ଓଡିଶା ତାଜା ନ୍ୟୁଜ୍ (୨୨ ଜୁନ୍ ସୋମବାର) ବରଗଡ଼ :– ଗତ ୧୫ ତାରିଖ ରାତିରେ ଗଲୱାନ ଘାଟି ସୀମାରେ ଭାରତ ର ସୀମା ଭିତରକୁ ପଶି ଆସୁଥିବା ଚୀନ୍ ସୈନ୍ୟ ବାହିନୀ କୁ ଅଟକାଇବା ପାଇଁ ଭାରତୀୟ ସୈନ୍ୟ ବାହିନୀ ଅଟକାଇ ବାକୁ ଚେଷ୍ଟା କଲାବେଳେ ଉଭୟ ପକ୍ଷ ଙ୍କ ମଧ୍ୟରେ ସଂଘର୍ଷ ରେ ଆମ ଦେଶ ର ୨୦ ଜଣ ଜୱାନ ଶହୀଦ ହୋଇଯାଇଥିଲେ । ଆଜି ଶହୀଦ ମାନଙ୍କୁ ସ୍ଥାନୀୟ ସାଇ କ୍ରିଷ୍ଣା ପେଲେସ୍ ଠାରେ ଜିଲ୍ଲା ଟେଁନ୍ଟ ମାଲିକ ସଂଘ ପକ୍ଷରୁ ଗଭୀର ଶ୍ରଦ୍ଧାଂଜଳି ଜଣାଇଥିଲେ । ପ୍ରଥମେ ଦୁଇ ମିନିଟ୍ ନୀରବ ପ୍ରାର୍ଥନା ପରେ ମହମବତୀ ଜାଳି ଶ୍ରଦ୍ଧାଞ୍ଜଳି ଜ୍ଞାପନ କରାଯାଇଥିଲା କରୋନା ଜନିତ କଟକଣା ଯୋଗୁଁ ସାମାଜିକ ଦୂରତା ରକ୍ଷା କରି ଏହି କାର୍ଯ୍ୟକ୍ରମ ଆୟୋଜିତ କରାଯାଇଥିଲା ।
ଏଥିରେ ଅନ୍ୟ ମାନଙ୍କ ମଧ୍ୟରେ ସଂଘ ର ସଭାପତି କ୍ଷୀରୋଦ ସତପଥି , ସମ୍ପାଦକ ବାବୁ ପ୍ରଧାନ, ପ୍ରତାପ ଦ।ଶ , ରାଜ କୁମାର ଛତ୍ରିଆ, ବଳରାମ ଦୀପ, ସୁଦୀପ୍ତ ସାହୁ, ଦିନବନ୍ଧୁ ବେହେରା, ଦିବ୍ୟରାଜ୍ ମେହେର, ଜିତୁ ଗଣତ୍ରା, ସତ୍ୟଜିତ କର ପ୍ରମୁଖ ଉପସ୍ଥିତ ରହି ଶ୍ରଦ୍ଧାଞ୍ଜଳି ଜ୍ଞାପନ କରିଥିଲେ।ଜିଲ୍ଲା ର ବରଗଡ଼, ଅତାବିରା,ପଦ୍ମପୁର, ଭଟଲି, ବିଜେପୁର, ସୋହେଲା, ବରପାଲି ତଥା ଅନ୍ୟ ବ୍ଲକ ରେ ମଧ୍ୟ ଏହି ଶ୍ରଦ୍ଧାଞ୍ଜଳି ସଭା ଅନୁଷ୍ଠିତ ହୋଇଥିଲା । (ବରଗଡ଼ ଜିଲ୍ଲା /ରିପୋର୍ଟ – ସତ୍ୟନାରାୟଣ ପ୍ରଧାନ)
