Home ଓଡ଼ିଶା ସୂଚନା ଓ ଲୋକସଂପର୍କ ବିଭାଗର କ୍ରିକେଟ ଦଳକୁ ସମ୍ବର୍ଦ୍ଧନା ଇସ୍ପାତ ଓ ଖଣି ବିଭାଗ ସଚିବାଳୟ କ୍ରିକେଟ ଟୁର୍ଣ୍ଣାମେଣ୍ଟର : ଶ୍ରେଷ୍ଠ ଖେଳାଳୀ ଆଲୋକ by Proprietor by Abhimanyu Maharana 12 months ago Share on FacebookShare on TwitterWhatsapp ୨୪ ମଇ,୨୦୨୩ (ଓଡ଼ିଶା ତାଜାନ୍ୟୁଜ) ଭୁବନେଶ୍ୱର :- ଇସ୍ପାତ ଓ ଖଣି ବିଭାଗ ଦ୍ୱାରା ଆୟୋଜିତ ଅନ୍ତର୍ବିଭାଗୀୟ ସଚିବାଳୟ କ୍ରିକେଟ ଟୁର୍ଣ୍ଣାମେଣ୍ଟ ୨୦୨୩ରେ ସୂଚନା ଓ ଲୋକସଂପର୍କ ବିଭାଗର କି୍ରକେଟ ଦଳ ଉପବିଜେତା ହୋଇଛି । ବିଭାଗୀୟ ସମ୍ମିଳନୀ କକ୍ଷରେ ଆୟୋଜିତ ଏକ ସଭାରେ ଖେଳାଳୀମାନଙ୍କୁ ସମ୍ବର୍ଦ୍ଧିତ କରାଯାଇଥିଲା । ବିଭାଗୀୟ ନିର୍ଦ୍ଦେଶକ ଶ୍ରୀ ସରୋଜ କୁମାର ସାମଲ ଏହି କାର୍ଯ୍ୟକ୍ରମରେ ମୁଖ୍ୟ ଅତିଥି ଭାବେ ଯୋଗଦେଇ ଖେଳାଳୀମାନଙ୍କୁ ଅଭିନନ୍ଦନ ଜଣାଇବା ସହ ଆହୁରି ଭଲ ଖେଳି ଚମ୍ପିଆନ୍ ହେବା ପାଇଁ ପରାମର୍ଶ ଦେଇଥିଲେ । ଜଣେ ଭଲ ଖେଳାଳୀ ବିଭାଗୀୟ କାର୍ଯ୍ୟ ମଧ୍ୟ ସୁଚାରୁ ରୂପେ ସଂପାଦିତ କରିଥାଏ । କ୍ରୀଡ଼ା, କଳା ଏବଂ ସରକାରୀ କାର୍ଯ୍ୟରେ ଉତ୍କର୍ଷ ପ୍ରଦର୍ଶନ କରି ବିଭାଗ ପାଇଁ ସୁନାମ ଆଣିଲେ ସେମାନଙ୍କୁ ଅଧିକ ପ୍ରୋତ୍ସାହିତ କରାଯିବ ବୋଲି ସେ କହିଥିଲେ ।ବିଭାଗୀୟ ନିର୍ଦ୍ଦେଶକ (ବୈଷୟିକ) ଶ୍ରୀ ସୁରେନ୍ଦ୍ର ନାଥ ପରିଡ଼ା ସମ୍ମାନିତ ଅତିଥି ଭାବେ ଯୋଗଦେଇ ବିଭାଗୀୟ ଖେଳାଳୀମାନେ କ୍ରମାଗତ ତିନିବର୍ଷ ଧରି ସଚିବାଳୟ କ୍ରିକେଟ ଟୁର୍ଣ୍ଣାମେଣ୍ଟର ଫାଇନାଲ ଖେଳିବାର ଯୋଗ୍ୟତା ଅର୍ଜନ କରିଥିବାରୁ ବିଭାଗର ସୁନାମ ବହୁଗୁଣିତ ହୋଇଛି ବୋଲି ପ୍ରକାଶ କରିଥିଲେ । ସାଧାରଣ ପ୍ରଶାସନ ଓ ପେନ୍ସନ୍ ଅଭିଯୋଗ ବିଭାଗ ଏହି ଟୁର୍ଣ୍ଣାମେଣ୍ଟରେ ବିଜେତା ହୋଇଥିଲା । ସୂଚନା ଓ ଲୋକସଂପର୍କ ବିଭାଗ କ୍ୱାଟର ଫାଇନାଲରେ ଗୃହ ବିଭାଗ ଏବଂ ସେମିଫାଇନାଲ୍ରେ ଅର୍ଥ ବିଭାଗକୁ ପରାସ୍ତ କରି ଫାଇନାଲ୍ ଖେଳିବାର ଯୋଗ୍ୟତା ଅର୍ଜନ କରିଥିଲା । ସୂଚନା ଓ ଲୋକସଂପର୍କ ବିଭାଗର ଉଦୀୟମାନ ତାରକା ଶ୍ରୀ ଆଲୋକ କୁମାର ମହାରଣା