ଭୁବନ ହିଙ୍ଗୁଳା ପୀଠରେ ବ୍ଲକ ସ୍ତରୀୟ ଅକ୍ଷୟ ତୃତୀୟା ପାଳିତ

୨୩ଏପ୍ରିଲ୍ ,୨୦୨୩ (ଓଡ଼ିଶା ତାଜାନ୍ୟୁଜ ) ଭୁବନ :-  ଭୁବନ କୃଷକ ସମାଜ ଆନୁକୁଲ୍ୟରେ ବ୍ଲକ କୃଷି ବିଭାଗ ସହଯୋଗରେ ହିଙ୍ଗୁଳା ପୀଠରେ ପବିତ୍ର ଅକ୍ଷୟ ତୃତୀୟା ଓ କୃଷକ ଦିବସ ପାଳିତ ହୋଇଯାଇଛି l ପାଲା ମଣ୍ଡପ ନିକଟସ୍ଥ ହନୁମାନ ମନ୍ଦିର ନିକଟରୁ ହଲ,ଲଙ୍ଗଳ ଓ ଟ୍ରାକ୍ଟର ନେଇ ଶତାଧିକ କୃଷକ ସହର ପରିକ୍ରମା କରି ହିଙ୍ଗୁଳା ପୀଠରେ ପହଞ୍ଚିଥିଲେ l ପରେ କୃଷକ ସମାଜ ସଭାପତି ବାସୁଦେବ ଗୁରୁ ଙ୍କ ଅଧ୍ୟକ୍ଷତାରେ ଅନୁଷ୍ଟିତ କୃଷକ ସମାରୋହ ଉତ୍ସରେ ଭୁବନ ବ୍ଲକ ଆତ୍ମା ସଭାପତି ତଥା ଜିଲ୍ଲା କୃଷି ପରାମର୍ଶ କମିଟି ସଦସ୍ୟ ସୁଧାକର ସହୁ ମୁଖ୍ୟ ଅତିଥି , ବ୍ଲକ କୃଷି ଅଧିକାରୀ ଭାଗ୍ୟଧର ସାହୁ ମୁଖ୍ୟ ବକ୍ତା,ବରିଷ୍ଠ ନାଗରିକ ବ୍ରଜବନ୍ଧୁ ରାଉତ , ବାଲିବୋ ସେବା ସମବାୟ ସମିତି ସଭାପତି ମଳୟ ତ୍ରିପାଠୀ, କାଉନସିଲର ମନମୋହନ ସାହୁ, କୃଷକ ସମାଜ ସମ୍ପାଦକ ସୁଶାନ୍ତ ଗୁରୁ ପ୍ରମୁଖ ସମ୍ମାନୀତ ଅତିଥି ଭାବେ ଯୋଗଦେଇ କୃଷି ଓ କୃଷକ ମାନଙ୍କ ପାଇଁ ସରକାରଙ୍କ ବିଭିନ୍ନ ଯୋଜନା ଓ ତାର ସଫଳ ରୂପାୟନ ସଂପର୍କରେ ଆଲୋକପାତ କରିଥିଲେ l କୃଷି ଓ କୃଷକ ମାନଙ୍କ ର ଉନ୍ନତି ହେଲେ ଦେଶର ଉନ୍ନତି ହେବ ବୋଲି ମତବ୍ୟକ୍ତ କରିଥିଲେ l କାର୍ଯ୍ୟକ୍ରମକୁ କୃଷକ ସମାଜ ର କାର୍ଯ୍ୟକାରୀ ସଭାପତି ଶ୍ରୀଧର ବେହେରା ପରିଚାଳନା କରିଥିଲେ l ଶ୍ରୀ ଜଗନ୍ନାଥ ଫର୍ଟିଲାଇଜର ତରଫରୁ ଉନ୍ନତ ମାନର ଧାନ ବିହନ ପ୍ରଦର୍ଶନ କରଯାଇଥିଲା l ସାଂସଦ ମହେଶ ସାହୁ ବ୍ୟସ୍ତତା ଭିତରେ ଆସିପlରିନଥିବାରୁ ଭିଡିଓ ବାର୍ତ୍ତା ମାଧ୍ୟମରେ କୃଷକ ମାନଙ୍କୁ ମାର୍ଗ ଦର୍ଶନ କରିଥିଲେ l ଭୁବନ ସେବା ସମବାୟ ସମିତି ନିର୍ଦ୍ଦେଶକ ସତ୍ୟାନନ୍ଦ ପୃଷ୍ଟି, ନିରଞ୍ଜନ ଗୁରୁ, ଅନୁକୂଳ ପୋଥାଳ ଓ କୃଷକ ସମାଜ କର୍ମକର୍ତ୍ତା ମନ ମୋହନ ବେହେରା, ଶେଷଦେବ ବେହେରା , ପୀତବାସ ବେହେରା, ଅର୍ଜୁନ ପୃଷ୍ଟି ,ଚୈତନ୍ୟ ବେହେରା ପ୍ରମୁଖ ସକ୍ରିୟ ଅଂଶ ଗ୍ରହଣ ଓ ସହଯୋଗ କରିଥିଲେ l ଭୁବନ ବ୍ଲକ, ଏନ୍ ଏ ସି ର ଶତାଧିକ କୃଷକ ଯୋଗଦେଇଥିଲେ l ଶେଷରେ ପୂଜାର୍ଚ୍ଚନା କରାଯାଇ ହଳ ଲଙ୍ଗଳ ଓ ଟ୍ରାକ୍ଟର ସାହାଯ୍ୟରେ ଚାଷ କରି ଅକ୍ଷି ମୁଠି ଅନୁକୂଳ କରାଯାଇଥିଲା l