<h4><span style="color: #ff0000;"><em><strong>୨୨ ମଇ,୨୦୨୩ (ଓଡ଼ିଶା ତାଜାନ୍ୟୁଜ) </strong></em></span><strong><span style="color: #ff0000;"><em>ଦେଓଗଡ଼ :-</em></span> ସିକଲ୍ ସେଲ୍ ରୋଗୀଙ୍କୁ ରକ୍ତ ଦାନ କରି ପୁଣି ନିଜର ମହାନତା ଦେଖାଇଛନ୍ତି ୧୦୮ ଆମ୍ବୁଲାନ୍ସ କର୍ମଚାରୀ । ଘଟଣାନୁଯାୟୀ ଗୋବିନ୍ଦ ମହାକୁଦ ନାମକ ଜଣେ ୧୩ ବର୍ଷିୀୟ ବାଳକ ସିକଲ୍ ସେଲ ରୋଗରେ ପୀଡ଼ିତ ହୋଇ ଦେଓଗଡ଼ ଜିଲ୍ଲା ମୁଖ୍ୟ ଚିକିତ୍ସାଳୟରେ ଚିକିତ୍ସିତ ହେଉଥିଲେ । ଏଠାରେ ଉକ୍ତ ରୋଗୀଙ୍କ ଅବସ୍ଥା ହଠାତ ଖରାପ ହେବା କାରଣରୁ ଡାକ୍ତର ତୁରନ୍ତ ରୋଗୀଙ୍କ ବାପାଙ୍କୁ ବି’ ପଜିଟିଭ ବ୍ଲଡଗ୍ରୁପର ରକ୍ତ ଯୋଗାଡ଼ କରିବାକୁ ପରାମର୍ଶ ଦେଇଥିଲେ ।</strong><img class="alignnone wp-image-107958" src="https://odishatazanews.com/wp-content/uploads/2023/05/ad-3-161x300.jpg" alt="" width="800" height="1491" /><strong>ମାତ୍ର ଏହି ସମୟରେ ଉକ୍ତ ଡାକ୍ତରଖାନାରେ ଏହି ବ୍ଲଡ ଗ୍ରୁପର ରକ୍ତ ଉପଲବ୍ଧ ନଥିଲା । ସମାନ ସମୟରେ ଅନ୍ୟ ଜଣେ ରୋଗୀଙ୍କୁ ନେଇ ସେହି ଡାକ୍ତରଖାନାକୁ ଆସିଥିବା ୧୦୮ ଆମ୍ବୁଲାନ୍ସ ଚାଳକ ଅମିତ ସିଂଙ୍କୁ ଦେଖି ରୋଗୀଙ୍କ ବାପା ଗୋଟିଏ ୟୁନିଟ ବି’ପଜିଟିଭ ବ୍ଲଡ ଗ୍ରୁପର ରକ୍ତ ଯୋଗାଡ଼ କରିବା ପାଇଁ ଅନୁରୋଧ କରିଥିଲେ ।</strong><img class="alignnone wp-image-107959" src="https://odishatazanews.com/wp-content/uploads/2023/05/ad-4-190x300.jpg" alt="" width="698" height="1102" /><strong>ସୌଭାଗ୍ୟବସତଃ ଆମ୍ବୁଲାନ୍ସ ଚାଳକ ଅମିତଙ୍କ ବ୍ଲଡଗ୍ରୁପ ମଧ୍ୟ ସମାନ ଥିଲା । ତେଣୁ ସେ ବିନା କୌଣସି ଦ୍ୱିଧାରେ ରୋଗୀଙ୍କୁ ରକ୍ତଦାନ କରିବା ପାଇଁ ଆଗେଇ ଆସିଥିଲେ ଏବଂ ତୁରନ୍ତ ଯାଇ ସେହି ରୋଗୀଙ୍କୁ ରକ୍ତଦାନ କରିଥିଲେ । ଏହା ହେଉଛି ପଂଚମ ଥର ଯେତେବେଳେ କି ସେ ରକ୍ତଦାନ କରି ଜଣେ ରୋଗୀଙ୍କୁ ନୂଆ ଜୀବନ ଦେଇଛନ୍ତି । ବାସ୍ତବରେ ତାଙ୍କର ଏହି ମହାନତା ସମାଜରେ ଅନ୍ୟମାନଙ୍କ ପାଇଁ ଉଦାହରଣ ପାଲଟିଛି ।</strong><img class="alignnone wp-image-88820" src="https://odishatazanews.com/wp-content/uploads/2022/10/baragadh-300x77.jpg" alt="" width="616" height="158" /> <img class="alignnone wp-image-88991" src="https://odishatazanews.com/wp-content/uploads/2022/11/ranpur-55-300x111.jpg" alt="" width="684" height="253" /></h4>