ପରକନମାଲା ଆଶ୍ରମ ବିଦ୍ୟାଳୟ ର ଶିକ୍ଷକ ପ୍ରହଲ୍ଲାଦ ଖୋସଲା ଙ୍କ ଜିଲ୍ଲା ସୂଚନା ଓ ଲୋକସମ୍ପର୍କ ବିଭାଗ ଅଧିକାରୀ ପରୀକ୍ଷାରେ କୃତ୍ତିତ୍ୱ ହାସଲ

୨୮ଏପ୍ରିଲ୍ ,୨୦୨୩ (ଓଡ଼ିଶା ତାଜାନ୍ୟୁଜ ) ମାଲକାନଗିରି :- ଅଧ୍ୟବସାୟ ଓ ନିଷ୍ଠାର ସହିତ ସାଧନା କଲେ ସିଦ୍ଧି ଅବଶ୍ୟ ପ୍ରାପ୍ତ ହୁଏ। ଏହି କଥା କୁ ପ୍ରମାଣିତ କରିଛନ୍ତି କୁଡୁମୁଲୁଗୁମ୍ମା ଠାରେ ରହୁଥିବା ପରକନମାଲା ଆଶ୍ରମ ବିଦ୍ୟାଳୟ ର ଶିକ୍ଷକ ପ୍ରହଲ୍ଲାଦ ଖୋସଲା। କୋରାପୁଟ ଜିଲ୍ଲାର ଲକ୍ଷ୍ମୀପୁର ନିକଟରେ ଏକ ଛୋଟ ଆଦିବାସୀ ଗାଁ ଡୋଲିଆମ୍ବର ସୁନା ପୁଅ ଶ୍ରୀ ଖୋସଲା ପ୍ରାଥମିକ ଶିକ୍ଷକ ଭାବରେ ମାଲକାନଗିରି ଜିଲ୍ଲା ଜାତି ଓ ଜନଜାତି ଉନ୍ନୟନ ବିଭାଗ ର ଆଶ୍ରମ ବିଦ୍ୟାଳୟ ରେ ପ୍ରାଥମିକ ଶିକ୍ଷକ ଭାବରେ ଯୋଗଦାନ କରିଥିଲେ । ସବୁବେଳେ କିଛି ସ୍ୱତନ୍ତ୍ର କରି ଦେଖାଇବାର ମନୋବୃତ୍ତି ଓ ଦୃଢ଼ ଇଚ୍ଛାଶକ୍ତି ବଳରେ ସେ ଭବିଷ୍ୟତ ଗଢ଼ିବାକୁ ଅଦମ୍ୟ ଉପାସନା କରିଥିଲେ ।

ବିଦ୍ୟାଳୟ ରେ ଶିକ୍ଷାଦାନ ସମୟ ପରେ ବଳକା ସମୟ କୁ ବିନିଯୋଗ କରି ଜଣେ ଅଫିସର ହେବା ର ସାଧନା ଜାରି ରଖିଥିଲେ । ନିଜ ଉଦ୍ୟମରେ ସେ ବିଇଡି ପାଠ୍ୟକ୍ରମ ସଫଳତାର ସହ ଶେଷ କରି ଓଏଏସ୍ ଅଧିକାରୀ ହେବାପାଇଁ ନିଜସ୍ଵ ଢଙ୍ଗରେ ପ୍ରଚେଷ୍ଟା ଜାରି ରଖିଥିଲେ । ଆଜି ସୂଚନା ଓ ଲୋକସମ୍ପର୍କ ବିଭାଗ ତରଫରୁ ଘୋଷିତ ଅଧିସୂଚନା ଅନୁଯାୟୀ ଶ୍ରୀ ଖୋସଲା ସଫଳତା ର ସହ ସୂଚନା ଓ ଲୋକସମ୍ପର୍କ ଅଧିକାରୀ ଭାବରେ ନିୟୋଜିତ ହେବା ପାଇଁ ଓପିଏସି ଦ୍ୱାରା ଆୟୋଜିତ ପରୀକ୍ଷା ରେ ସଫଳତା ହାସଲ କରିଛନ୍ତି ।

ତାଙ୍କର ଏହି ସଫଳତା ନିମନ୍ତେ କୁଡୁମୁଲୁଗୁମ୍ମାର ସମସ୍ତ ବୁଦ୍ଧିଜୀବୀ ,ଶିକ୍ଷକ ସଂଘ କର୍ମକର୍ତ୍ତା,ପତ୍ରକାର ସଂଘ ପକ୍ଷରୁ ଖୁସି ବ୍ୟକ୍ତ କରିବା ସହ ଉତ୍ସସ୍ୱତ ସମ୍ବର୍ଦ୍ଧିନା ପ୍ରଦାନ କରାଯାଇଛି । ଶ୍ରୀ ଖୋସଲା ଙ୍କ ନିଜ ଗ୍ରାମ ଲକ୍ଷ୍ମୀପୁର ର ସମସ୍ତ ବନ୍ଧୁ ମାନେ ଏହି ଅବସରରେ ଆଶୀର୍ବାଦ ପ୍ରଦାନ କରିଛନ୍ତି । ଛୋଟ ଛୋଟ ପିଲା ମାନେ ସାଧନା ବଳରେ ସିଦ୍ଧି ପ୍ରାପ୍ତ ହୁଅନ୍ତୁ ଵୋଲି ଶ୍ରୀ ଖୋସଲା ମତବ୍ୟକ୍ତ କରିଛନ୍ତି ।