ଭୁବନ ପଞ୍ଚାୟତ ସମିତି ର ସାଧାରଣ ଅଧିବେଶନ : ଜୁନ ମାସ ସୁଦ୍ଧା ୨୦ କୋଟି ଟଙ୍କା ଖର୍ଚ୍ଚ କରିବାକୁ – ମନ୍ତ୍ରୀ ପ୍ରଫୁଲ୍ଲ ମଲ୍ଲିକ ଙ୍କ ନିର୍ଦ୍ଦେଶ

୨୨ଏପ୍ରିଲ୍ ,୨୦୨୩ (ଓଡ଼ିଶା ତାଜାନ୍ୟୁଜ ) ଭୁବନ :- ଭୁବନ ପଞ୍ଚାୟତ ସମିତି ର ଚତୁର୍ଥ ସାଧାରଣ ଅଧିବେଶନ ବ୍ଲକ ସଭାଗୃହ ମଧ୍ୟରେ ଅନୁଷ୍ଟିତ ହୋଇଯାଇଛି l ବ୍ଲକ ଅଧ୍ୟକ୍ଷା ଶ୍ରୀମତୀ ସିପ୍ରା ବରାଳ ଙ୍କ ସଭାପତିତ୍ବ ରେ ଅନୁଷ୍ଠିତ କାର୍ଯ୍ୟକ୍ରମ ରେ ବିଡ଼ିଓ କଲ୍ୟାଣ ସୌରଭ ଦାଶ ପ୍ରାରମ୍ଭିକ ସୂଚନା ଦେଇ କହିଥିଲେ ଯେ, ଚଳିତ ଆର୍ଥିକ ବର୍ଷରେ ମହାତ୍ମା ଗାନ୍ଧି ଜାତୀୟ ନିଶ୍ଚିତ କର୍ମ ନିଯୁକ୍ତି ଯୋଜନାରେ ୨୦ କୋଟି ୧୫ ଲକ୍ଷ ଟଙ୍କା ଆସିଛି l ଏହି ଟଙ୍କା ରେ ପ୍ରତ୍ୟେକ ପଞ୍ଚାୟତ ରେ ଗ୍ରାମୀଣ ଉଦ୍ୟାନ, ଆଦର୍ଶ ପୋଖରୀ, ଆଦର୍ଶ ଖେଳ ପଡିଆ,କଲ୍ୟାଣ ମଣ୍ଡପ ଇତ୍ୟାଦି ନିର୍ମାଣ କରାଯିବ lସ୍ଥାନୀୟ ବିଧାୟକ ତଥା ରାଜ୍ୟ ଖଣି ଇସ୍ପାତ ଓ ପୂର୍ତ୍ତ ବିଭାଗ ମନ୍ତ୍ରୀ ପ୍ରଫୁଲ୍ଲ କୁମାର ମଲ୍ଲିକ ମୁଖ୍ୟ ଅତିଥି ଭାବେ ଯୋଗଦେଇ ଜୁନ୍ ମାସ ସୁଦ୍ଧା ବର୍ଷା ଋତୁ ପୂର୍ବରୁ ଏହି ୨୦ କୋଟି ଟଙ୍କା ଖର୍ଚ୍ଚ କରିବାକୁ ନିର୍ଦ୍ଦେଶ ଦେଇଥିଲେ l ଶିକ୍ଷା,ସ୍ବାସ୍ଥ୍ୟ ବିଭାଗ ରେ ଖାଲି ପଡ଼ିଥିବା ପଦବି ପୂରଣ ,ବିଦ୍ୟାଳୟ ଶ୍ରେଣୀ ଗୃହ ନିର୍ମାଣ ସହିତ ପାନୀୟ ଜଳ ସମସ୍ୟା,କୃଷି, ମତ୍ସ୍ୟ, ଗୋସମ୍ପଦ ଓ ସାଧାରଣ ବଣ୍ଟନ ବ୍ୟବସ୍ଥା ରେ ଚାଉଳ ଯୋଗାଣରେ ବ୍ୟାପକ ଅନିୟମିତତା ହେଉଥିବା ସମ୍ପର୍କରେ ସମିତି ସଭ୍ୟ, ସରପଞ୍ଚ ଓ ଜିଲ୍ଲା ପରିଷଦ ସଭ୍ୟ ମାନେ ଅଭିଯୋଗ କରି ସମସ୍ୟା ସମାଧାନ ପାଇଁ ଦାବି କରିଥିଲେ l ଅନ୍ୟ ମାନଙ୍କ ମଧ୍ୟରେ ଜିପିଓ ଶ୍ରୀକାନ୍ତ କୁମାର ବେହେରା ,ସହକାରୀ ଯନ୍ତ୍ରୀ ଲିଲାମ୍ବର ବୁମରା,ବ୍ଲକ ଉପାଧ୍ୟକ୍ଷl ଶ୍ରୀମତୀ ସରୋଜିନୀ ଦ୍ବିବେଦୀ ,ଜିଲ୍ଲା ପରିଷଦ ସଭ୍ୟ ରମେଶ ଚନ୍ଦ୍ର ସାହୁ,ସୁବାସ ମାଝୀ,ସିଲାରାନୀ ସାହୁ ଙ୍କ ସମେତ ସମସ୍ତ ପଞ୍ଚାୟତ ପ୍ରତିନିଧି ,ବିଭାଗୀୟ ଅଧିକାରୀ ଓ ବ୍ଲକ କର୍ମଚାରୀ ମାନେ ଉପସ୍ଥିତ ଥିଲେ l ଶେଷରେ ଆକାଉଟାଣ୍ଟ ପ୍ରଶାନ୍ତ କୁମାର ମିଶ୍ର ଧନ୍ୟବାଦ ଅର୍ପଣ କରିଥିଲେ l