୍ରାମ ଶେଖର ପଣ୍ଡା , ଅତିରିକ୍ତ ତହସିଲଦାର ତଥା ମାଜିଷ୍ଟ୍ରେଟ ମେଡମ ଦାସ , ଅତିରିକ୍ତ ଆରକ୍ଷୀ ଅଧିକ୍ଷକ ସୀତାରାମ ଶତପଥୀ , ପାରଳାଖେମୁଣ୍ଡି ଆଦର୍ଶ ଥାନାଧିକାରୀ ବିବେକା ନନ୍ଦ ସ୍ବାଇଁ ଓ ଅନ୍ୟାନ୍ୟ ଅଧିକାରୀ ମାନେ ଉପସ୍ଥିତ ରହି ପରିସ୍ଥିତି ଅନୁଧ୍ୟାନ କରିଥିଲେ । (ଗଜପତ /ପାରଳାଖେମୁଣ୍ଡି – ରିପୋର୍ଟଗରୁଡ଼ ଧ୍ଵଜ ଚୌଧୁରୀ )