ଏହି ଟୁର୍ଣ୍ଣାମେଣ୍ଟର ଶ୍ରେଷ୍ଠ ଖେଳାଳୀ ବିବେଚିତ ହୋଇଥିଲେ । ଏହି ଟୁର୍ଣ୍ଣାମେଣ୍ଟରେ ୪୦ଟି ଦଳ ଅଂଶଗ୍ରହଣ କରିଥିଲେ ଏବଂ ୭୫ଟି ମ୍ୟାଚ୍ ଅନୁଷ୍ଠିତ ହୋଇଥିଲା । ସୂଚନା ଓ ଲୋକସଂପର୍କ ବିଭାଗ ଅମିତ ମହାପାତ୍ରଙ୍କ ନେତୃତ୍ୱରେ ଶୁଭ୍ରଜିତ ମଲ୍ଲିକ, ଆଲୋକ ମହାରଣା, ଶିବାନନ୍ଦ ବେହେରା, ନିହାର ରଞ୍ଜନ ଘଡେଇ, ଅଜୟ ନିଆଳ, ତି୍ରଲୋଚନ ବାରିକ, ସୌରଭ ପ୍ରଧାନ, ରଘୁନାଥ ପରିଡ଼ା, ସୁକାନ୍ତ ସାହୁ ଓ ଗଣେଶ ଭୋଇ ଏହି ଟୁର୍ଣ୍ଣାମେଣ୍ଟରେ ଉତ୍ତମ ପ୍ରଦର୍ଶନ କରି ବିଭାଗ ପାଇଁ ଗୌରବ ଆଣିପାରିଥିବାରୁ ବିଭାଗର ସମସ୍ତ ଅଧିକାରୀ ଓ କର୍ମଚାରୀ ସେମାନଙ୍କୁ ଅଭିନନ୍ଦନ ଜ୍ଞାପନ କରିଥିଲେ । କାର୍ଯ୍ୟକ୍ରମକୁ ମୌସୁମୀ ଦାଶ ସଂଯୋଜନା କରିଥିଲେ । Categories: ଓଡ଼ିଶା, କ୍ରୀଡ଼ା, ଖେଳ, ଖୋର୍ଦ୍ଧା, ମହାନଗର, ହୋମ୍ Related Content ନିମାପଡ଼ା ରେ ତ୍ରିପୁରାର ପୂର୍ବତନ ମୁଖ୍ୟମନ୍ତ୍ରୀ ବିପ୍ଲବ ଦେବ ପ୍ରଭାତୀ ଙ୍କ ପାଇଁ ଭୋଟ୍ ଭିକ୍ଷା କଲେ by Proprietor by Abhimanyu Maharana May 19, 2024 ମୁଖ୍ୟମନ୍ତ୍ରୀଙ୍କ ଘୋଷଣା : କେନ୍ଦୁପତ୍ର ହିତାଧିକାରୀ ଦ୍ବିତୀୟ ପର୍ଯ୍ୟାୟରେ ୧୧୧ କୋଟି ଟଙ୍କା ସହୟତା ପାଇବେ - ଉପକୃତ ହେବେ ୮ ଲକ୍ଷରୁ ଅଧିକ ହିତାଧିକାରୀ by Proprietor by Abhimanyu Maharana May 19, 2024 ସିଏମସି ୫୮ ନମ୍ବର ୱ।ର୍ଡ଼ରେ ଘରେ ଘରେ ଶଙ୍ଖ ନିର୍ବାଚନ ପ୍ରଚାର by Proprietor by Abhimanyu Maharana May 19, 2024 ନୟାଗଡ଼ ବ୍ଲକର ବିଭିନ୍ନ ଗାଁ ଓ ପୌରାଞ୍ଚଳର ୩ ଗୋଟି ୱାର୍ଡରେ ପ୍ରଚାର କାର୍ଯ୍ୟକୁ ଯୋରଦାର କଲେ ଅରୁଣ by Proprietor by Abhimanyu Maharana May 19, 2024 ନୟାଗଡ଼ ବ୍ଲକର ବିଭିନ୍ନ ଗାଁ ଓ ପୌରାଞ୍ଚଳର ୩ ଗୋଟି ୱାର୍ଡରେ ପ୍ରଚାର କାର୍ଯ୍ୟକୁ ଯୋରଦାର କଲେ ଅରୁଣ by Proprietor by Abhimanyu Maharana May 19, 2024 ସିଏମସି ୫୮ ନମ୍ବର ୱ।ର୍ଡ଼ରେ କଂଗ୍ରେସର ବୈଠକ by Proprietor by Abhimanyu Maharana May 19, 2024